بطاطا مقلية في الماء amouna, تفاصيل و تحليل هذه الظاهرة علميا و كيميائيا ههههه :)

أنا أمهم · 2013-01-23, 15:09

السلام عليكم و رحمة الله و بركاته
بسم الله

أمس جربت قلي البطاطا بطريقة الأخت أمونة , في الماء و الزيت , و حتى أؤكد لبقية العضوات أنه مافيش خطر عليهم صورتلكم الحكاية من طق طق للسلام عليكم

هنا الماء و الزيت في القلاية و حطيتهم على النار :

هنا سخنوا , و لم يصر أي انفجار !!!! يعني لو كان في خطر ما كنتش نقدر نقرب أنا و الكاميرا لهذه الدرجة ههههه :

و هنا حطيت البطاطا في القلاية :

و هذه النتيجة :

و تفسير هذه الظاهرة علميا على حسب تفكيري البسيط , هو إنه الماء لما يغلي في وسط الزيت هو اللي يطبخ البطاطا في مرحلة أولى, و يتبخر في نفس الوقت!!!!! بعد ما يتبخر كل الماء, تكون البطاطا اتسلقت , و يبقى الزيت وحده في القلاية .... و هو سخووووووون يقلي البطاطا.... يعني الخلاصة و كإنك سلقتي البطاطا ثم قليتيها

و أكيد اللي جربو البطاطا بهذه الطريقة يلاحظو إنهم بعد قلي الكمية الأولى ( إذا كمية البطاطا كبيرة) و تحاولي المرة الثانية تقلي في نفس الزيت , ستجدين الزيت وحده في القلاية و ستقلين بنفس طريقتك المعتادة!!!

يعني الطريقة هذه تنفع فقط في المجموعة الأولى

أختي أمونة جازاك الله كل خير, طريقة مربحة للزيت و رتحتينا من مرحلة سلق البطاطا قبل قليها

رابط الموضوع الأصلي : https://www.djelfa.info/vb/showthread.php?t=1196751

faizarbh · 2013-01-23, 15:25

و انااااااا راني نشوف و نقول وين راهي انا امهم من البارح ما بانتش و انتي راكي مع التجارب العلمية يعطيك الصحة اييييييييه و الله خرجتلك يم يم تهبل

feuilleblanche17 · 2013-01-23, 15:50

انا امهم هاوية التجارب العلمية

امونة الشاوية · 2013-01-23, 15:51

الله يسلمك اختي انا امهم الحمد لله لي صلحتلك التجربة البطاطا تاعك عجبتني قوليلي بواش قصيتيها

ماريا205 · 2013-01-23, 16:01

الله يسلمك انا امهم والله فحلة تزدمي وما توليش اللورهيهيهيه
درك ما بقالنا حتى سبب للخوف هيا الى الزيت والماء

سمراء الدنيا · 2013-01-23, 16:11

يعطيك الصحة انا امهم درتيلنا الكوراج

ام عبيدة · 2013-01-23, 16:36

بارك الله فيك

kokotg · 2013-01-23, 17:00

السلام عليكم
والله يا اختي انا امهم نشكرك بزاف لانه جاوبتيني على فكرة القلية الزاوجة بلا ما نسقسيك رحت نخدم وهي شاغلتني ههههههههههههه
حكيت لامي على الفكرة حسيتها ماهضمتهاش لكن ان شاء الله رح نجربها ونقصوا شوية زيت تقول الواحد راهو يدوش به ههههههههه
والشكر موصول لصاحبة الفكرة
ربي يبارك فيكم كامل

zineb hanifa · 2013-01-23, 17:32

يوم امس بعدما قرات الوصفة توجهت مباشرة الى التطبيق و توصلت الى نفس ملاحظاتك واستنتاجك .

في البداية تسلق البطاطا ثم يتبخر الماء ويبقى الزيت الذي تقلى فيه البطاطا.

اذا كانت عندك دفعة ثانية من البطاطا فاحذري من اضافة الماء الى الزيت وهو ساخن هنا ستكون كارثة.اذا يجب ان ننتظر حتى يبرد الزيت ثم نظيف الماء وننتظر حتى يسخن ونبداْ من جديد في القلي.

هند222 · 2013-01-23, 18:17

بارك الله فيك

يااختي

الواحد راح يحكملوا الزيت شوية

ههههههههههههههههههههههه

المهم والأهم لاتخبروا ازواجكم بالفكرة

ههههههههههههههههههههه

الصوامعية · 2013-01-23, 18:42

نستعرف بيك عزيزتي أنا أمهم عشتي مغامرة شيقة في الكوزينة
انا على حساب واش فهمت يبقى غير الزيت في الأخير والماء يتبخر
وأنا كنت متخيلا الكمية تبقى هي هي ونقدرو نقلو بيها شهور وشهور و أعوام وسنين ههههههه
شكرا جزيلا على التطبيق

fatimabo · 2013-01-23, 18:45

ربي يخليك اختي شكرا لك فعلا على المجهود .

أم ياسين الزهراء · 2013-01-23, 20:48

الحمد لله خرجتي سالمة من المختبر ههههههههههههههههه تعيشي حنونة

ام ساجد · 2013-01-23, 21:38

يعطيك الصجة على التجربة العلمية معليش جربي برك المهم تفيدينا شكرالك

rayhana malak · 2013-01-23, 22:27

يعطيك الصحة بصح كيفاش قصيتيها