احلى تيراميسواااا

[amel62]

و تيرااااميسوااا مثالي و بنة ما نحكيلكومش اممممم
اولا نحضر كرام باتسياغ و نخليها تبرد
في كسرونة ندير 2 كاس حليب بارد+ 3 صفار بيض+3 مغارف نشاء ضربيهم مليح بالفوي ثم ضيفي نص كاس سكر و ضربي +مغرف ص فانيلا و ديريها فوق النار متوسطة شوي شوي خلطي حتى تعقد ثم نحيها و ضيفيلها مغرف صغيرة زبدة و خلطي مليح بالفوي و دخليها تبرد الثلاجة
ثانيا
نطلع 125 غ شونتي بالحليب و نديرها أيضا في الثلاجة
ثالثا
بما ان نعرف اصل تيراميسو فيه ماسكربون رح نحضر بديل تاعها و هي
جبنة الماسكربون
ندير 7 مغارف كبار كرام باتسياغ + 3 مغارف كبار شونتي طالعة + علبة كرام فراش و نخلطهم كامل مليح
رابعا
في كسرونة ندير 2 مغارف كبار و ربع قهوة سريعة الذوبان +كاس ماء بارد+ نص مغرف كبيرة كاكاو حلو نخلطهم و نديرهم في حمام مائي 2 د
في مول نشرب البسكويت في خليط القهوة (اي بسكويت كسكروط او لسان القط ......) ندير طبقة من البسكويت ثم طبقة من ماسكربون ثم طبقة أخرى من البسكويت المشرب ثم كرام باتيسياغ كلها ثم طبقة أخرى من البسكويت المشرب ثم ماسكربون الباقية و ندخل للثلاجة يبرد كي يبرد نزين باي شي متواجد(تزيين اختياري)