قبل ما نندم

lotfi10 · 2016-03-16, 22:34

السلام عليكم

انا نقرا في السنة الثانية تسيير و اقتصاد مع العلم قاسوني فيها انا ما خيرتهاش بلوقت حبيتها او دايمن مع الاوائل مي خوفوني فيها بالتحديد في الفصل الثاني قالولي بلي راهي شعبة لي ماراهيش رايحا تدمنلك مستقبل في حالة جبت باك مليح او في حالة جبتو عيان او زت سقسيت صحاب الجامعة قالولي نفس الشي خطيك او رانا نادمين او شعبة عيانة ......
يقولك سقسي لمجرب

انا قلت نسقسيكم باش تنصحوني ..... راني بديت نخمم في السنة الثالثة نبدل لشعبة علوم تجريبية اعلم اني سوف اواجه صعوبات كوني لم ادرس العلوم و الفيزياء في السنة الثانية و اعلم ان هناك نسبة كبيرة بعدم الفوز بشهادة الباكالوريا في العام الاول لكني افضل خسارة عام على ان اندم طيلة حياتي

انصحوني جزاكم الله خيرا

fouzilounnas · 2016-03-17, 20:07

شكون قالك مافيهاش مستقبل , و لي راهم اليوم محاسبين و مديرين و مسييريين و اداريين وغير ذلك واش قراو ?
انا شخصيا درست شعبة علوم في الثانوية و في الجامعة رحت تسيير و اقتصاد , لاني لم احب ابدا شعبة العلوم و دائما ما كنت احصل على معدل 10 و الحمد لله انا من المتفوقين حاليا و معدلاتي كامل 13 فما فوق , كل واحد و مكتوبه اخي واحد مايخدعك

khaledalger29 · 2016-03-17, 21:02

أنا درست تسيير و إقتصاد في الثانوية و الأن الحمد لله واصلت نفس التخصص في الجامعة و حسب رأيي فإن شعبة الإقتصاد أفضل من العلوم فيما يخص مناصب العمل مستقبلا

lotfi10 · 2016-03-18, 14:00

لكن هل فيها مستقبل هل هناك اي تخصص يضمن لك مستقبلا ساميا في الحياة تقدر تديك بعيد ’,?

chouder youness · 2016-04-08, 09:52

يا اخي أدرس فقط من أجل العلم ... المستقبل أنت لي تصنعو أنا ديت باك علوم تجريبة وتخصصت في الجامعة علوم اقتصادية وتسيييربشكل عادي وحصلت على ليسانس وماستر ..أخي كمل أقرا بشكل عادي ومتتكلش غير على الجامعة أقرا في المدارس خاصة ثاني ديري تخصصات اخرى لشتا بالمراسلة .. بعد 5 أو 6 سنوات يكون عندك 3 و4 شهدات وين تروح تخدم .. بالتوفيق