موضوع مميز صور لبعض حلوياتي - الصفحة 2

ام اسماعيل2009 · 2013-04-30, 14:54

يعطيك الصحة انا كي نشوف اسمك رامز ندخل خاطر نلق حوائج ملاح اريد وصفة موس الشيكولا في أكواب الشوكولا

ladymillion · 2013-04-30, 15:06

ههههههههههههههه راني حطيتها مع الوصفة مع الصور تلقاي عنوانها
التارتة الامريكية بالحذاء ادخلييييييييي
وانشاء الله يوفقق الله وديريها ونتعتيلي التصاور

ladymillion · 2013-04-30, 15:10

الى الاخوات لي حبو الوصفة 12
جينواز العسل والجوز
مقادير الجينواز :
250 غ زبدة
1 كاس سكر
3/4 كاس عسل انا درت عسل المرجان فيه نكهة العسل الحر واذا ملقيتيهش ديري اي نوعية نتاع عسل وزيدي ملعقة كبيرة عسل حر
5 بيضات كاملة
كأس جوز مرحي
2 ملاعق كبيرة كاكاو اسود
2 كيسان ونصف فرينة
2 ملاعق صغيرة بيكاربونات أو خميرة القاطو

في الخلاط حطي الزبدة + السكر + العسل واخفقي مليح وزيدي المكونات الباقية
جيبي 2 صينيات ادهنيهم بالزبدة والفرينة
وقسمي الخليط على 2 بالتساوي
وحطيهم اطيبو على درجة 180°

تحضير الكريمة
250 غ زبدة + 250 غ سكر ناعم + فاني
اخفقيهم مليح وخليهم على جنب
حطي 3/4 كاس حليب في وعاء على نار متوسطة + 1 ملعقة صغيرة سكر + 2 ملاعق كبيرة سميد وخلطي حتى يطيب السميد في الحليب
جيبي كريمة الزبدة وخلطي معاها الحليب والسميد وزيدي اخفقيهم شوي برك باش يتخلطو مع بعض

كي يطيب الجينواز وتخليه يبرد حطي الكريمة على طبقة وهي في الصينية متنحيهاش وزيدي حطي فوقها الطبقة الثانية نتاع الجينواز

وحضري كلاصاج الشوكولا
استعملس شوكولا منى أنا نحبها هههههههههه بنينة ذوبي 600 غ في حمام مائي + صفار بيضة + باكي من قهوة نسكافي وتحركي ملييييح الشوكولا من بعد زيديلها الماء أو الحليب كيما تحبي أنا ندير الماء باش تبقى طرية وتبرق زيدي الماء وابقاي تحركي وتحركي كي تشوفيها سايلة شوي نحيها من الحمام المائي
ملاحظة : الماء استعملي من نتاع الحمام المائي
وسيحي الكلاصاج فوق الجينواج ومشيه شوي واعدليه وخليه يشيح
التزيين : ذوبت الشوكولا وحدها من غير أي زيادات وجبت قوالب الورقة عمرتهم بالشوكولا ونحط في الكونجيلاتوغ تجمد شوي ونحيها وندير فوقها البريون الرطب بالبانسو

وكي يشيح الكلاصاج هاديك الغدوة قطعيه مربعاة وحطي في الكيسات ولازم يتخبى في الثلاجة
الصينية 25سم نصف القطر يعني كامل 50 سم دور نتاعها

هذه هي الوصفة انشاء الله نكون عند حسن ضنكم وادعولي ولولديا

ladymillion · 2013-04-30, 15:39

الوصفة رقم 13
المخبز باللوز والبندق
المقادير:
2 كيلات لوز + كيلو بندق مرحيين
كيلة ونصف سكر ناعم
قشور الليمون
قرصة ملح
3 أو 4 بيضات حسب الحجم
فاني
الطريقة : في اناء حطي اللوز والبندق الفاني والملح والقشور خلطيهم بيدك شوي وبداي لوحي البيض بالوحدة ةدخلي الخليط في بعضاه حتى تكمل حبات البيض
ملاحظة: سر المخبز في العجن اذا عندك عجانة اعجنية لمدة 10 د واذا معندكش اعجني بيدك هذا السر الاول
السر الثاني بعد ما تعجنيه وتلميه غطيه بكيس وخليه ليلة كاملة في الثلاجة
هاذيك الغدوة كي تحبي طيبيه شعلي الفرن 180° وافردي العجينة بشوي فرينة باش متلصقش واطبعيه كيما تحبي وحطيح يطيب مايطولش في الفرن لمدة 20 د بالكثير

الان الكلاصاج :
700 غ سكر ناعم
بياض بيضة واحدة
ملعقة صغيرة فاني
ملعقة كبيرة عصير ليمون
كل هذه المقادير حطيهم في اناء وحكيهم ملييييح بيديك حتان يتخلط بياض البيضة مع السكر من بعد زيدي ماء الزهر بشوي وحكي بيديك واخبطي الخليط ودخليو مع بعضاه مليح حتام يبياض بزاف ويجيك شوي سايل واضيفي ملون غذائي كيما تحبية وابداي تغلفي المخبز نتاعك

و بالنسبة لمخبز الجوز نفس الطريقة ونفس الخطوات

ladymillion · 2013-04-30, 15:59

الوصفة 18
موس الشوكولا في أكواب الشوكولا
1/ احضري قوالب السيليكون كبيرة شكلها كيما كيسات المادلان
ذوبي شوكولا أنا نستعمل دائما شوكولا منى ذوبيها في حمام مائي كي تذوب حطي شوي في القالب و وزعيها على القالب
بواسطة بانسو الرسم متعمريش كل القالب خليه فرغان يعني لبسي حدار القالب بالشوكولا وحطي في الكونجيلاتوغ وكملي القوالب نتاعب بنفس الطريقة وحطيهم كلهم في الكونجيلاتوغ وخليهم يجمدو
الان ابداي تخدمي لاموس :
المقادير
كاس حليب + 200غ شوكولا + 7 ملاعق كبيرة كريمة شانتيي + ملعقة كبيرو كاكاو أسود + نصف ورقة جيلاتين منقع في ماء بارد جدا بساعة قبل
في حمام مائي ذوبي شوكولا + كاس حليب + كاكاو + جيلاتين نحيه من الماء وحركي بشوي كي يتخلطو وتكون شوكولا ذابت طفي النار وحضري اناء فيه ماء بارد وشوي ثلج باش يبرد الخليط و ابقاي تخلطي باش تساعديع يزيد يبرد
بعد ما يبرد اضيفي 7 ملاعق كبيرة نتاع كريمة شانتي واخفقي في الخلاط باش تطلع الكريمة
كي تجهز اجبدي القوالب نتاعك ونحيلهم السيليكون وحطي الموس بواسطة الكيس الحلواني ولك الاختيار في التزيين مع المكسرات تجي هايلة وحطيها في الثلاجة تأُكل باردة

جربوها واعطوني رأيكم يا بناااااااات
تحياتي

ام اسماعيل2009 · 2013-04-30, 16:17

حلويات في القمة اريد وصفة موس الشكولا في أكواب الشكولا

ladymillion · 2013-04-30, 16:24

راني كتبتها يا أم اسماعيل هي في الصفحة الثانية من صفحة التعليقات

بشرى2008 · 2013-04-30, 16:26

رووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووعة

أم أسامة 07 · 2013-04-30, 16:27

يعطيك الصحة شئ مذهل

ladymillion · 2013-04-30, 16:39

اقتباس:

المشاركة الأصلية كتبت بواسطة فلوسة نصرو

أولا: تبارك الرحمان ما شاء الله
ثانيا: يعطيك الصحة على هادوك اليدين
ثالثا: تقدري تتحنني علينا شوية وتعطيلنا لي غوسات خصوصا رقم 01، ورقم 12، 13، 14، 15، 18
وربي يعطيك ما تتمناي

شكرا يا أختي وبارك الله فيك وفي جميع الاخوات لي عجبهم كل حلوياتي وراني نحطلك في الوصفات ليك وللأخوات لي طلبوهم مني وانشاء الله طبقوهم وراني فرحانة بزاف وانشاء الله نزيد نحطلكم حلويات جديدية وحتى نفس الحلويات لكن نزيد نحطلكم الوصفات ومع الصور التفصيلية

sbmwhadz · 2013-04-30, 16:42

تحفة و فن بوركت على هذا العمل الرائع يا ريت في المستقبل تعملي لنا خطوات العمل حتى نفهم أكثر
المخبز الخفيف تقطعيه ذوائر قبل أو بعد ما يطيب ؟

imene mimicha 05 · 2013-04-30, 16:50

ماشاء الله روعة راكي شهيتيني

ladymillion · 2013-04-30, 16:52

الوصفة 15
غريبة الفستق

المقادير :
2 كيلات فرينة
كيلة زبدة { ذوبيها وخليها تبرد في الثلاجة ومن بعد نحيلها الماء ونشفيها لازم ميكونش فيها الماء }
كيلة سكر ناعم
نصف كيلة فستق مرحي رطب
قرصة ملح

الطريقة :
أولا الحاجة لي لازم ديريها شعلي الفرن لمدة 45 د بحرارة 250° وطفيه
ثانيا جيبي مول زجاج أو صينية حطي فيها 2 كيلات فرينة ورصيها في المول ودخليها في الفرن وهو سخون وطافي ماشي شاعل وخليها في الفرن لمدة ساعة كي تجبديها تلقايها من فوق مشققة يعني نجحت العملية { هذا هو سر الغريبة الطرية لي تذوب في الفم } وخليها تبرد وغربليها
ثالثا اخفقي الزبدة مع السكر مع الملح حتان يبياضو وزيدي الفستق وتقدري ديري كاوكاو ومن بعد زيدي الفرينة وحكي بيديك حتى تتحصلي على عجينة تقدري تشكليها كيما الصابلي
وشعلي الفرن 180° وطيبيها ورديلي بالخبر

sbmwhadz · 2013-04-30, 16:54

الوصفة و الطريقة من فضلك

ladymillion · 2013-04-30, 16:55

اقتباس:

المشاركة الأصلية كتبت بواسطة sbmwhadz

تحفة و فن بوركت على هذا العمل الرائع يا ريت في المستقبل تعملي لنا خطوات العمل حتى نفهم أكثر
المخبز الخفيف تقطعيه ذوائر قبل أو بعد ما يطيب ؟

اطبعيه بعد ما طيبيه هو يجي خفيف كيما جينواز
وانشاء الله نعمل هذه الوصفات مع الصور طبعا
بارك الله فيك