حدثتني جدتي فقالت:.....(معان -أمثال - حكم)

[امير الحزن]

بارك الله فيك على هذ الموضوع الجميل

[*نآدرة~]

شكرا لمشاركاتكم

تقول جدتي:"اللي في يدو كل يوم عيدو"

يعني اللي عندو الدراهم والمال أيامه كلها عيد،كل يوم يلبس مليح وكل يوم ياكل مليح،ماشي كيما الي ماعندوش يلبس وياكل غير بالمناسبة




وصح عيدكم

[الجليس الصلح]

[*نآدرة~]

شكرا لمروركم












ومزيدا من الحكم والامثال والحكايات،هيا شاركونا

[panpouna]

هايل هاد الموضوع انا جداتي نقوللها يما هدرتها قاع مثال دركا نقولكم واش تفكرت
"عند العشا تفتل عيشة و عند السحور تجيب المغارف" يقولوه على المرا الجايحة ولا الثقيلة فلخدمة
"عين على المقلية و عين على المشوية"
"وين تباني يا المكحلة في نص الليل" المكحلة هي المرا لي دايرة الكحل
"ناكل ماكلة مخنانة و ما ناكلش ماكلة منانة" يعني ناكل ماكلة المعفونة و ما ناكلش ماكلت المرا لي تمن
"الكلمة كي الرصاصة ادا خرجت ما توليش" يعني الواحد لازم يعرف واش يهدر و يصون لسانو
"خوك خوك لا يغرك صاحبك"
"ربي يخلف على السبولة و ما يخلفش على لي حشها"
"دراهم بوك يرحموك"
"انت وزير و انا وزير و شكون يسوق الحمير"
"سعد الشينة فسما و سعد الشينة فلحما"
"خبزة طايبة طاحت على كلب راقد" الرزق الي يجي الانسان و هو غافل
"اقصد الدار الكبيرة ادا ما شبعت تبات للدفا"

[الواثقة بالله 23]

السلام عليكم

موضوعك رائع أختي شكرا لك

الزمان غدار و البنات في الدار

يقال عن العجوز لي تظلم كنتها متناسية أنوعندها هي تاني بنات متحبش يظلموهم

الناس كل تغلبني و أنا نغلب خيرة مرتي

يقال عن الرجل لي صعيب مع مرتو و عااااااقل مع البقية

لي عودة باذن الله

[loulwa1]

3jabni lmawdou3 wlahkayat ta3ou rawaa ya3tikoum saha wrabi y5alikoum lmountadana la3ziz 3lina

[*نآدرة~]

الله يعطيكم الصحة،والله غير أبهرتوني بامثالكم اللي حطيتوها هنا،بعضها اول مرة نسمع بيهم وصراحة روعة روعة
ربي يحفظكم ويعطيكم ماتتمناو،وتعيشو كل ماتتفكرو ارجعو هنا واكتبوا واش تعرفوا
شكرا جزيلا

[السمروني]

جزاك الله خيرا وبارك الله فيك على الجهد المبذول

[belaidi10]

البسملة1شكرا على الموضوع فبها عبرة رائعة
ومعلومات قيمةو

[*نآدرة~]

شكرا لكل من مر من هنا














تقول جدتي وهي تحثنا على الصدقة
"اللي خرج خبزة بفوارها كاللي راح لمكة وزارها"


يعني الانسان الي يصدق خبزة وهي سخونة كلي راح لمكة وزارها

[*نآدرة~]

تقول جدتي:
"قعاد النسيم ولا قعاد النسيب"
يعني الانسان يبات في البرد ويقعد فيه وما يقعدش عند نسيبو

مثل آخر تقوله جدتي:
"خير الماكلة ما حضر وخير اللبسة ماستر"































شاركونا من فضلكم

[صفاء نور اليقين]

موضوع رااااااااااااااااااااائع بكل معنى الكلمة


هههه هذا وين شفتو برك خلاص ضرك نعيش هنا هههه



نعرف مثل يقولوه كي مثلا واحد يضحك على واحد يكون طويل ولا سمين يقلك "الطول للشجر والعرض للبقر والعبد بالقدر"

وكاين ثاني واحد اخر مثلا كي تكون من جاتك واحد دار حاجة ويزيد يتمزى عليك "من لحيتو بخرلو"

وكي نلقاو واحد حاصل في روحو وكيم نقولو خالية عليه ونزيدو عليه احنا نقولو هذا المثل"لقاوه يشكي بالعقر(العقم) قالولو شحال ولادك)





ولي رجعة باذن الله


صاحبة الموضوع راكي في القمة

[momow002]

صلى على خير الأنام سيدنا محمد ـ عليه أفضل الصلاة والسلام ـ

[*نآدرة~]

المشاركة الأصلية كتبت بواسطة صفاء نور اليقين

موضوع رااااااااااااااااااااائع بكل معنى الكلمة
شكرا لك،أخجلتني والله،لكن الأكيد أن مرورك ومشاركتك معنا هما الأروع

هههه هذا وين شفتو برك خلاص ضرك نعيش هنا هههه

الحمد لله لي شفتيه،هكذا تعيشي هنا وتونسيني،مرحبا بيك في أي وقت الموضوع موضوعك

نعرف مثل يقولوه كي مثلا واحد يضحك على واحد يكون طويل ولا سمين يقلك "الطول للشجر والعرض للبقر والعبد بالقدر"

وكاين ثاني واحد اخر مثلا كي تكون من جاتك واحد دار حاجة ويزيد يتمزى عليك "من لحيتو بخرلو"

وكي نلقاو واحد حاصل في روحو وكيم نقولو خالية عليه ونزيدو عليه احنا نقولو هذا المثل"لقاوه يشكي بالعقر(العقم) قالولو شحال ولادك)





ولي رجعة باذن الله


صاحبة الموضوع راكي في القمة

أبواب الموضوع مفتوحة لك،والدخول باطل تشرفيفي أي وقت
وشكرا جزيلا على الأمثال وشرحها جميلة جدا
الله يعزك ويعلي مقامك ربي يوفقك ياأختي