وسخ الدنيا

[مشكلتي]

اخواني مشكلتي هي المال
ليس في بحثي عنه او اريده فانا لا اريد في هده الدنيا سوى رضى ربي
الا ان هادا العنصر الوسخ ينغص علية حياتي من اشخاص قريبين لي كانو او بعيدين
انا اي اخواني طالب جامعي وانتم تعرفون الطالب الجامعي العادي من الناحية المادية
من اين أبدأ كلامي يعني كنت لما ادرس في الليسي
كانو عندي اصدقاء لابأس بيهم لما ديت الباك كامل بتقدير قرب من الجيد كامل اجمعو على انني لا استحق ورحت للجامعة بداو ينقصو وبدا الفكر يفسد فانا الان بدون صديق
فجميع اصدقائي انفضو لاصحاب المال والسيارات وبحكم انني شوية انطوائي يعني منصاحبش اي واحد
ومانحكيش مع اي واحد لما نشوف اللي يقاو معاي عندهم المال كيفاش يعاملوهم سواء من اساتدة او من المتمدرسين
وماعنديش حلاوة اللسان او حس المزاح الا مع اللي نعرفهم وبحكم كل هادا بقيت وحيد حتى من العائلة اخواتي البنات لا يحترمونني رغم اني ماطيحتش بروحي مجرد اني ماعنديش والام تاعي نهار كامل وهية طيش في الهدرة ولد خالتك دار ولد خالتك شرا لامو ننحس بروحي ناقص حتىالوالد تاعي كي نشوفو يتكلم مع اولاد عمي من نفس عمري وهم اصحاب المال واليارات ويحترمهم ويقصر معاهم ويعتبرهم رجال وانا ينضر الية نضرة شفقة وحتقار حتى الطلفة اللي حبيتها يا جماعة حبتني وحبيتها هادي كي كانت متفهمش للحوايج هادو والان فهمت وحتى هيا وليت منعرفهاش وجبدت روحها وقاتلي اك تتمسخر بيا عرضت عليها بش نبعث دارنا لعندهم ماحبتش وقاتلي مشي وقتها
خممت نروح للعسكر ونقاجي ولا نروح للشرطة او الجمارك بش نجيبلهم وسخ الدنيا بصح ربي سبحانه ابتلاني بضعف النضر والحمد لله نشوف عادي كيما ناس بصح مش في الحد اللي يقبلو بيه ببساطة المال فرق بيني وبين كل من أحب وما احب كرهت حياتي فانا وحدي بمعنى الكلمة قلت نروح عند أطباء نفسيين قلت المشكل فيا قالولي والو مابيك شخصيتك مليحة وراك عادي ويوصفولي غير ادوية ادمانية باش ننسى فقط جربت نرقي مصرا ولو قالي الراقي مزيدش ترجع مبيك والو كرهت الوحدة ونضرت الناس ليا ومانحتاجش المال كيما قلتلكم حاب غير نعيش كيما عاشين غيري دايما ندعي ربي والشي اللي مصبرني هو ربي علابالي مايخلينيش وحدي
دوك واش ندير يعني علابالي الشكوا لغير الله مدلة بصح شكون حنشكيلو اهلي اللدين تخلو عني ام اصدقائي الدين تركوني ام التي كنت اضنها شريكة العمر وتجاهلتني

[زبدة ذايبة]

راك غالط يا أخي

واشنو هاذا ؟؟؟؟؟؟؟؟؟؟؟؟؟؟

كنت نتستنى نقرا كلام تاع واحد شوية فيه روح الحياة

سبحان الله


بديت موضوعك وسميتو وسخ الدنيا

واش راحلك في هاذ الوسخ ؟؟؟؟؟؟؟؟؟؟؟!!!!!!!!!!!!!!!!!!!!!!

سبحان الله

الدنيا هاذي ماشي كامل مال

انت حاب تشري العواطف والعلاقات مع الناس بالدراهم وراك غالط

والديك خاوتك أهلك أصدقائك الحقيقيين مايتشراوش بالدراهم

ماشي هكذا تدير علاقات اجتماعية

غريب والله

فكر في تكوين نفسك وفي بناء شخصيتك البناء الصحيح وخليك من التفاهات اللي ماعندها حتى معنى

المال ماشي وسخ الدنيا كيما راهم الناس يقولو

المال من النعم تاع الدنيا " المال والبنون زينة الحياة الدنيا" رب العالمين ماسماهش وسخ بل سماه زينة الحياة الدنيا

وهذا المال باش يسعد مولاه لازم يكون حلال ماشي حرام

لازم الإنسان ينفقه في مرضاة رب العالمين مايحولوش لمصدر يدير بيه المحرمات ؟؟؟؟؟؟؟؟؟؟؟

يتصدق بيه يعيش بيه يحفظلو كرامتو يعاون بيه الناس

ولا كان مرفه تاع الصح كي يموت يديوه الورثة يتقاتلو عليه

ذاك الوقت الإنسان سروالو مايديهش للقبر غير العمل وما أدراك ماالعمل

صحح تفكيرك على خاطر راك غالط مليون في المية

[maya1991]

ربي يفرج عليك خويا

حاول تقوي شخصيك ما تخليش دنيا اكبر همك انا ننصحك تقرا الكتب ابراهيم الفقهي

https://ouregypt.wordpress.com/2013/...-إبراهيم-الفقي

[زبدة ذايبة]

نزيد نكتب

انت عندك تقدير واطئ لذاتك

وتشوف بلي شخصيتك ماراهيش رايحة تكتمل لوكان مايكونش عندك الدراهم

المال بالنسبة ليك هو الهدف العظيم في حياتك

وحاولت تقلل من أهميتو قدامنا وسميتو وسخ الدنيا

وهو بالعكس عندك

بالنسبة ليك المال هو الحياة هو الزوجة هو الأصدقاء هو الوالدين هو كل شي


حتى وليت تتوهم بلي في داركم مايحترموكش على جال ماعندكش الدراهم ؟؟؟؟؟؟؟؟؟؟؟؟؟؟

عجب !!!!!!!!!!!!!!!!!!!!!!!!!!

بركاك من هذا التخمام المادي اللي ماعندو حتى نهاية سوى أنه يقضي عليك في أقرب الآجال

رايحين يهبرو منك الناس بسبب هذ الأفكار الساذجة

[الصديق قروف]

يااخي لماذا هاذ اتشائوم
كاين ناس كيما انت لاتهمهم المصلحة او فولان بن فولان
ولو كنت مكانهم لاشتكيت من اصدقاء المصلحة
اشخص المتواضع باين من هدرتو
متعمرش راسك بيهم

[no name rix]

راك صح المال هو كل شيئ
وأنا أيضاا رأيت من فيي عائلتي يحترمون و يقدرون فقط من يملك المال و كثير من الامور أضن أنك تعريفهاا
لكن أخي أوصيك هل أنت في هذه الدنيا لارضاء الناس أو ارضاء رب الناس
لو تكون لارضاء الناس فأقول لك لن تنتهي هموك وسوف تكون كثيرة ولن تنتهي
وسوف تعيش ضيق في كل شيئ حتى ولو عملت الرقية و ذهبت الى الاطباء النفسانين
ولو تكون لارضاء رب الناس الذي بيده الرزق والقوة و كل شيئ فأنت انسان ناجح ولاتهتم لما ترى ويقول الناس
توكل على الله وسوف تنجح اقرأ القران يوميااا وتدبر أياته واجعله طريق ومستقبل لك وسوف ترى النتيجة
طلي طلاتك في وقتهاا ساعد المحتاجين احسن للناس ..... ركز على دراستك وارسم مستقبلك لايجاد وضيفة تعيش منها
وتقبل ماكتبه الله لك صدقني سوف تعيش غني حتى ولو كان مدخولك ضعيف القناعة ثم القناعة
الله يكون في عونك أخي

[sa78sa]

غير حالك وبينلهم انك قادر اتحدى البشر وارهم المستحيل بينلهم انوا المثل راهوا صادق
العود الي تحقر يعميك

[الحزين المبتسم]

السلام عليكم

أخي الفاضل

أقدر ما تمر به من ضغوط أخي

لأن المادة أصبحت أكبر همنا

تأكد أن ما تمر به مر به الكثير خاصة في فئة الطلبة الجامعيين بعد تخرجهم والكثير يرفع التحدي أخي الأخذ بالأسباب والسعي وعدم التكبر عن الأعمال وربي كريم

ليس بالضرورة أن يكون الواحد غني لكن الحمد لله يكون مكتفي وما يسأل الناس ... أيضا لما يكون ذو خلق ودين وما أدراك ما الخلق والدين فسوف يحبه كل من حوله وان كان فقير ..

لا تجعل اليأس يتسلل اليك أخي

ربي يفتح عليك ويآتيك من فضله ..

[naamane3]

انا فقير جدا
والناس كامل تحبني وتحترمني وتقدرني
دير راس مالك هو علمك
سوف تجد نفسك تريد ان تهرب من كثرة الناس اللي حولك
اتعلم في كل الميادين ورد عليا
ثم اكثر من الاستغفار لانه يصلح من حالك

[sarl02]

نعم عندك الحق في كل ما قلت يا اخي...بدون شعارات رنانة ..المال والمكانة الاجتماعية طغت ..واصبح الناس مع الواقف ..حتى بعض الوالدين يختلفون في معاملتهم مع ابنهم ذو المال او المكانة والمنصب وابنهم الاخر الي هو قدو وقد روحو ...هذا هو حال الدنيا يا اخي وكلنا مررنا بنفس التفكير الذي ينتابك الان لكن ربما بدرجات حسب عقيدة وشخصية كل انسان ...يعني تاثير هذا التفكير يختلف من واحد لاخر...لكن الحياة ما توقفش هنا ولا يجب عليك النظر من هاته الزاوية فقط في المقابل يا اخي عليك بتعداد نعم الله عليك ...الحمد لله راك عايش بصحة جيدة وانعم عليك بالعلم وراك طالب جامعي وهناك الكثير من هو محروم مما انعم الله عليك ....عليك ان تكما دراستك ولا تلتفت كثيرا لهاته الامور ولا تركز تفكيرك عليها ...نعم هو واقع معاش لكن عليك بالتكيف معه والعمل على تحسين حالك واحوالك ...ولا تتحصر على من انفض من حولك من اصدقائك لان الدنيا عمرها ما توقف عند احد ....سيتغير حالك حتما وتاكد من ذلك ستنهي تعليمك وراح يفتح عليك ربي بمنصب عمل وتبدا حياة جديدة وسيتغير تفكيرك هذا باذن الله ....كلنا مررنا بمراحل ياس وضعف لكن تجاوزناها والحمد لله ...وهذا هو حال الدنيا يا اخي ...خلي ايمانك بالله قوي وقوي شخصيتك ووفقك الله.

[النجمة القطبية]

يا اخي غير من نظرتك للمال واعتبره نعمة من نعم ربك لما تحطه في رضى الله والحلال
وماذا لو قلت لك ان حتى علاقتك بالله سبحانه وتعالى ستتحسن لما تكون يد عليا وتتصدق من مالك وتبنى مسجد مثلا او تتبرع لدار ايتام هل ستغضب ايضا
يا اخى الكريم الدنيا هذي اصلا كلها فانية وكلها ليست بدار بقاء لكن الانسان فيها يعمل لاخرته قدر المستطاع
والرجل في هذه الحياة الدنيا مطالب بالاجتهاد والتعب لتحصيل الرزق بالحلال راح تقولي لماذا
لان الرجل راع وكل راع مسؤول عن رعيته الرجل يتزوج وينجب ويكون مسؤول عن عايلة
الرجل في غياب الاب يكون مسؤول عن الام والاخوات البنات
لذلك الرجل الدي يكد ويتعب مفضل على غيره حتى في القران جعلت القوامة للرجل بما انفق
انت سميته وسخ الدنيا ولكن يا اخى الدنيا كل ما فيها لا فائدة منه سوى المعروف والمعروف يكون بطرق كثييرة ووسائل كثيرة منها الذكر والصلاة وكاين الصدقة
لذلك انت عندك مشكلة في المفاهيم تحل بالحسنى لما تتكلم مع شخص عندو الحكمة والخبرة
اليس احسن من ان تتسول الناس وتطلب منهم وسخ الدنيا كما تسميه
او تنتظر ان يصرف عليك باباك او يماك من وسخ الدنيا كما تسميه
ثم مش عيب كبييير لما ربي سبحانو يعطيك نعمة بالحلال وانت تسميها وسخ الدنيا
غير مفاهيمك المال مثل كل ش في الحياة سلاح ذو حدين

[غير هام]

السلام عليكم

اغلبية اناس تموت على الدراهم وتتعامل غير مع لي عندهم المال بصح الدنيا مازلها بخير الواحد كي يكون عند روحه وفارض نفسسه ومثقف وفاهم يقيموه لشخصه

مشي لحاجة اخرى اخي غير من نفسيتك شوية راك حساس فوق اللزوم وكونك اجتماعي واعرف كيفاش تتعامل مع الناس ومع اهلك واسعى باش تعمل ونت تدرس

اي عمل حتى كي تتخرج تحكم بلاصتك نيشان

[خالد عنابي2]

اسمحلي اخي راك غالط شويا

المال والبنون زينة الحياة الدنيا

الله تكلم عن المال مع البنون

تقدر تقول البنون وسخ الدنيا ؟ كذلك المال ماتقدرش تقول عليه

وكما يقول المثل الراجل عيبو جيبو

وبدل هذا الاحباط ابحث عن تحقيق ذاتك وفرض احترامك ولا تكن مثل الذي ما لحقش على العنب قال حامض

اسعى لتوفير مصروفك اليومي باي شغل

ربما مهاراتك الاجتماعية لا تساعدك على ذلك يوجد الربح من الانترنت ابحث عنها ورد بالك من الحرام

واكمل دراستك وبعدها اكيد سوف تجد شغلا عاجلا ام اجلا