تجهيزاتنا للشهر الفضيل

[omelbanin]

اللهم انا أصبحنا في نعمة منك،وعافية وستر ،فأدم علينا نعمتك وعافيتك وسترك.

[omelbanin]

جهينة انا للاسف والله مادرت شحيحة ،بصح الايام لي مازالو قبل رمضان نحاول نجمع مبلغ ونصدقو وربي يتقبل ان شاء اللّٰه.

[جهينة اليقين]

بسم الله الذي لا يضر ما اسمه شيء ف الارض ولا في السماء وهو العلي العظيم

[جهينة اليقين]

اللهم صل وسلم وبارك على سيدنا وحبيبنا محمد
لاتنسو سورة الكهف والصلاة على النبي
اليوم سيصلون صلاة الغائب عبر كامل التراب الوطني على ضحايا الطائرة ربي يرحمهم ويتقبلهم في عداد الشهداء ان شاء الله

[جهينة اليقين]

ام هارون فلنتغتنم الفرصة ونتصدقو على المحتاجين في هذا الشهر العظيم يا لوكان مية الف او قفة نديرو فيها واش قدرنا ربي ونمدوها لعائلة فقيرة

[crono]

السلام عليكم وصبحكم الله بكل خير
اللهم بك اصبحنا وبك امسيناوبك نحيا وبك نموت واليك النشور
لبنات رانا كامل قلوبنا يتقطعو على شهداء الوطن ربي يرحمهم .. لكن لازم نواصلو حياتنا وما نبقاوش يوم كامل حنا قاعدين بلا ما نديرو حتى حاجة بالعكس نعكسو هاذ الخمول والطاقة السلبية ونفرغو واش بداخلنا في الشغل خير ما نتاثرو نفسيا ويحكمنا اكتئاب
انا اليوم صبحت فاشلة

[crono]

انا البارح غسلت الثلاجة لانها كانت فارغة باش زوجي يقضي اليوم و استعملت ايزيس و الماء و الخل امسحتها وفرشتها وكنت شريا علب باش انظمها و غسلت كويزنيغ و بعد غسلت العيون بالقرس والملح والله نتيجة روعة جربوها و تنظيف غرفة مزال حالة الاحوال الجوية هي لي ما خلتنيش نبدا فيها

[crono]

المشاركة الأصلية كتبت بواسطة جهينة اليقين

ام هارون فلنتغتنم الفرصة ونتصدقو على المحتاجين في هذا الشهر العظيم يا لوكان مية الف او قفة نديرو فيها واش قدرنا ربي ونمدوها لعائلة فقيرة

يعطيك الصحة حنونة راني معك (الملابس لي دار عليها العام وما استعملتوهاش صدقوها مهما كانت عزيزة عليكم تكونو سبب في كسوة وفرحة ناس وتؤجرون عليها .. واحد ماهو ضامن الدنيا)

[crono]

ربي يعينا فقط
اللهم بلغنا رمضان لا فاقدين و لا مفقودين امييين

[رندة.]

صباح الخير عليكم
الصدقة عندها فضل عظيم، وكيما قلتو كل وحدة تتصدق بالشي الي تقدر عليه، المهم تكون نيتها ابتغاء الاجر من رب العالمين.
انا خرجت البارح العشية شريت البعض فقط من الماعن الي كنت معوّلة نشريهم، شريت صحون للمقبلات والسلطات والشربة كامل من نفس النوع واللون ( أبيض)، كيسان للعصير و كيسان للأتاي، كيسان للحليب وطاس زجاجي كبير للماء، انا عائلتي صغيرة وبالتالي شريت عدد قليل من كل حاجة.
بالنسبة للتنظيف العميق مازال مابديتش لخاتش احنا فصل الربيع يفوت علينا غير بالريح والغبار، يعني روتينات يومية فقط.

جمعة مباركة للجميع

[ام هزار]

[COLOR="DarkOrchid"]صباحكم معطر بدكر النبي عليه افضل الصلاة و ازكى التسليم
ام هارون جهينة ام هاجر رندة كرونو ربي يعاونكم جميعا و يعاونا
بالنسبة للشحيحة انا ناخد في كل شهر مكتوب ربي و نصدقو على من يحتاج عليه حتى الملابس نعمل معاها الشىء نفسه و ربي يتقبل منا و يرزقنا الاخلاص و يبعد عنا الرياء امين
الزوج قالي على الطماطم انو حتى يروح للسوق الجملة و يشريلي منثم ارخس و اجدد
رايحة نفرز واحد من ليليمو اللي في الكوزينة اللي فيه الرافيتايمو كيما تعرفو حالة ظهري ما تسمحليش بالتعب بزاف خاصة مع الطبخ و الترتيب و ووووووو
جمعة مباركة للجميعCOLOR]

[قرويجة]

السلام عليكم
جمعة مباركة

[قرويجة]

السلام عليكم
جمعة مباركة

[جهينة اليقين]

مساء الخير ام هزار هدفنا وشعارنا دائما نخدمو بالعقل حبة حبة لا للتعب ولا للضغط على انفسنا لانو كاين المريضة والعاملة والحامل والي تربي والي كبيرة ..........الخ
المهم الاستمرارية وراح نلحقو بحول الله مع لمتنا المباركة وتحفيزنا لبعضنا
انا اليوم نقيت الثلاجة تنظيف قريب للعميق لانني راح نعاودها قبيل رمضان ان شاء الله وبعد الجمعة جاوني ضياف درت لهم لبراج وقصرنا بصح غلب علينا غير الحديث على الطائرة وواش صرى والله اثروا فينا بزاف ربي يرحمهم

[رندة.]

أصبحنا وأصبح الملك لله، لا اله الا الله وحده لا شريك له الملك وله الحمد وهو على كل شيء قدير.
اللهم أعنا على ذكرك وشكرك وحسن عبادتك
صباح الخير عليكم
ان شاء الله تكونو كامل بخير.