كيكة للمناسبات من مطبخي

[merieme hassi]

السلام عليكم
للجينواز
خلطي 6 صفار بيض حتي تولي كريمة مع 90 غ سكر و فاني هدا الخليط الاول
ثم اخلطي 6 بياض بيض مع قرصة ملح و 90 غ سكر حتي يطلع البياض و زيدي السكر هدا الخليط الثاني
انخلي 150 غ فرينة مع 30غ كلاكاو و 1 خميرة الحلويات هدا الخليط الثالث
تضعي الخليط الاول و تبداي تظيفي مرة من الخليط الاول و تخلطي من التحت حتي الفوق ثم مرة الخليط الثالث حتي تكملي و تحصلين علي مزيج متجانس
اعملي المزيج في المول تاعك الي تكوني دهنتيه و رشيتي شوية فرينة و لا الاحسن استخدام ورق الزبدة راه متوفر في الاسواق
دخل المول للفرن 15 دقيقة و كل وحدة و الفور تاعها
كي تطيب الكيكة خليها تبرد و قسميها علي اثنين
السيرو
حضري كاس ماء مع نصف كاس سكر و خليهم يغلي ثم طفي عليه و خليه يبرد ثم سقس بيه الجزء الاول تاع التارت
هنا حضري الكريمة
\لك الاختيار كريم شانتي جاهزة خلطي 100غ بودرة الشانتيي مع كاس حليب و اخلطي لمدة 5 دقائق
و لا كريمة الاخت ام كوثر بارك الله فيها جربتها و نجحتلي
و هي كالتالي
خلطي كاس ماء مع 8 معالق سكر و خليهم يغلي لمدة 5 دقائق و خلي يبرد
اخلطي 8 ملاعق ماء مع 4 ملاعق نشاء و زيدي السيرو الي يكون برد و خليهم علي نار هادية مع التحريك حتي يثقال الخليط
لما يبرد نزيدولو 150غ الي 180 غ زبدة طرية او مارغرين و نخلطوهم بالباتور و انا زدت فاني و عصير الليمون و 2 ملاعق ماء ورد باش متجيش في ريحة الزبدة
القاناش
اغلي 200غ كرام فراش اي علبة و كي يغلي طفي عليه و زيدي فوراا علبتين شوكو لاطة و خلطي حتي تدوب الشوكولاطة
ركي حضرتي كلشي بداي في التزيين
عملي الطبقة الاولي تاع الجينواز و بالفرشاة اظيفي السيرو ثم غطي بالكريمة و هنا لك الاختيار في اظافة الفاكهة كيما عملت ثم الطبقة الثانية و ادهني اليرو ثم غطي الكيكة كلها بالكريمة ثم زيدي القاناش حتي يغطي كامل الكيكة و غطي الحجواني باللوز الايفيلي و لا بيمو مطحون و لا اي حاجة متوفرة عندك
و زيني كيما تحبي
نخليكم مع الصور

هنا كي غطيتها بالكريمة

هدا هو القاناج

و هدي كيكة اخري نفس الخطوات الا عملتها بالكريمة الحامضة الي وضعتها من الفوق
كريمة الحامضة
2صفر بيض مع 2 عصير حبات ليمون مع 2 ملاعق نشاء مع مبشور 2 حبات الليمون و خليهم علي نار هدية حتي يثقال الخليط طفي عليه و زيدي قطعة صغيرة زبدة و خلطي

[liliane24]

جاتك هايلة أختي، يعطيك الصحة

[نيل المنى]

الله يبارك عليك أختي مريم جاوك روعة.

[azade]

الله يبارك ديكور هايل راهى تشهى يعطيك الف عافية شكرااااااااااااااااااااااااااا

[اشراقة الامل]

بارك الله فيك شابة و خفيفة من مظهرها

[أمير الهوى]

يعطيك الصحة تهبل

[*سماح 94*]

ماشاء الله اختي
رووووووووعة يعطيك الصحة هااايلة

[الصوامعية]

هاااااااااايلة خرجتلك تهبل يعطيك الصحة

[hasna19]

رووووووووووعة يااختي مريم بارك الله فيك ان شاءالله باقرب وقت نجربها

[sarah3113]

جاتك هايلة الله يعطيك الصحة
وممكن تقوليلي على كريمو البيضاء لي في الحواشي كيفاش عملتيها

[faizarbh]

جاتك هايلة الله يعطيك الصحة

[remadna]

ما شاء الله مريم
هايلة

[بشرى2008]

شكرااااااااااااااااااااااااااااااااااااااا

[kokotg]

يعطيك الصحة بارك الله فيك
توقيعك اكثر من رائع

[محاربة الصحراء 19]

يعطيك الصحة
روعة ما شاء الله