عادة الزايرات مع العروس في الاعراس التقليدية

[AMINA.Z]

حنا ام العروس ما تروحش معاها اصلا

تروح معاها خالتها و لا وحدا كبيرة

[wafa16]

ما نعرف حنا عندنا ما نديروهاش
و ما نعرف اذا كانت عادة مليحة او لا
لا ارى سببا لمبيت الغاشي في بيت العريسين
و مع الصباح يقابلوهم باش يدو دراهم هههه مليحة هدي

[jiji_"]

العروس تهدي هدايا لاهل العريس ام زوجها اخواتو على حساب قدرتها طبعا

[مومي23]

كي حالك يا زهور الل اتمنى ان تكون بخير و كي احوال اخيك اتمنى انه بخير

هذه عادات جميلة تعطي للاعراس نكهة خاصة لكن دخول التطور في الاعراس الان افقدها حلاوتها

[yousra14]

ألف مبرك على براءة أخيك والله دعوت الله لك بظهر الغيب وكم فرحت لك وله .
بالنسبة لموضوعك الحمد لله في منطقتنا لاتوجد هذه العادة .

[ام نسمة]

المشاركة الأصلية كتبت بواسطة yousra14

ألف مبرك على براءة أخيك والله دعوت الله لك بظهر الغيب وكم فرحت لك وله .
بالنسبة لموضوعك الحمد لله في منطقتنا لاتوجد هذه العادة .

شكرا عزيزتي بارك الله فيك
كما قلت اتمنى ان تزول هاته الظاهرة نهائيا

[حضنية28]

حنا معندناش هذا العادة بالعكس العروس هي اللي تعطي هدايا لاهل العريس المقربين والمبيت راحت هذا العادة عادو ميباتوش يرجعو في الصباح وهو يوم التحزام نتاع العروس

[عمري ضايع]

اهل العروسة يروحو فالليل معادوش يباتو بصح هذي نتاع يمدولهم اموال اول مرة نسمع بيها معندناش احنا

[ام نسمة]

المشاركة الأصلية كتبت بواسطة asosa

حنا معندناش هذا العادة بالعكس العروس هي اللي تعطي هدايا لاهل العريس المقربين والمبيت راحت هذا العادة عادو ميباتوش يرجعو في الصباح وهو يوم التحزام نتاع العروس

lمرحبا شكرا على التدخل الكريم صح بدات تتلاشى شوية هاد العادة واللي خلاص محاوها هوما اللي يعملو افراخحهم في قعة الحفلات يعني من القاعة المعازيم كامل بما فيهم اهل العروس لبيتهم والعرسان للفندق وخلاص حتى الحزام عادو يديروه في لاصال كي تتبرز العروسة يختمولها بالحزام وتلبس ثوبها الابيض وتغادر القاعة هي وعريسها

[فتـ حييةـاة]

مازالت كاينة
بكري كانو يمدو لام العروسة خروف بصح ضرك راهم يمدولها غير المصروف + دراهم تقسمهم على اللي معاها و بعد 15 يوم ترجع ام العروسة وتدي لاهل العريس مصروف ولحم ويسموها عندنا الفْgدة

[ام نسمة]

المشاركة الأصلية كتبت بواسطة فتـ حييةـاة

مازالت كاينة
بكري كانو يمدو لام العروسة خروف بصح ضرك راهم يمدولها غير المصروف + دراهم تقسمهم على اللي معاها و بعد 15 يوم ترجع ام العروسة وتدي لاهل العريس مصروف ولحم ويسموها عندنا الفْgدة

حنا تاني عندنا الفقدة بعد 15 يوم يدو اهل العروسة خروف مشوي ومعاه كامل مقامة تاع فطور من مصروف
هههههههههه يعني الخروف اللي يمدوه لام العروس تشويهلهم على 15 يوم وترده
هههههههه شفتي كيفاش غير الشيعة

[فتـ حييةـاة]

المشاركة الأصلية كتبت بواسطة زهورالفل

حنا تاني عندنا الفقدة بعد 15 يوم يدو اهل العروسة خروف مشوي ومعاه كامل مقامة تاع فطور من مصروف
هههههههههه يعني الخروف اللي يمدوه لام العروس تشويهلهم على 15 يوم وترده
هههههههه شفتي كيفاش غير الشيعة

شفتي كيفاه غير فيها فيها على هداك الناس بطلت تمد خروف عوض لا يمدوهلهم وبعد 15 يوم يرجعلهم ولاو يعرضو اهل العروسة يتغدو وخلاص

هوما ثاني يخلو العروسة اللي خسرت على روحها ويمدو للضياف لوكان جاو يمدو للعروسة خير تخلص بيهم على ااقل غير الحلاقة

[قمر الخلق]

علاش ام العروس تروح معها
احنا عندنا العروسة يروحومعاها خالاتها او عماتها وجدتها
وفي صباح العرس تروح يماها مع مجموعة من النساء ويعطولهم هدية كي يكونو خارجين من البيت يعطوهم دراهم أو يكسوهم بلبسة أو قماش غالي

[بنت عمران]

ما عندناش حنا هذي العادة تع يروحو معاهم الزائرات حتى الدراهم للأم ميمدوش كاين لي يقلك هادوك دراهم تقول حق بيع العروسة و كاين لي يقلك يكبر بام العروسة

[* عبد الجليل *]

المشاركة الأصلية كتبت بواسطة زهورالفل

السلام عليكم
اردت ان افتح هذا الموضوع للنقاش
وهو عندما تزف العروس الى بيت زوجها تأخذ معها عدة نسوة وهو ما نطلق عليهن اسم الزايرات يعني الزائرات
ويبتن معها اول ليلة في بيت العرس وفي الغد عندما يهمن بالذهاب يعطوهم اهل العريس زيارة وهي قيمة من المال قد تصل الى الفين دينار للزايرة ان كن اقل عدد
ويوجد ايضا من يعطي فقط لام العروسة عندما تهم بالرجوع لبيتها
يعني هاته عادة موجودة منذ القدم في اعراسنا الشعبية التقليدية ......لكن ارى انها بدءت في الاندثار وهذا جميل
عندما يقام العرس باجتماع اهل العريس والعروس في حفل واحد ومن ثم يغادر العرسان اما للفندق او بيتهم المستقل
اود ان اعرف هل لاتزال هاته العادة موجودة في مناطقكم ام من الاساس لم تكن موجودة
وماهو رئيكم حول عدد النسوة اللواتي يذهبن مع العروس في الزفة
كما اني اود طرح سؤال على ناس الجلفة بشكل خاص لماذا عندما ياتي اهل العريس لاخذ العروس لازم يمدو مال لكبير او كبيرة العائلة قبل اخراج العروس من بيت ابيها ؟

شكرا لك اختاه على الموضوووع الرائع والله موضوووع يستحق المتابعة والنقاش الجاد
فيما يخص عندنا في الغرب مازالت العادة قائمة لحد الساعة ...مع العلم ان العروس تاخذ معها اهلها بمعنى اخر النساء الكبارات اللي فيهم البركة زايرات وفي وقتنا الحالي اصبحت الاعراس تعرف ضجة كبيرة يعني تكثر الزائرين معها وهذا يمكن يكون فوق طاقة وقدرة اهل العريس لتلبية جميع طلباتهم .... وفيما يخص المال فانه يعطي العريس وامه في صبيحة مغادرة اهلها مبلغ يقدر حوالي 2000 دينار لكل من امها وجدتها واختها ان وجدت يعني فيها مصروف كبير ولقد قامت العادة عليها هكذا ....وشكرااا لكي مجددا على الموضووووع .... بارك الله فيك