مشكلتي مع أمي

[مشكلتي]

السلام عليكم

انا شاب في الثانوية

لدي مشاكل مع أمي
كل يوم متضارب معها على حوايج صغيرة برك
ومانقدرش نتحمل نفسي قدامها نبدا غير نعيط
وهي كل يوم تعاير فيا وتبهدل فيا
تخيلو من الصباح للمساء وهي غير تبهدل فيا
صاي كرهت والله
واكثر مشكل بيناتنا هي اختي
اختي صغيرة تقرا فالمتوسط والمشكل انو كل مانقولها ديري حاجة تجي ماما تقولها ماتديريلوش ماراكيش خدامة عنده
والله مرضتني حتى اختي ولات تشوف فيا على اساس واحد صغير
يا خاوتي والله عييت
يعني كيما يقولو ماما كبرتلها براسها حتى ولات تديرلي هكدا
والاب نتاعي مايقول والو لماما
ديجا هاد شي يصرا كي يروح بابا للخدمة
بواش تنصحوني واش ندير
مع العلم دوك راني تضاربت معاها علجال اختي وجيت نكتب هاد الموضوع
ربي يحفظكم عاونوني

[محارب الحمق]

شوف يا خويا الصغير أنا نتفهم شعورك مليح لأني مريت بتجربة مماثلة مع الوالدة الكريمة. الفرق هو ان ما سبب التشاحن بيني وبين أمي هي امور دينية بحتة تتعلق بلبس أختي وما تشاهده على التلفاز وغيرها من الأمور التي تثير الغيرة في نفس الرجال على أعراضهم. صحيح أن رفع الصوت والشجار من العقوق لكن الغيرة والشباب يجعلان الدم يفور في العروق بالتأكيد. كما أتفهم شعور أن تساهم الأم في تسلط البنت وجعلها تفعل ما تشاء دون أي اعتبار لرجال البيت وهذا فيه خطر عظيم على حالها وحال الأسرة ككل. كل ام تفعل هذا هي بالتأكيد مخطئة ولا تعي ماتفعل. ما أنصحك هو التالي: ان كان سبب شجارك مع الأم بسبب أوامر أعطيتها لأختك في أمور لا تتعلق بالشرع (أنت أيضا مطالب بتطبيق ما تأمر به) كأن تطلب منها احضار شيء من المطبخ أو طبخ شيء فهنا أنت مخطئ على طول الخط بل وعاق لأمك. وان كان السبب عدم رضاك عما تلبسه أختك أو ما تشاهده في التلفاز كمسلسلات العشق الممنوع او ما تفعله في الفيسبوك (أكرر أنت أيضا مطالب بما تأمر به وتنهى عنه) وغيرها من الأمور الشرعية فهنا عليك أن تغلب نفسك وشبابك وتحاول اقناعها واقناع أمك بالتي هي أحسن, واخبر الأب ان لزم الأمر فهو المسؤول الأول عن الأسرة. وصدقني سيجيبك البعض بأنه لا سلطة لك على أختك وهذا هذيان لا علاقة له بديننا فأختك هي عرضك لا عرضهم ولك كل الحق أن تقلق على حالها. لكن عليك أن تتصرف بحكمة وأذكرك في الأخير بأن أمك مفتاح للجنة فاحذر عند التعامل معها ولا تخطئ كما أخطأ الكثير منا بسبب نقص العلم والحكمة وطغيان الشباب وفيضان مشاعر الغيرة على الأعراض

[*** عبق الزهور ***]

السلام عليكم
اولا ان كانت تصرفاتك مع اختك تشمل غيرتك عليها من جانب ملبسها او ماتشاهده فاوافق الاخ الذي قبلي فيما سرد
ثانيا اعتقد ان الوالدة الكريمة تحاول ان تجعل بينك وبين اختك حدودا بحيث تفرض عليك احترامها والعكس فمجمل الامهات لهن هذا التفكير اي ان طلباتك من اختك تفسر من الوالدة على انك تحاول التحكم بها واستعبادها حتى وان كنت لا تقصد ذلك لذلك تحاول ان تبعد عنك هذه الافكار بما تفعله ونفس الشيء بالنسبة لاختك صدقني صحيح ربما امامك تتضاهر بانها لجانبها لكن في غيابك تلقي اللوم عليها
ثالثا في حال وقوع نقاش بينك وبينها حاول ان تفهمها وجهة نظرك لكن باسلوب لبق لان صراخك عليها اثناء الحديث يشعرها بانك تتطاول عليها
ربي يوفقك لما فيه خير

[ابو سليمان10]

للاسف بعض الامهات تربي بناتهن على اساس انه لايحق للذكور من اخوة او اب التحكم بها...النتيجة اصبحنا نرى الفسق في الشارع من بنات لهن اخوة و اباء

[ايمان4]

ما سبب المشاكل ان تطلب من اختك خدمتك؟ تعلم خدمة نفسك بنفسك و كفى لا ادري لم ذهب عقل الاخوة بعيدا جملة مراكيش خدامة عنده توضح سبب المشكلة تبغيو تكبرو الامور ... البنت عندها باباها ماهوش ميت باش السلطة تروح للاخ الاكبر ... و هو احن عليها من اي ذكر اخر في الوجود ... الا القلة القلائل من الاخوة ... اختك ليست خادمة عندك ... اجل و هي تدرس مثلك مثلها و تتعب و ربما تساعد الوالدة و تزيدلها انت ؟ الاب ملتزم بالصمت لانو شايف انك غالط و اذا هدرت راح يدور عليك باطل

[زبدة ذايبة]

كيفاش تتضارب مع أمك؟؟؟؟؟؟؟

علاش تدخل معاها في صراع ؟؟؟؟؟؟

شكون اللي لازم يطيع الثاني ؟؟؟

أنت اللي طيعها ولا هي اللي طيعك؟؟؟؟؟

هذ التوافه اللي راك تتضارب معاها فيهم علا واش ؟؟؟؟؟؟

علاش تخليها ترفع صوتها عليك ؟؟؟؟؟؟؟

بمعنى علاش حتى توصلها للمحال

أمك على الأقل تكون تجاوزت الثلاثينات

علاش تجيبلها المرض؟؟؟؟

حاول تلقى نقطة اتفاق معها

مستحيل تكرهك

مستحيل ماتحبلكش الحاجة المليحة

مع بدايات المراهقة تحس روحك أنك وليت راجل الدار

وتولي ترفع في صوتك عليها

من الإثم ومن العقوق أن تكون بهذا الشكل

يا إبني

عقوق الوالدين يجي بعد الشرك بالله

وهو من أعظم الكبائر

تقلقها على جال أمور تافهة

عوض ماتخليها تحس بالاطمئنان والسكينة أنك وليت راجل تعتمد عليك

وليت دخلها في بعضاها وتولي رايحة تطرطق من تصرفاتك

يقول تعالى : "واخفض لهما جناح الذلة من الرحمة وقل رب ارحمهما كما ربياني صغيرا"

راك غالط 100%

لازم تسبق في الشي اللي يرضيها ومن بعد دير وش يرضيك

ماشي العكس

واعلم أن رضى الله من رضاها.

[رندة.]

أي حاجة تقولهالك أمك أو تديرهالك تأكد أنها في مصلحتك، مكانش واحد في الدنيا يحبك ويتمنالك تكون أحسن الناس أكثر من أمك، هي أحيانا تكون قاسية معاك وتقول لأختك " ماكيش خدامة عندو" الهدف تاعها هو باش تعلمّك الاعتماد على النفس، خاصة في الأمور إلي تقدر تديرهم وحدك، خاصة أنو كاين بعض الأخوة كي يدخل للدار يحسب روحو سلطان ويحّط رجل على رجل ويبقى يأمر ويتأمر على أختو الأصغر منو.
إذن يا أخي أطلب السماح من أمك وماتزيدش تزّعفها منك على أمور تافهة وخليها تحس أنك راجل وتقدر تعتمد عليه. وربي يوفقك ان شاء الله.

[صُبح الأندلس]

وتسأل؟؟؟اذهب هداك الله و استغفر الله و اطلب السماح و العفو من أمك فحين تغضب يغضب الله ولن ترى الخير في حياتك أبدا.

[سيرين راجي]

اخدم حوايجك لروحك وبعد على غضب الوالدين احسنلك

[yassintenes]

أي حاجة تقولهالك أمك أو تديرهالك تأكد أنها في مصلحتك

[ناصف الورداني]

السّلام عليكم
نصيحتي لك أخي الصّغير
حاول أن تطيع أمك ..
و بما أنك شاب و في الثانوية فلا تكن متماطلا و اتكل على نفسك
قم بأمورك بنفسك و لا تطلب من أحد القيام بها ..
و هذا المشكل سيمرّّ و ستنساه و لكن لا تعصى لها أمرا هي أمك ..
و حاول ان تخفض لها جناح الذل من الرحمة ..
ستقول كلهم مثاليون ؟
لا لسنا كذلك و لكننا نسعى قدر المستطاع لنطيع الله و لا نعصى له أمرا ..
و الجنة تحت قدمي الأم فطب نفسى و ارضى
وفقك الله