الميرانغ باسرارها *مستحيل ما تنجحلكش *

[*سماح 94*]

السلام عليكن اخواتي ان شاء الله تكونو بخير
جبتلكم اليوم الوصفة لي الناس اكل تشتيها بصح قليل وين تصلح وتجي مليحة
لذلك رايحة نحطلكم طريقة الميرانغ الصحييييييييييحة وباسرارها كاملة لكن الشرط المهم في نجاح الميرانغ هو التقيد الصحيح بكل الخطوات بشكل مظبوط تماماااااااااااااااااااا هذا اول سر
السر الثاني والمهم بزاااااااااااااااف هو الفور لازم يكون سخوووووووووووووووووووووون بزاف يعني كي تبداي الخدمة اول حاجة ديريها هي شعلي الفور ثم ابداي الخدمة
اذن المقادير
لكل بياض بيضة واحدة نستعمل 100 غ سكر واذا كانت البيضة صغيرة نقصو شوي
رشة ملح شوي فاني وملون اختياري
اول خطوة نطلعو بياض البيض مليح مع رشة ملح بلاما نزيدو عليه السكر
كي يطلع نزيدو كمية السكر على 3 دفعات وفي كل مرة نخفق مليححتى يولي حاكم روحو مليح
ثم مباشرة نحطوه فوق باماري ونضربو بالباتور ملييييييييييييييييييييييح حوالي 10 د او اكثر حتى يولي شبه طايب وتحسوه ثقال والسكر ييبس في الحواشي تاع الحاجة لي درتو فيها

[SIZE="5"]شوفي كي خلصت الخفق مام يتقلب يبقى حاكم نفس الشكل وما يتحركش طوووول[/
السر الثالث هو انو مباشرة من الباماري بعد ما نخلصو الخفق الى الكونجيلاتور == المجمد== طول ويبقى ثم حتى يبرد الاناء لي راهو فيهSIZE]ماشي يجمد هههه يبرد الاناء برك الميرانغ خاطية
باش تسهل الخدمة ديرو لابوش ادوي في كاس وصبو فيها الخليط

شوفو قوامو بعد ما خرجتو من المجمد == ماشي هو لي يجمد يبرد الطبسي لي راهو فيه برك

شكلوه عادي كيما تحبو ودخلوه الفور وهنا السر الرابع الفور لازم يكون حاااااامي حاااااااامي لكن بمجرد ما تدخلي البلاطو ليه نقصي درجة الحرارة الى اقل درجة ممكنة وحطيه يطيب 15 دقيقة ماكسيموم ما كانش فوقها == انساو هاذوك الوصفات لي فيهم ساعة وزوج باش يطيب ههههههه ==
ثم حلو الفور وطفيو النار وخليوه دقيقة وابدوه وحطوه بحذر ما تخبطوهش وكي يبرد نحيوه عادي وقدموه كيما تحبو











هاذي هي كل اسرار الميرانغ والطريقة الناجحة والمضمووونة لكن يلزم التقيد بكل الخطوات كما هي مذكورة وكي نحطوه في المجمد ماشي هو لي يجمد يبرد الاناء برك
هاذي الطريقة تعلمتها خالتي من عند وحدة مختصة فيه وهي لي علمتهالي
نتمنى من كل وحدة تجربو تدعي لخالتي ربي يهنيها يسرلها كل امورها
جربوها راهي روووووعة وخير من تاع برا

سلااااااااااااام

[ميمي مانو]

بارك الله فيك

[hana bou]

gadah ya7kam l wa9t ki tadarbih 9bal mat7atih f le bain marrie

[*جزائرية مسلمة*]

جزاك الله خيرا
يارب تنجح معي

[أنا أمهم]

يعطيك الصحة يا سماح, رتحتينا من ساعتين و الفرن شغاااااااااااال.


ربي ينجحك و يفرحك.

[BACHIRA2]

كيف الاحوال عزيزتي سماح ؟ ان شاء الله راكي مليحة و باتم صحة يا رب
بارك الله فيك على الوصفة الرائعة الي يحبوها الكبار و الصغار و بلغي سلامي الحار للخالة الكريمة و الوالدة العزيزة
و طبعا السلام الكبير و الخاص لك حبيبتي

[سعاذ]

الله يعطيك الف عافية

[faizarbh]

يعطيك الصحة سموحة رووووعة شهيتيني ممممم

[nano ziaya]

الله يعطيك الف عافية

[ام ملاك.]

يعطيك الصحة والله نحبو وجربتو مرة كنت صغيرة ماجانيش كيما اللي يتباع مازدتش قع عاودتو
ومن بعد وليت نلقى في الوصفات غير اللي تقوللك خليه ساعة ولا كثر ولازم الفرن مفتوح معناه خدمتو كثر من ماكلتو هههههههههه
مي هكدا وبهاد الطريقة ساهلة نجربو ان شالله ونقوللك

[أم ماجد]

يا حبيبتي يا سموحة ربي يبارك فيك درت وصفة نحبها بزاف
لو كان زدت ملعقة صغيرة نشا هذا اقتراح فقط
سماح بنتي غارت منك ودارت همبرغر رائع هل رايته وقالت لي دائما تعايرينني بسماح انا احسن منها هههه
درتلها القلب

[naughty13]

baraka ellahou fiki

[noriii]

بارك الله فيك

[oum tesnime]

تبارك الله عليك يا ختي نتي وبنت خالتك

ويارب يهنيكم وينويلكم لي في بالكم ويجعل لكم من كل ضيق مخرجا

لي سؤال أختي ...أنا موسوسة هههههه من جهة الفرن شعال يعني بالضبط درجة الحرارة

[feuilleblanche17]

شكرااااااااااااااااااا كثيرااااااااااااااااااااا على الوصفة انشاء الله نجربها و دعواتي ليك و لخالتك