أريد حلا

[هاجر جي]

وا شبيكم كليتوني والله ما ضنيتكم هكدا

[خـواطـر]

انتي اي سنة يا أختي

[ikram95]

ما تشعرين به ليسا حبا ولكنه تعود ........ تعودت علي رؤيته وغدا ان شاء الله عندما تلتحقين بالجامعة وتبعدين عنه ستنسيه فالبعيد عن العين بعيد عن القلب كما تخبرنا الامثال والله اعلم

وما عليك الا الاهتمام بدراستك والالتفات لدروسك لتنجحي بتفوق


أنا مع رأي الأخت بنت جيجل

[هاجر جي]

واش واش كليتوني خلاص ما أنزيدش نهضر .ضريتوني أكتر مما أنفعتوني

[وئام الروح42]

صدقيني انا نديرلك مقارنة صغيرة
اذا كانت عندك لعبة تعودتي عليها دايما تكون معاك قعدت معاك 4 سنوات يعني والفتي تشوفيها اصبحت شيئ من حياتك والفتي تنوضي صباح تصيبيها حذاك
جاك يوم تسرقتلك ولا تكسرت هذيك اللعبة تحسي بعدم وجودها يولي عندك فراغ والسبب في ذاك الفراغ هو مكانت اللعبة في قلبك بلاك تروحي تحوسي على وحدة اخرى بصح ما تصيبيش تبكي يوم تتنرفزي يوم وحداخر امباعد تنسايها وتحوسي على حاجة جديدة
اختي العزيزة نفس الشئ صرالك مع هذا الانسان والفتي يجري موراك او كي شفتيه مع وحدة اخرى حاولتي تستعيديه
انا نعطيلك نصيحة عمري هذاك الفيد بحاجة اخرى او احسن حاجة هي قرايتك كلما تحسي عينيك يمشيو ليه رديهم للاستاذ والسبورة
اما هذي العلاقات الصبيانية خطيك منهم

[الجزائـ عشقي ــر]

السلام عليكم

المشاركة الأصلية كتبت بواسطة هاجر جي

واش واش كليتوني خلاص ما أنزيدش نهضر .ضريتوني أكتر مما أنفعتوني

أختي
يضروك هنا أفضل و إلا الناس اللي قراب ليك خير؟؟
يعني تشوفي ردة الفعل نتاع الناس اللي حولك في الانترنت و تاخذي حذرك خير و إلا كي تخرجي معاه و يشوفوك الناس خير؟؟؟

انا لوكان في بلاصتك يعجبني الحال لأن عرفت ردة فعل الناس كيفاش رايحة تكون
المهم عزيزتي
مازلت صغيرة
أنت الآن وردة جميلة بدأت تتفتح لا تسمحي لأي أحد أن يقترب منك
خليه يراقبك و خلي الناس كامل يراقبوك و يقولو يا سعد اللي اداها
خير ما يشوفوك معاه و إلا مع واحد آخر و يقولو هذيك تظل مع فلان و فلان
المهم
الفترة هذي فترة جميلة و عادي يعجبك شاب و الا تعجبيه
فترة الانتقال من الطفولة إلى الشباب
و مشاعرك عادية لكنها ليست حب بل اعجاب
و اي بنت في سنك تفرح كي تشوف شخص يحبها و مهتم بها
و تعتقد باللي هي ثاني تحبو
لكن بشرط ان تبقى هذه المشاعر في القلب فقط و لا ينتبه لها احد
لأنها سر بينك و بين نفسك
و الحاجة الأجمل هو أنه هو حب يمشي معاك و نتي رفضتي و مادام صاحبتك قبلت بيه معناها انت خير منها
انت ترفعتي و قلتي لالا و هي راحت تجري و قبلت و هذا خطأ

الحب الحقيقي بعد الزواج فقط فقط فقط فقط أما ما قبله فمجرد مشاعر جارفة تهدم صاحبها لا أكثر
الله يوفقك عزيزتي و لا تنزعجي من ردود اخوتك هنا
تقراي الردود هنا خير ما يتغامزوا عليك الناس لبرا و يضحكوا عليك

[عروسة البحر]

انساي يا اختي و الله هده الامور لن تفيدك لانه لو احبك حقا و لو صبر حتى ياتي يوم و يخطبك فيه و ليس......
هده الامور تغضب ربنا كتيرا استبدلي حبه بحب الله و لاتدكريه ابدا و اعلمي انا هده الدنيا فانية و ما يفيدك غير اعمالك

[هاجر جي]

شكرا جزيرا على الردود .و مؤكد سانساها بمشيئة الله

[امل لا ينتهي]

السلام عليكم
نعم الكلم ما كتبته الان

فقط عليك بملا فراغك بما يعود عليك بالنفع
لانك لو بقيت فقط تفكرين وتنظرين الى ردود فعله اتجاهك لن تتمكني من اخراجه من راسك

اتمنى لك كل التوفيق

[imene08]

المشاركة الأصلية كتبت بواسطة هاجر جي

شكرا جزيرا على الردود .و مؤكد سانساها بمشيئة الله

راني أختك لكبيرة و أقراي مليح واش حا نكتبلك:
في مرحلة الثانوية كانت الأعين عليا بزاف و كانوا الشباب اللي يقراو في الليسي تاعنا يتبعوني (و خاصة تاع المرحلة النهائية يعني لي يجوزو الbac) لكن الحمد لله كبرت عقلي و حطيتهم كامل مورايا و ما لتهيت بحتا واحد فيهم الحمد لله
إلى هنا الأمر عادي لكن كي كبرت هكذا أتعلمين من خطبني...جاري (و كان يقرا معايا في الابتدائي و عمرها ما كانت بيناتنا حاجة نهائيا لكن كي كبرنا خدمنا كيف كيف مدة 8 أشهر خلاتو يلاحظني ) (و هو شاب متدين و مزير بزاف يعني واعر و غيور)
(تخيلي معي أختي لو كانت عندي علاقة مع أحد الشبان أو في المرحلة الثانوية لوكان عرف بحكم أنه جاري و وليد حومتي و قرا في الثانوية تاعنا و أصدقاءه لي تبالاوني لو خزرت في كاش واحد فيهم و لا عجبني كاش واحد فيهم كان رايح يخطبني هو؟؟؟ و تلحق للزواج صدقيني كان ما خممش أصلا فيا فهمتي أختي)
نصيحة لوجه الله تعالى أخطيك و مازالكي صغيرة و كي تكبري إن شاء الله تلقاي واحد أحسن و أنضج منو و هذاك لي تبني معاه حياتك لي تكون مبنية على الصح ماشي عاى اللعب بالاكي تشوهي السمعة تاعك أختي ما تخزري فيه ما والو دايما ديري في بالك بلي هذا كامل جياحة و كي نكبر و نجيب الباك نقرا في الجامعة و نكمل دراستي و ربي يبعثلي نصيب)
و نتمنا ربي يطحك في نفس مؤمنة (و ترتابطي مع شاب يعرف قيمتك مليح و يكون أحسن من خطيبي لي نتمنا من ربي يرزق جميع الفتياة بشاب مثله مكافح و يحب والديه)
عذرا على الإطالة
لكنني نصحتك كأخت لي و ربي عالم
تحياتي

[محمد مولاي]

مازلت صغيرة على الحب يابنت الناس
التهاي في قرايتك..

[ناشدة السؤدد]

السلام عليكم و رحمة الله و بركاته

أختي أنا قرأت ردودك في الموضوعين

أريد منك ففط أن تكوني واقعية و تسألي نفسك هذا السؤال

ماذا بعد هذا؟

زواج ؟

ستقولين لا مازلت صغيرة صح؟

و هو صغير صح؟

يعني هذه النقطة الأولى توقفنا عندها فلا داعي أن تكملي في هذا الطريق
لأننا نحن المسلمون لدينا الدخول من الباب فقط
و ليس للفتاة إلا شرفها و سمعتها
فخلي صفحتك بيضاء ناصعة لا يتجرأ أحد أن يتحدث عنك

و أوصيك و أوصي نفسي أولا بهذه الأشياء

غض البصر
الوفاء لزوج المستقبل و إن لم تعرفيه
الابتعاد عن كل الصديقات اللواتي لا يتحدثن الا في هذه المواضيع
طاعة الله واجبة أختي فلا تقيمي أية علاقة مهما كانت و إن قالوا عنك معقدة فلا تهتمي أبدا أبدا

و الآن انسي كل شيء و جددي حياتك و تفوقي في دراستك

شيء آخر لا تنسي صلاتك

نسأل الله أن يعينك و يعيننا و جميع بنات المسلمين و يبعد عنا ذئاب البشر

سلام أختي