مشكلتي ...

[مشكلتي]

سلام ...
أنا فتاة عمري 21 سنة نقرا ماستر في الجامعة ... طول حياتي لم اتكلم مع أي رجل الا بغرض الدراسة ... متحجبة و الحمد لله ...
أخر فترة كنت اكلم ابن خالي الذي تربينا سويا منذ الصغر يكبرني ب 6 سنوات ... أظهر لي نيته بخطبتي واكمال الحياة معي ... و بالفعل تكلم خالي مع أمي و بقيت موافقتي فقط
المشكلة اني لا احبذ زواج العائلة كثيرا ... و أنا من الاول اعتبره مثل أخ لي و لم اتوقع يوما اني نكون مرتو او
انا خائفة جدا ان لا اسعده فانا اراه اخي لا اكثر و لا اقل

[زبدة ذايبة]

هذا اللي جا يخطبك ماشي خوك

ماتعطيلوش إسم وصفة ماعطاهملوش الشرع

أنت فقط تتخيلي

بنفس الطريقة اللي فكرتي فيه كأخ

عاودي بدلي التفكير وخلاص

بما أنه يريدك للزواج خلاص إنتهى

ماتكذبيش على روحك

بين السطور عندك شوية ميل تجاهه

ربما لم يتطور لحد الإعجاب

لكن الميل موجود في داخلك وتحاولي تنكريه

بما أنه تقدم إليك من الباب الواسع توكلي على الله

اللي تعرفيه خير من اللي ماتعرفيهش

وإبن خالك يديك أنت خير من تديه إمرأة أخرى

الأقربون أولى بالمعروف

وموضوع العائلة وما العائلة

ماتعرفيش الخير وين

إستخيري الله وتوكلي عليه

إذا كان صالح ماتفرطيش فيه

وماتخليش الوساوس تفسدلك مخك

هذا أنسب وقت للزواج وإنجاب الأبناء

رب يتمملك على خير إن شاء الله

[محارب الحمق]

هو ليس أخا لك. هو أجنبي عنك. استخيري الله ان كان انسانا صالحا فإن ارتحت له تزوجيه

[kacimo.samy]

وعليكم السلام ورحمة الله

تسعديه وسعادتك اين؟
ربي يفتح عليك

[أم عبد الكريم]

اقبلي بيه و ان شاء الله تتهناي في حياتك معاه ....الزواج نصيب معلابلكش الخير وينو في العايلة ولا فالبراني

[toulay]

وعليكم السلام ورحمة الله وبركاته
ساهلة ماهلة متقبلش وخلاص
وان شاء الله برك مين يخطب وحدة خلاف متبقاش تقول ياندايمي
بالتوفيق

[mohamed nadim]

ادا كاش ما راهو باينلك او راكي تستناي يتقدم اليك فاؤ=رس احلام بمواصفات معينة

فارفضي

لانه لو كان عمرك 45 سنة فلن تقولي انه مثل اخي

[فتاه.عنوانها.حزن]

الزواج.قسمه.ونصيب

[رندة.]

ابن خالك ماهوش خوك ولا كيما خوك، لو كان جاء هكاك ما يجيش يخطبك، أمالا صلي صلاة الاستخارة و زيدي خممي مليح اذا تشوفي أنو يناسبك أقبلي بيه وماتفرطيش فيه لخاتش الي تعرفيه خير من الي ماتعرفيهش.
ربي يوفقك ان شاء الله

[عثمان الجزائري.]

شخصيا لا أحبذ الزواج بالأقارب مهما كان بعدهم أو قربهم، و بحكم تربيتنا (الخالوطة) يتولد عندنا تلك الحدود و التعامل الأخوي إن صح التعبير مع أبناء الخال و الخالة خصوصا و أبناء العم عموما، أعلم جيدا ما تشعرين به فأنا رجل و أعلم أن بنت الخالة ليست كالأخت عقلا و شرعا لكن لا يمكنني أن أتخيل أني سأتزوج إحداهن، لكن دعينا نفكر في الأمر من زاوية أخرى في زمننا هذا صعب العثور عن الرجل الصادق الملتزم و نفس الشيئ بالنسبة للمرأة، و كما نقول بالعامية " لي تعرفوا خير من لي ما تعرفوش" فإبن الخال هو قريب جدا بحيث يمكنكم معرفة خلقه و مدى تدينه، أمر آخر الكثير من المشاكل تحدث بين العائلات بسبب زواج الأقارب فتدخل في دوامة قاطع الرحم بسهولة (حالات شاذة و لست أعمم لكنها حدثت)... لكي تضربي كل ما قلته أعلاه في الصفر أنصحك بصلاة الإستخارة فما خاب من إستخار.

[هـــدوء]

إذا فيه مواصفات الرجل لي حابة تتزوجي بيه اقبلي. مافيهش ماتقبليش.
اما حكاية ماتسعديهش لأنو كيما خوك ....راه مجرد ما يختلي بيك تولي تشوفيه كلش إلا أخ.
و تنكسر كل الحواجز و تسعديه و يسعدك و يعيش الكل في سعادة.

[kmilya]

احكي معاه مبعد قولي حسبتك كي خويا الله
لكان حاسبتيه كي خوك مكلاه تزوجيه نصيحة من عندي .