حائرة

[مشكلتي]

السلام عليكم
نعرفت على شخص قي النت صارم ومزير عجبني وكملت معاه على اساس نتزوجو
فات عام وزوج وتلاثة بلا مادار اي خطوة
والسبب ماعندوش دراهم وظروفه مش مليحة
تقدملي شخص بن فاميلا وقصد حلال جا من الباب
ونا عجبتي ورتاحيتله
هل ظلمت الشخص الاول من خليتو مالغري وعدته نكون ليه

[مراد سابقا10]

ربي يهديك هذا ما نقولك :

او لا: انت دخلت في علاقة محرمة

ثانيا : انت خدعت الشخص الثاني الذي خطبك لربما وليد فاميليا وهو لا يعرف انه لديك ماضي

كرهتونا في الزواج بصراحة .

[*** عبق الزهور ***]

الله يجبر حالك اخية
عن اي خيانة تتحدثين
انت خنت شرفك و والديك باقامة علاقة محرمة ولم تكترث للامر
والان تقولي خنت هذا الشخص
بركاوكم من الجياحة نتاع الافلام الهندية والتركية
روحي توبي لربي وشوفي لي جاك من الباب ماشي ل 3 سنين وهو يتمسخر بيك
لوكان جا صح حابك لوكان راه دار المستحيل على جالك ماشي يضيعلك 3 سنين من عمرك
افطني على روحك
ربي يوفقك وييسر حالك

[محارب الحمق]

أنا والله يانعرف المرة اللي راح نديها كانت مدايرة علاقة (سميها مزيرة سميها محلولة) مع شخص أجنبي عنها في الفيسبوك والله مانقرب منها, ولا كانت على ذمتي نطلقها. عز بيا هاذاك المسكين اللي جا يطبطب على الباب

[زبدة ذايبة]

واحد يجي من الباب

واحد يجي من الفيسبوك

واحد في المارشي

واحد في الخدمة

وأنت تخيري المناسب

مقابل ماذا؟؟؟؟؟؟

تظني أنك مادفعتيش ثمن هذا التعارف ؟؟؟؟؟؟

تظني أنك كيما كنت قبل العلاقة كيما راكي ضرك مستحيل

أنت دفعت الثمن طيلة ثلاث سنوات

لكن للأسف ماراكيش عارفة طبيعة الثمن

خدعتي نفسك قبل ما تكوني خدعتي هذا تاع الفيسبوك


ثلاث سنوات مع واحد في النت

وعرفتيه مزير !!!!!!!!!!؟؟؟؟؟؟؟؟؟؟

وعرفتيه راجل!!!!!!!!!!!!!؟؟؟؟؟؟

والظروف وما الظروف

من بعد

يجي واحد للباب وعجبك

وتاع الفيسبوك عجبك

وتخلي رقم واحد على جال رقم اثنين !!!!!!!!!!!!!!!!!!


على واش راكي تسقسي انت الآن ؟؟؟؟؟؟

رايك ودايراتيه من النهار الأول

حرتي في الخيانة والخديعة وماعرفتيش إذا تكوني خداعة للأول أم لا

إنت خدعتيهم في زوج

وخنتيهم في زوج

ولا راكي تشوفي روحك ماراكيش غالطة جربي سعدك وقولي للراجل اللي جا مع الباب

أنك عندك صديق مزير منذ ثلاث سنوات

وشوفي ولا زاد معاك دقيقة

ما حافظتيش على شرفك

ماحافظتيش على أخلاقك

ما حافظتيش على دينك

وش تستناي

جاتك خبزة طايبة حتى للباب

وبقالك شوية ضمير تحاولي تخففي من تأنيبه لك بمشاركتنا مشكلتك

على كل حال مانشهدوش على باطل

أنت خائنة للرجلين ونقطة إلى السطر

لكن

بما أن الله عزوجل ستر عليك

ماعليك إلا التوبة والرجوع إلى الله

وماتزيديش تعاودي هذي العلاقات المحرمة

ومحرمة جدا من الدين الإسلامي

وديري حاجة في بالك

من شب على شيء شاب عليه

ماتقوليش كي نتزوج نتسقم ونولي إمرأة صالحة

الأمور ليست بالبساطة التي تتصوريناها

أنت إمرأة مسلمة

عيب هذه العلاقات وحرام من فوق سبع سماوات

رجل مايربطك بيه حتى علاقة

كيفاش تهدري معاه ثلاث سنوات !!!!!!!!!!!!!!!!

رب يهديك

حاولي تحسني من علاقتك بالله أولا

وتلتزمي بتعاليم ديننا الحنيف

وتحافظي على الأصول الأخلاقية الإسلامية والعربية

ماراحش يعجبك كلامي

لكن كان لازم تنتبهي لنفسك

ماشي وش يجي في راسك ديريه

يقول صلى الله عليه وسلم : إعمل ماشئت فإنك كما تدين تدان

[آلسلطآنة]

الاول ضيع لكي 3 سنوات من عمرك ويتحجج لكي بالظروف !!
وانتي تنتظرينه وتعذرينه !
انتي غبية ام بلهاء ؟؟؟افيقي اختي قبل فوات الاوان
والثاني جاءك من الباب
الحل واضح جدا بين يديك

[طالبة لها هدف]

هههههههههه اتقوا الله في انفسكم والله حرام عليكم والله غير حرام
خممتي فيه الا خدعتيه نتي كي خدعتي روحك ما فقتيش
كي خدعتي باباك لي مسكين يخرج صباح قبل ما تفيقي نتيا باش يروح يجيبلكم الخبزة ما خممتيش
يماك لي كي تشوفك عيانة ما تجيش تقلك ارواحي تقضي تقول لالا خليها ترقد ترتاح شوية كي خدعتيها ما خممتيش
نورمالمو تبكي دم كي تشوفي والديك هكداك و نتي راكي مرتاحة و تخممي في السيد الا خدعتيه ولالا
يغيضك غير حال لي جا يخطبك و ما علابالوش بلي كون طيح بيه الدنيا تخدعيه
ربي يهدي
وجعتولنا قلوبنا بالامور هاذي

[sohaibdz]

انت خنتي ربك و خنتي والدك اللي رباك و تعب عليك بصراحة عيب و عار والله
ياااااا ربي بعدنا عليك و على امثالك

[mohamed nadim]

ان شالله برك ما تكونيش بعثتي تصاورك لحبيبنا تاع الفايسبوك

اما ادا كنت فعلت

فحياتك ستبقى مرهونة بمروءة حبيبنا تاع الفايسبوك

صورك و الرسائل التي كنت ترسلينها و يرسلها

هدا هو الظلم

ظلمت نفسك و ظلمت اهلك و ان شالله لا تظلمين هدا الجديد

فظلمك موثق و سيخرجه لك و او لجيرانك او لاقربائك في اي وقت

ادعي ان يباعد الله بينك و بينه و ياتيه نصيبه

[هـــدوء]

ياطفلة خمي في الثاني لا ظلمتيه هو لي معلابالوش بخرايبك .
أما لول راه أصلا مش ناويك للزواج.عقب بيك الوقت و نتي تضحكي.
و مازلتي من غباءك مع كل احترامي حاسبة روحك غالطة في حقو!!