لماذا يا أمي

[مشكلتي]

السلام عليكم ورحمة الله وبركاته


لماذا يا أمي دائما تضحين بي لماذا دائما أنا أخر من تهتمي بمشاعره الحياة ليست مادة فقط المال لا يغنيني عنكي و عن حضنك الدافي
هذي الكلمات تعصر قلبي و لكن لا أقدر ان ابوح بها لأمي التي لم أراها منذ 3 أشهر إتصلت بها لأخبرها بأن زوجي وافق على زيارتي لها الأسبوع القادم بعد جهد جهيد حتى أقنعته لأن طبعه صعب و عندي مشاكل كثيرة معه ....
أمي .....وجدت لي ألف سبب لكي لا أذهب لزيارتها البرد الحصبة البوحمرون ...مع العلم لم تسجل أيحالة بهذه الأمراص في جوارنا
أقلت لها يا أمي أعلم أن دارنا فيها الضيق لكني توحشتك بزاف حاب نشوفك ولو ليلتين أو ثلاث ...قالتلي إذا راكي مريضة و محتاجة فلوس نبعثلك و بقاي في دارك عالجي مجيش حتى نصف شعبان وخلاص متزديش تهدري في هذا الموضوع
بعدها عرفت أن زوجات أخوتي راحو عند أهلهم في الأسبوع الأول من العطلة و في الأسبوع الثاني راحين يستقبلو ضيافهم في بيتنا ومع الضيق قررت ماما لعزيزة تضحي بيا ككل مرة
أمي نعرف بلي أنا يتيمة الأب لكن متحرمنيش من حنانتك زوجي يحقرني خاصة كي يشوفكم متحوسوش عليا يزيد يقهرني و يضطهدني
زوجي ....فهم الحكاية و إقترح عليا نزور أهلو مع العلم كل أخواتو البنات في بيت أهلو ضياف بمناسبة العطلة الربيعية
أنا نفسيتي تعبت و مليت المقارنة بين حالتي و حالت المحيطين بيا كل البنات يزورو أهلهم إلا أنا وين نروح
مشكلتي ربما حلها الدعاء ...أدعولي

[siliine]

ربي يفرج عليك انشاء الله

[سيرين راجي]

الامر صعب لكن عليك ان تصبري فقط لا يمكنك فعل شيء
تبقى امك رغم كل شيء
ان شاء الله تتصلح احوالك

[*** عبق الزهور ***]

ربي يفرج عليك ان شاء الله
ويكون معاك
بالتوفيق

[*أم سجى*]

اطلبي من أخيك يجيبلك امك تزورك في البيت؟ولا زوجك ميقبلش؟...
.وزيدي خمي تضيفي عند كاش أقارب ولو بالواقفي متطوليش عندهم مثلا خالك .عمك.جدودك....اقترحي على زوجك بلاك يقبل ويديك تضيفيهم ؟ هكذا تريحي بالك شويا ...رب يفرج عليك ان شاء الله

[قدور بن عاشور]

لماذا تطلبين الإذن لزيارتها؟
إذهبي و زوريها و إذا ملت منك فعودي لبيتك في يومك، ولكن لاتفرطي في زيارتها أبدا.
هناك من توفيت والدته و يتمنى فقط رؤية وجهها
و هناك من هاجر إلى ماوراء البحار و يتمنى أن يجلس دقيقة مع والدته.
لاتفرطي في زيارة أمك مهما ملت منك، و عليك أن تفهمي سبب مللها منك.
قد يكون المشكل فيك و أنت لا تدري.

[محارب الحمق]

زويريها وماتباتيش عندها. ربي يفرج عليك

[طالبة لها هدف]

ربي يفرجها عليك ا ختي
والله كيما قالو لي قبلي زوري اقاربك بالاك تنحي على خاطرك شوية
ولا روحي زوريها ليوم واحد على الاقل تشوفيها
والله الام و حنانتها وحدها
ربي يجمعكم

[زبدة ذايبة]

ديري خطوات جريئة نحوها

وش هذا الضعف

قاعدة تبكي على نفسك

أنت اللي تجي تحت رجليها

إذا كنت تتصرفي معاها بنفس الأسلوب اللي كتبتي بيه والله مشكلة

أنت قاعدة تبكي عليها من بعيد

ماتكفيش المشاعر يا أختي

باللهجة الجزائرية(أزدمي لعندها) ماتبقايش تتفرجي

ولتكن دخلتك عليها قوية

طيبيلها الحاجة اللي تحبها مالحة ولا حلوة

أشريلها خمار وحجاب ولا حتى مشوارة ولا تقاشر في هذ البرد

أنت يا لالة قاعدة من بعيد تليفونيلها وتشاوريها ولا تجي !!!!!!!!!!

بين السطور تقولي داركم ضيقة

وكأني بيك تحاولي تبرير عدم زيارتك لها

مهما غلطنا الناس مانقدروش نغلطو أنفسنا

هذه أمك

اللي ولداتك ورباتك

وأنت إبنتها مستحيل تجي وحدة ثانية في مكانك

بصح على مايبدو أنك تتقلشي عليها

تحبيها هي اللي تحبك

خلاص وقت الطفولة إنتهت بالنسبة إليك

وش مازال تطلبي هذ الطلبات

الآن دورك أنت اللي تعوضيها وتعطيها الشيء اللي هي تحتاج إليه

غريب هذ البكاء اللي راكي تبكي فيه

ماعندو حتى مبرر أو مسوغ

أنفضي لغبار على روحك

وتوقفي عن دور المتفرجة

وتوقفي عن دور الضحية

لو كانت شكواك من شخص آخر لكان الرد شيئا آخر

لكن هي الأم

واحد مايصدقك في هذه الشكوى

حب الوالدين فطري لأولادهم

كيفاش تكتبي الأشياء اللي كتبتيها

يجي النهار اللي تندمي عليها صدقيني

أمك كلما فات عليها يوم كلما كانت للقبر أقرب (رب يطول في عمرها)

وش مازال تشكي منها

والله غير عيب

تشكي من أمك

والله هذا من العقوق الذي يحبط العمل

إذا عندك مشكلة فهي أنت

ماراهيش أمك !!!!!!!!!!!!!!

كاين من الناس يتمنى يسمع حس بليغتها في الدار

وأنت تجي تكتبي موضوع كامل عليها أنها سيئة وتكرهك!!!!!!!!!!!!

وأنك مغلوبة على أمرك

ماهذا الضعف والجبن واليأس والأنانية

تحبيها تهتم بيك مقابل عدم اهتمامك بها

تحبيها هي اللي تكون مبادرة وأنت المتفرجة

ولو كان برك توقف السيناريو عند هذا الحد

بل امتد إلى زوجك حتى تأكديلنا أنها ظالمة وأنك ضحية لتصرفاتها معك!!!!!!!!!!!!!!!!!

!!!!!!!!!!!!!!!!!!!!!!!!!!!!!!!

[mohamed nadim]

صلة الرحم مهمة بالنسبة للاخت المتزوجة

حتى لا يظلمها و لا يحتقرها الزوج او اهل الزوج عندما يعرف ان زوجته لا يوجد من تستند ايهم حتى اقرب الناس اليها ادا كان شخص دنيء طبعا

بالنسبة لمشكلك


هل الحل فقط في المبيت ؟؟؟؟؟


ادهبي نهارا و ارجعي في نفس االيوم دون المبيت

[هـــدوء]

دار باباك عزيزتي
تروحيلها وقت ما تحبي وكيف ما شئتي
لا أمك و لا غيرها يقدروا يمنعوك .
لي عجبو الحال عجبو لي ماعجبوش الله لا عجبو
روحي و ماتحوسي على حد و اقعد قد ما حبيتي راهي داار باباك.

[Amina Bil]

ربي يفرج عليك ان شاء الله

[sousou 5]

ربي يفرج عليك اختي وابحثي على السبب ممكن امك خاايفة عليك لا اكثر ولا اقل خصوصا وانك قلتي راجلي طبعو صعيب بلاك هي تقلك مجيئتك عندي تسببلك مشاكل مالا اقعدي مهما كانت هاذي امك متكرهكش ربي يفرج عليك مرة اخرى اختي

[صفاءdz]

المشاركة الأصلية كتبت بواسطة مشكلتي

السلام عليكم ورحمة الله وبركاته


لماذا يا أمي دائما تضحين بي لماذا دائما أنا أخر من تهتمي بمشاعره الحياة ليست مادة فقط المال لا يغنيني عنكي و عن حضنك الدافي
هذي الكلمات تعصر قلبي و لكن لا أقدر ان ابوح بها لأمي التي لم أراها منذ 3 أشهر إتصلت بها لأخبرها بأن زوجي وافق على زيارتي لها الأسبوع القادم بعد جهد جهيد حتى أقنعته لأن طبعه صعب و عندي مشاكل كثيرة معه ....
أمي .....وجدت لي ألف سبب لكي لا أذهب لزيارتها البرد الحصبة البوحمرون ...مع العلم لم تسجل أيحالة بهذه الأمراص في جوارنا
أقلت لها يا أمي أعلم أن دارنا فيها الضيق لكني توحشتك بزاف حاب نشوفك ولو ليلتين أو ثلاث ...قالتلي إذا راكي مريضة و محتاجة فلوس نبعثلك و بقاي في دارك عالجي مجيش حتى نصف شعبان وخلاص متزديش تهدري في هذا الموضوع
بعدها عرفت أن زوجات أخوتي راحو عند أهلهم في الأسبوع الأول من العطلة و في الأسبوع الثاني راحين يستقبلو ضيافهم في بيتنا ومع الضيق قررت ماما لعزيزة تضحي بيا ككل مرة
أمي نعرف بلي أنا يتيمة الأب لكن متحرمنيش من حنانتك زوجي يحقرني خاصة كي يشوفكم متحوسوش عليا يزيد يقهرني و يضطهدني
زوجي ....فهم الحكاية و إقترح عليا نزور أهلو مع العلم كل أخواتو البنات في بيت أهلو ضياف بمناسبة العطلة الربيعية
أنا نفسيتي تعبت و مليت المقارنة بين حالتي و حالت المحيطين بيا كل البنات يزورو أهلهم إلا أنا وين نروح
مشكلتي ربما حلها الدعاء ...أدعولي

والله قستيني في قلبي آه واش راح ديري
ادعي ربي هو لي يفتح عليك ومتنسايش
إن الله إذا أحب عبدا ابتلاه لاتقنطي من
رحمته...صدقيني الفرج قريب بإذن الله
ربي يريح بالك حنونة ولن أنساكي بالدعاء

[amoulette]

احسني الظن ربما هي تعرف ان زوجك صعب الطباع فتخاف ان تقعي في مشاكل اذا زرتيها فهي تحاول مساعدتك للحفاظ على اسرتك
اذهبي انت و زوجك لزيارتها و عودي في نفس اليوم ان تطلب الامر ذلك ولكن لا تستشيريها فأنت من واجبك زيارتها و الاطمئنان عليها