يعطيك الصحة حنونة.الشخشوخة هاذي اللي ما يعرفهاش ما يقدرش يتصور البنة نتاعها , بصراحة انا في عائلتي ولينا نحبوها اكثر من اي شخشوخة نتاع اللحم. التسمية تختلف من منطقة الى منطقة و من عائلة الى عائلة (شخشوخة ام الرزايم, بو الرزايم, محكوك ...) و حنا كي طيب الكسرة نهرسوها شوية في المهراس باش تجي ساهلة كي نجيو نفتتوها و من هنا جات تسمية ام الرزايم نسبة لل "الرزامة" و هي يد المهراس.بالنسبة للاخوات اللي يسقسيو على التجمار نقولكم بلي ما تتجمرش , تتسقى بكمية معتبرة من المرق و نحطولها الدهان الحر من فوق (كاين اللي يحب يسقيها بكمية قليلة من زيت الزيتون قضية ذوق) . و نعطيلكم عفسة باش تجي خفيفة و تشرب المرقة بسرعة و هي انكم قبل التقديم تفوروها تفوير خفيفة ( ما تحطوش كمية كبيرة من اشخشوخة في الكسكاس و خليوها يقيسها البخار دقيقة او دقيقتين لا اكثر و نحيوها تبرد شوية و سقيوها تجي هااااايلة. نتمنى تجربوها راهي بنننننننة.
بارك الله فيكي الاخت فهيمة سخفتينا