المادلان بوصفتي الخاصة لذيذ و مثل القطن خفيييييييييف

kakinova · 2015-01-10, 17:13

السلام عليكم و رحمة الله تعالى و بركاته

هاذا المادلان وصفتي و طريقتي الخاصة يجي طري و رطب و بنين و ماشي ناشف حبيت نشارككم بالوصفة

ان شاء الله دعوة خير لكل من زار موضوعي و لكم بالمثل

مادلان خفيف قطن

2 بيض

اقل من نص كاس زيت تقريبا 5 مغارف كبار

كاس مش معمر حليب تقريبا 8 مغارف كبار حليب حنا نشربو لحظة و ممكن تستعملي تاع الاكياس لكن بلحظة ابن
1 خميرة
ملعقة صغيرة فاني

5 مغارف كبار فرينة نغربلها مع الخميرة المرة الاولى ثم نخلطها بالملعقة مليييييييييييييح و نعاود نغربلها مرة او مرتين حتى تتوزع الخميرة بشكل متساوي و يدخل الهواء فالفرينة
رشة مليح

4 مغارف كبار سكر حرش

نخلط البيضتان مع رشة ملح و فاني و السكر ملييييييييح حتى نحس السكر ذاب و نضيف الزيت و نخلط ثم الحليب و نخلط ثم على السرعة الاولى نضيف الفرينة بالتدريج حتى تمتزج مليح
نوقف الباتور و نكشط الحواشي يعني نحي الفرينة اللاصقة فالحواشي و نرجع نخفق
ثم نوقف الباتور و بالسباتولا نخرلط من فوق لتحت برفق مليح لانو الخميرة تهبط لتحت و يبقى القعر ثقيل و من فوق سائل نخلط مليح حتى نحسها كامل كيف كيف الخليط يكون جاري قليلا سمكو تقريبا مثل نستلي العادي بين الكراب و البغرير
نتركها ترتاح 5 دقايق ثم نضع ملعقة كبيرة من الخليط في كل ورقة
انا نستعمل 20 ورقة من الحجم الكبير و من بعد الخليط لي بقى نزيد نقسمو على كل الاوراق و ممكن تستعملي ملعقة لاكرام حتى تجيك المهمة سهلة تحطي نصف ملعقة في كل ورقة رح تقولي كيفاش نحط الخليط يكون فالقاع و تعطينا حبة مادلان

رح نقولك الاسرار
1 الفرن لازم يكون سخون مليح و نقول الفرن ليس الكويزينيار لاني مش متعودة نطيبها فالكويزينيار على 300°
ندخل الصينية و نطفئ الفرن من فوق نخليه شاعل فقط من تحت بعد 5 دقائق رح تنتفخ الحبة و تكبر بسرعة نقص الفرن 250°درجة نتركها 5 دقائق اخرى و نشعل الفرن من الاعلى و الاسفل و من بعد نطلعها لفوق تتحمر على 300° و لازم تعسوها لانها تتحمر بسرعة
انا نستعمل الاوراق في علب التونة تجيني سهلة للعمل و زيد الحبة لي تتحمر ننزعها من الصينية و نخلي البقية تتحمر

و هنا عملتها على شكل مسكوتشو و كيكة لكن بعد 5 دقائق ننقصو للنار إلى 150 ° و نخلوها طيب نصف ساعة او أكثر حتى طيب مليح و تجي هشوشة و مش معجنة