واش راكم توجدوا

fatiha hana · 2014-04-26, 15:23

سلام يالاالفحلات بما انو رمصان راه على الابواب اللهم بلغنا رمضان حبيت نفتح هده الصفحة لكل الاخوات ختى يقولونا واش راهم يوجدو ولا مازال اندهشت جاراتي صبتهم يشرو ا في ملابس العيد قالولي باقي زوج سهريات للرمضان واش نقدروا نقتصدو منهم وكاين اللي زوجها يخلص في نصف الشهر معناها عندها الجرية غير في راتب ماي قلت نطرح عليكم الموصوع ونشوف واش رايكم واش راكم توجدوا ولا مازال

ام رشدى · 2014-04-26, 15:57

اختي العزيزة من ناحية الكسوة انتاع العيد الغاشي كامل راهو يكسي تقولي غدوة العيد ام رمضا ن انا مازلت ما وجدت والو

ام ياسمين10 · 2014-04-26, 16:13

سلام اختى .والله اندهشت لما قلتى لبست العيد انا راجلى كى نقلو نشرى بكرى يقلى راكى مريضة منعرف لنموت ولا نحيا ....انا فى اواخر رمضان باش نشرى اللبسة وتكون غالية وماشى مليحة بالاك هاد المرة نشرى شويا بكرى ورانى تانى حابة نشرى شويا ماعن بصح رانى موجدت والو

ام رشدى · 2014-04-26, 16:19

اختي ام ياسمين ننصحك على الكسوة باش تشري لانو مبعد ماتلقاي والو وكيما قلتي الغلا والكوا وزايد السخانة في رمضان شكون الي رايح يخرج

ام ياسمين10 · 2014-04-26, 16:46

ام رشدى والله عندك الحق انا عندى زوج ولاد صغار ونروح نشرى فى ذيك السخانة والصيلم راكى عارفة الرجال كى يكونو صايمين العياط و....الحانوت الاول الزاوج نشرى البسة نتاعى دايما متعجبنيش غير نتحتم ونسكت والغلا منحكيلش .بربى ان شاء الله نشرى بكرى ونريح روحى ونقول لراجلى اذا متت صدقهم عليا هههه باش يسكت

fatiha hana · 2014-04-26, 17:13

ايه اخواتي اللي تقدر تشري من الان تشري كم جهة تتهنى وراه كاين بزاف حوانيت راهم دايرين صولد البارح شريت سندال 50الف لبينتي تقرا فيها وقلت غير يخلص زوجي نروح نشري للبقية العام الماضبي خليت روحي حتى رمضان والله ما لقيت والوا غير الخردة وغالية

Omrihem · 2014-04-26, 21:36

يا جماعة صلو علي النبي صح لازم الواحد يوجد روحو ويكون مرتب ومنظم لكن ميش لهذه الدرجة ربي يبلغنا رمضان ونصوموه بالصحة والهنا

ام هدولة · 2014-04-26, 23:08

السلام عليكم من ناحية الكسوة والله مازال الحال انشاء الله اواخر شهر جوان ونكسي الاولاد بحول الله .......بخصوص تحضيرات اخرى وجدت القارص وخبيتو في المجمد لانو زوجي جابلي كمية كبيرة وناوية نرقد الفلفل انشاء الله ومازال حوايج خرين

اللهم بلغنا رمضان

lacharment87 · 2014-04-26, 23:12

والله غير عندكم الصح من دورك نوجدو لرمضان وماناش عارفين ادا نلحقو ..............

fatiha hana · 2014-04-27, 08:27

صباح الخير والربح يا اختي ام ريهام احنا ماناش ممقلقين من رمصان بصح الله يحصن عون كل واحد مدخولوا على قدو مانيش نتكلم على اللي رابي اعطاه من واسع هدا ما يهموش مثلا دبري عليا عندي 5 بنات بسلامتهم وولد كبيرو زوج صغار والاخرين في سن المراهقة وراتب زوجي 4ملايين فيه السيارة ومصروف الدار والزوج والهاتف وولدي راه يفوت فيس البارمي خصو الدراهم وفسنا الديين 20 مليون اليس من حقي نخمم وندبر ولا واش قلتي