رد: بريوش klodia26_dz سهل وخفيف رووعة .. الوصفة بالصور ^^"

klodia26_dz · 2015-09-12, 21:18

البسملة1

السلام عليكم ورحمة

واش راكم خياتي ؟ ان شاء الله كامل بخير

هاذي أول مشاركة ليا في قسم المعجنات باسك والفتوني غير بالاستشارات ووصفات التجميل

شكون قاللكم ما نعرفش نطيب ؟؟ اياو تكتشفو مواهبي الجديدة احم احم ههههههه

جبتلكم اليوم وصفة للبريوش ساهلة وناجحة بإذن الله

ما نطولش عليكم نبداو باسم الله :

المكونات :

- 2 كاس حليب دافيء
- 1 كاس سكر
- نص كاس زيت
- 2 مغارف كبار خميرة الخبز
- 3 بيضات
- فاني
- 6 كاس فرينة

الطريقة :

نخلطو البيض مع السكر باليد فقط " بالفوي "

نديرو الخميرة في صحن يكون غارق نضيفولها شوي حليب ونخلوها تخمر
نروحو نضيفو الحليب والفاني للخليط ونخلطو مرة أخرى

ثم نضيفو الزيت ونخلطو .. ثم الخميرة ونخلطو .. ثم نصف كمية الفرينة نتحصلو على هاذ الشكل
انا راني درت 2 عبرات ضاعفت الكمية(( x2 ))

نزيدو باقي الفرينة ونخلطو حتى نتحصلو على هاذ العجينة راهي تكون رطية و تلصق شوي ماشي ناشفة

نغطوها ونخلوها تخمر حتى نتحصلو على هاذ الشكل رح تشوفو انو الكمية تضاعفت

نرجعو نهبطوها

ندهنو الصينية بالزيت .. ثم ديري شوي زيت في يدك ونحي العجينة ونشكلي كويرات صغيرة بهاذ الشكل

ندهنوهم بصفار البيض ونذرو عليهم شوي سمسم ونخلوهم يخمرو

شوفو كيفاش تضاعف حجمهم

نشعلو الفرن يكون ساخن من قبل ندخلوهم على نار هادئة للآخر لمدة 5 دقائق ثم نزيدولهم فالحرارة شوي ونخلوهم يطيبو

انا الفرن تاعي يطيب من تحت ثم من فوق

هنا بعد ما خليتهم خمس دقائق على نار هادئة شوفو كيفاش تضاعف حجمهم

وهنا الشكل النهائي راني ما صورتهمش مليح كلاوهم قبل الوقت ههههههههههه

خفيف وبنين اممم أهم شي تخلوه يخمر مليح اوكي

ان شاء الله تكون عجبتكم الوصفة وتجربوها وتنجحلكم أحسن مني

اختكم في الله klodia26_dz

ام دارين · 2015-09-12, 23:51

الله يبارك شاطرة وكل صبع بصنعة
باين بنين وخفيف عذوة ان شاء الله نجربو
يعطيك الصحة
وراني من متاتبعي مواضعك الرائعة
مطوليش علينا بالجديد رانا في الانتظار