مروات اخر زمن

[○•ميسون•○]

السلام عليكم

انا في رايي هاذ الشيء عادي جدا

نورمال وحدة كي تكون في عرس تلبس الميني وين راهو المشكل كي تكون مع بنات كيفها شيء عادي جدا

[manothebest]

السلام عليكم
غريبٌ ما تقولينه يا أختْ!
أنا لا أُوافقكـ في الكلام عن العروس!
++ لدينا العروس تلبس لباس العروس الأبيض لكن فوقه "برنوس" يسترها كليا حتى وجهها.
أما البنت فهنالكـ وهنالكـ
++
إذا كان لديكم اختلاط في أعراسكم فلا تُعمّمين!
بصراحة، استغربتُ الأمر
{ حنا عندنا ريحة الراجل ما كانش يوم العرس! الرجال في جيهة والنسا في جيهة}
ثُم عن البنت، فهي في عُرْس، ستلبس لباسا جميلا وتتزين لأنها مع النساء فقط، لكن ليس لدرجة الحماقة!
وشكرا

[عميروش الحر]

لمذا لا نتصالح مع عاداتنا ... ونعوض ما هو تقليد غربي (الفستان الأبيض) .. بما هو تقليدنا (فستان و برنوس يستر كامل جسد المرأة) .. و عوض أن نستعمل الاغاني و الموسيقى الماجنة ومكبرات الصوت ، لما لا تقوم مجموعة من النسوة بضرب الدف و المديح ..

[nilly]

ياجماعة انا لم اعمم بل قلت في بداية الموضع عبارة (الاشخاص المعنيين)

المشاركة الأصلية كتبت بواسطة riyad552

وين هذي ترقص مع الرجال؟ وباباها يصفقلها وخوها؟ والله اساغربت ان يحدث هذا؟ عندنا لا يوجد اي تقاطع بين الرجال ولانساء الرجال في واد والنساء في واد. والله شيء رهيب ما تقولينه الاخت. لا أكاد اصدق.

يااخي العرس عندنامختلط وباحة الرقص اكيد مشتركة والكل يرقص مع بعض .ويستغلون المواقف وترقص البنت مع حبيبها او شاب مع حبيبته او زوجته او صديقته او زميلته بالعمل اوووووكل واحد نهض يرقص اكيد الجميع يصفقون له وادا نهضت البنت تراقص حبيبها فالجميع يصفقون لها بما في دلك ابوها واخوها .

[ailemak]

نيللي دارت موضوع وماشفتوش يا خرابي, شوي و نجي راني مع الفطور

[نارينا]

المشاركة الأصلية كتبت بواسطة ailemak

نيللي دارت موضوع وماشفتوش يا خرابي, شوي و نجي راني مع الفطور

وين راكي يا كاميليا مكيش تدخلي كيما ايام زمان وين راهم مواضيعنا وتعليقاتنا الطريفة والواقعية توحشناك يا كامي

[ailemak]

المشاركة الأصلية كتبت بواسطة نارينا

وين راكي يا كاميليا مكيش تدخلي كيما ايام زمان وين راهم مواضيعنا وتعليقاتنا الطريفة والواقعية توحشناك يا كامي

تعيشي يا لغالية ربي يخليك, مي كنت لاهية مع les examens و التصحيح, و ليوم normalement يآفيشيو, مي c bon ندور لهنا شوي, و نقولك حاجة نارينا , روماركيت كو, بعض الأعضاء إياهم هههه ستعقلواحتى في ردودهم, أحدهم مالغري نتقدته في موضوع التعميم ووووو لكن رد عليا بإستعقال ههههه gentiment , معزة ماتت,دوك يسمعني يديرلي حالة, رواحي سلكيني

[ailemak]

المشاركة الأصلية كتبت بواسطة nilly

انتشرت مؤخرا ظاهرة غريبة عجيبة وظاهرة عادة مايربطوها الاشخاص المعنيين بالمفولة المشهورة
(الضرورة تبيح المحظورات) مع انه بهدا الموضوع بالدات لا علاقة لظاهرة بالضرورة .



ظاهرة هي ظاهرة نزع الحجاب في الاعراس وانا لا اتكلم عن التبرج المخمور لكني اتكلم عن الحجاب الشرعي سواء العروس او الضيوف فالعروس بعدما كانت من دوي الحجابات الشرعية الا انها في عرسها تلقاها لابسة لروب sans manches
ومايعرف ب décolleté وتخرج قمة في تبرج وتصديرة تصدر بفستاين اقل مايقال عنها فساتين ( فالضرورة تبيح المحضورات)

وايضا ظاهرة تنقلت الى الضيوف فتشوفها بعدما كانت من رواد الحجاب شرعي تشوفها لابسة ميني ولا ميكرو وشبوب زعزوعي ووجها كانها لوحة زيتية لبيكاسو . ويديو معاهك سكوشة ملابس كلما ساعة يبدلوا ( رغبة داخلية كامنة في حب للعروض الازياء) (ضرورة تبيح المحضورات ) لكن هل فعلا العرس هو ضرورة ؟؟؟؟؟؟؟

كثيرا مانسمع نساء المتحجبات حجاب شرعي يرددن ان الضرورة تبيح المحضورات نورمال هدا عرس مافيها والوا اد نحيت الحجاب ياخي كامل ينحواه . وعادي اد رقصنا وراهي المشكل

أختي نيلي أنا هذاشحااااااال مارحتش أعراس لأني ما نبغيش الحس بزاف, و بلا ما ندخل في حلال و حرام من غناء غير لائق إلخ, لذلك ماشفتش هذه الظاهرة, لكن نحكيلك واش شفت, كنت فايتة مع خالتي , حتى شفنا وحدة متجلببة قاعدة تحكي و تضحك و تزعق بصوت مرتفع مع البائع,والله العظيم نخلعنا, واش نحكيلك, و أخرى أيضا شافتها أختي تسقسي ثمن ملابس داخلية من عند بائع, والله أنا نموت و مانديرهاش, هذه افئة خسرت صورة الجلباب, يا حسرتي, حتى ولينا كي نشوفو متجلببة نقولو ماشي صح هذا خرطي, وحدة خسرت على 100,أصحاب الجلباب الفالصووهههه, و صديقة أختي متجلببة و تحط rouge a lèvre, و تسمع أغاني الراي, آآآآآآه والله قلبي وجعني, قلتلها كيفاش هذي;ماكيش عارفة أنه حرام, قاتلي أنا نبغي الله غالب, و كنت حكيتلكم مرة على زوجة ولد خالتي l émigré,لي دارتلو حالة, و آخر الأخبار دروك راحت شكات بيه la police و قالتلهم يعذبني, و رماتلو ولادو و قالت لأخت راجلها غادي نحي الجلباب و نديرحجاب نورمال, آآآآآه كون حكمتها,آآآآآآه, لكن الطيورعلى أشكالهاتقع, حتى هو يستهل,أمه و ماتلقهاش (لا أعمم, مازال كاينين الحقيقيين , الذهب الخالص ماشاء الله عليهم)
و نحكيلك على الأعراس ختي نيللي, في 2012 عرضتني وحدة و حشمت رحت بينت روحي و ما قعدش بزاف, لكن ماشي mixte, و دارو لمداحات يلا تعرفيهم, هذوك نساء لي يغنو و طبلو, bref, شي لي روماركيته, أن أم تقول لبنتها روحي بدلي تبديلة زاوجة, يعني لمعازيم يبدلو و يعاودو, لعروسة كيفاش aloooors?????

المشاركة الأصلية كتبت بواسطة eBusiness

ما يقتلني أختاه هو حينما تغير العروس ملابسها وكأنها في معرض أزياء فتلبس ألبسة تظهر ظهرها وصدرها والأمرالذي يقتلني أكثر حينما يرافقها زوجها الغالي في كل تبديلة والله تبهديلة كبيرة، الله يجيب الخير !!!

ههههه, يا أخي eBusiness, هذا le défilé de mode تاع لعروسة ماشي حاجة جديدة, راهم من بكري يديروها, أنا deja جداتي تزوجت بالمداحات و دارت la robe blanche, والله,مي لحاجة لي راني معاك فيها هي على سي السيد مسكين رايح جاي يتكركر, ماعندها حتى معنى, moi je suis contre, كيفاش يدخل في وسط النساء و هوما ماشي مستورات و يرقصو

المشاركة الأصلية كتبت بواسطة الغريب المنسي

ههههههههههههههههه نلي موضوع حساس بحق ضحكت نشبعت ربي يرحم يا مات لعجار

ايه صح طامة بحق اذكر اننيمرة حضرت عرسا وعند خروج العروس عانقت امها وبدأت تبكي

الكل جعل ينظر اليها مستغربين لا لبكائها لكن الدموع صح كانت عجيبة

مرة قهوي مرة ازرق مرة اخضر منحكيلكش

اما التبرج حدث ولا حرج
والله ضحكتني أخي, هذوك دموع بنكهة قوس قزح
اما قاعدجة الضرورات تبيح المحضورات فهي كذب وتدليس على النفس لمواكبة عرس ابليس

بارك الله في بطن حوتك

المشاركة الأصلية كتبت بواسطة عميروش الحر

لمذا لا نتصالح مع عاداتنا ... ونعوض ما هو تقليد غربي (الفستان الأبيض) .. بما هو تقليدنا (فستان و برنوس يستر كامل جسد المرأة) .. و عوض أن نستعمل الاغاني و الموسيقى الماجنة ومكبرات الصوت ، لما لا تقوم مجموعة من النسوة بضرب الدف و المديح ..

حتى حنا هذو عاداتنا, تخرج العروس مستورة من دار باباها, بكري كانوا بالحايك يسترو روحهم, و الآن راهم بالبرنوس, مع أنني أفضل الحايك,
و مازال كاين المداحات, لي يضربو الدف و يغنوا كيما بكري

[thiziri89]

soubhane allah en dirai pas q'on vie dans le meme payé chez nous les fetes de mariage sont casiment mixte , c'est rare ou j'entend la fete de mariage de monsieur fllane n'est pas mixte ,

[منار المنتدى]

السؤال المطروح: شكون المخطئ؟؟
صاحب العرس اللّي سمح بالاختلاط؟
ولّلا النساء المدعوات للعرس اللّي رضاو باه يحضرو ويشطحوا أمام الرجال؟
المشكلة أن بعض الأسر راضية بهذا التفسّخ و الانحلال
نلقاو بناتهم يتفرجو على التلفاز مع خاوتهم ووالديهم
و الإبن يحكي لأختو أسرارو العاطفية وهكذا ...
منين رايحة تجي الحشمة و الحيا؟
لا الأسرة تحارب في هاذي الظاهرة
ولا المدرسة و لا الجامع ولا شيء آخر...
ربي يجيب اللي فيه الخير
أختكم نوارة