رحلتي إلى شرم الشيخ أوت 2013

[ذكرى أبي]

السلام عليكم أعضاء المنتدى الكرام
أحببت أن أعرض عليكم رحلتي إلى شرم الشيخ من 17 إلى 24 أوت 2013 مع زوجي و أطفالي آسيا 9 سنوات ، نور الدين 7 سنوات و عثمان 5 سنوات.
بداية كانت بحجزي من وكالة سفر بالجزائر ، و كان اختياري قد وقع على فندق "تروبيكانا سي بيتش" tropicana sea beach ، و ذلك لاحتواءه على ألعاب مائية خاصة بالصغار و لأسعاره المناسبة أيضا.
الفندق 4 نجوم ، شامل all inclusive ، يعني فطور الصباح ، الغذاء و العشاء كله على شكل بوفيه مفتوح+ مشروبات طول اليوم تتمثل في عصائر و مشروبات غازية.
الرحلة كانت على متن المصرية للطيران ، الجزائر القاهرة ثم شرم الشيخ
الفندق يقع في خليج نبق (الغرقانة) عند المصريين
يحتوي على مسابح كثيرة جدا و ألعاب مائية
هذه صورة لمسبح


و هذا مسبح ثاني خاص بالأطفال مع ألعاب مائية


ألعاب مائية

مسبح آخر يطل على الغرفة مباشرة

يتبع .......

[رقة قلب]

waw chaba bezzaf besahteuuk hnouna
machallah rabi ykhalilk wladek

[سارة نورر]

بصحتك التحويسة تعاوديها بالصحة اولهناا انا جوز فاكونس في بلادي الجزائر ومكاش كيفها

[ذكرى أبي]

ألعاب أخرى في الحقيقة هبلت أولادي



هاذي خاصة بالكبار

هذه للصغار

كانت الدنيا فارغة السياح كلهم خائفون إلا الجزائريين كاميكاز

شوفو قط و ما يسعاش


يتبع......

[ذكرى أبي]

هذا جزء من البوفيه


هذه النافورة الر اقصة بسوهو سكوار


هذه عروض الدلافين و بعد العرض يمكنكم |خذ صورة مع الدلفين أو السباحة معه

هذا خليج نعمة يسمى بشانزليزيه مصر فارغ

و أخيرا الشاطئ فارغ فيه غير أنا و أولادي و مول الجمال


أتمنى أن تنال إعجابكم

[ذكرى أبي]

شكرا على ردودكم ، نعم بلادنا نحبوها لكن السياحة فيها مازال خاصها بزاف بزاف ، الطبيعة كاينة خلابة أطاهالنا ربي سبحانو ، الأفكار كاينين ، الدولة عندها الدراهم ، لكن خسارة خسارة المشاريع والو

[soriaalg]

ما شاء الله بصحتكم هههههههه ضحكتيني اختي الجزائريين وحدهم المهم بصحتكم التحويسة باينة تهبل

[ذكرى أبي]

شكرا الله يسلمكم

[joyeux]

المشاركة الأصلية كتبت بواسطة ذكرى أبي

شكرا على ردودكم ، نعم بلادنا نحبوها لكن السياحة فيها مازال خاصها بزاف بزاف ، الطبيعة كاينة خلابة أطاهالنا ربي سبحانو ، الأفكار كاينين ، الدولة عندها الدراهم ، لكن خسارة خسارة المشاريع والو

بصحتك الرحلة أختي انتي والأولاد الله يحفظهم ويسترهم وينجحهم
ومشكورة جدا ع الموضوع الرائع جدا
وأوافقك الكلام أنا شخصيا نحب بلادي بصح للأسف بدراهمي ومانقدرش نستمتع هنا مالا نروح للخارج
أجدد شكري وتحيتي لك أختي الكريمة

[mimoudz]

بصحتك ختيتي بصّح هادي بلاصة شابة و أكيد راح تكون غالية...زعما شحال كانت التكلفة الإجمالية ؟؟

[أستاذ حر]

موضوع رائع شكرا لك، ان شاء الله العام القادم سأذهب الى تركيا أو مصر بعد رحلة باريس هذا العام .تحياتي

[ذكرى أبي]

شكرا على ردودكم ، التكلفة كانت كالتالي:
6 ملايين سنتيم للشخص البالغ في غرفة مزدوجة شاملة الفيزا و الإقامة و الأكل ,
للأطفال أقل من 12 سنة التكلفة تكون 4 ملايين سنتيم .
أما التكلفة هناك فبما أن الأكل باطل ، فلن تحتاج سوى للنقل و التسوق ، و النقل هناك نحن أخذنا ميكروباصات كل 30 كلم ، حوالي 48 دينار فقط للشخص.
أما عروض الدلافين فكانت لنا نحن الخمسة +النقل من الفندق ب 3200 دينار جزائري
فالأسعار رخيصة خصوصا بعد التفاوض
أي سؤال أنا في الخدمة

[عبد الله3]

أختي بارك الله فيك 6ملايين للشخص الواحد؟ و4ملايين للأطفال الصغار للواحد؟ يعني عائلة من أب وأم و4أولاد-مثلا-التكلفة بـ:28 مليون؟

[ذكرى أبي]

نعم ، لكن الأطفال أقل من 6 سنوات مجانا

[camicas boy]

الف المبروك رحلة
راه في خاطرنا روحو
ممكن تقولينا شعال تتقام للفرد واحد ؟
ان امكن