بخصوص الخطبة

[مشكلتي]

السلامع ليكم
اخوتي حبيت اسئلكم بخصوص الخطبة
انا تعرفت على فتاة منذ سنة واتكلم معها وهي فتاة رائعة وتربية وخلق ودين عمرها 18 سنة
وانا عمري 21 سنة اريد ان اخطبها بعد شهور اي عند وصولي 22 سنة
ما رايكم هل استطيع الخطبة علما اني لازلت ادرس في ثانية جامعي واردت ان اخطبها لاتمسك بها واترك المدة سنة او سنة ونصف لانجهر نفسي وكل شيء بعدها اتزوج يعني الخطبة في 22 والزواج يكون عمري 24 تقريبا
مارايكم ؟
ماذا يشترطون في الخطبة ؟

[الصديق قروف]

ربي يسهل عليك وعلينا

[ahlem 05]

خويا تبانلي انت مازالك صغير وهيا تاني وكون هي مكتوبك واحد ميديهالك بصح مدة الخطبة اي طويلة وزيد انت مكونتش روووووووحك لا خدمة لا دا لا والو والزواج مسؤولية انا خويا راهو في 4 عوام خدمة في شركة وبمنصب ومازالو مكملش لمصاريف

[هيام الروح]

والله ياخويا ماشاء الله ربي يوفقك و عادي كي تكون مدة الخوبة طويلة ربي يسهل بالنسبة للشروط والله ماعلابالي

[mino 19]

خويا متخممش عند نيفك كيما يقولو
حتى انا مررت بنفسك تجربتك
اولا عندك سن 22 سنة صغير وفشك لا يعطوهالك ثانية عندك على اقل قبل ما تدهب للخطبة تكون ملايم دراهم على اقل 15مليون
عندك عام تع خدمة وطنية
عام تع خدمة ها هي 23 سنة او اكثر
كنصيحة لك اصبر كمل ليسانس وحوس على خدمة وروح اخطب
ونتا فهمها بلي كي يجو يخطبوها هي ترفض رفض قاطع

بالتوفيق لك خويا

[سجل أنا جزائري]

اذا أهلك لباس بيهم و يعاونوك في كلش من بيت و مصاريف العرس و شروط العروس و عندك مستقبل بعد زواج يعني عندك وين تخدم مباشرة بعد التخرج و ما عندكش مشكل من ناحية الخدمة الوطنية و اذا كانت الفتاة حبست الدراسة و لا ما بقلهاش هنا نقولك روح اخطب و ان شاؤء الله ما تلقاش مشاكل و ربي ان شاء الله يعاونك لأنك بغي الحلال

أما اذا مزلت ما خممتش في هذو كامل و طفلة مزلتها 5 سنين على الاقل تكمل قريتها ربما اذا مزلت تقرى هنا هنا راك غالط راه تحط روحك في مشكل و تحصل بنت ناس معك هذا قبلو بيك طبعا

خمم مليح شوف الوضعية تعك و قرر اذا كان ليس هنك نصب أنصحك ان تقطع علاقتك بالفتاة حتى يبارك ربي في حياتك و اذا ربي كتبهالك راك تدها و لو بعد 10 سنين

[anoossam]

أنصحك بعم التسرع استنى تكمل قرايتك وشد خدمة واذا ربي كاتبهالك راك تتزوجها

[aminazy]

السلام عليكم
ربي يوفقك ...............لكن لا تتسرع الا اذا كنت قادر على شقاك من الناحية المادية وحتى من ناحية المسؤولية

[ام رضوان]

المشاركة الأصلية كتبت بواسطة مشكلتي

السلامع ليكم
اخوتي حبيت اسئلكم بخصوص الخطبة
انا تعرفت على فتاة منذ سنة واتكلم معها وهي فتاة رائعة وتربية وخلق ودين عمرها 18 سنة
وانا عمري 21 سنة اريد ان اخطبها بعد شهور اي عند وصولي 22 سنة
ما رايكم هل استطيع الخطبة علما اني لازلت ادرس في ثانية جامعي واردت ان اخطبها لاتمسك بها واترك المدة سنة او سنة ونصف لانجهر نفسي وكل شيء بعدها اتزوج يعني الخطبة في 22 والزواج يكون عمري 24 تقريبا
مارايكم ؟
ماذا يشترطون في الخطبة ؟

يا اخي كون تاخذ برايي اخطييييييييك من هذا الزواج
اولا الفتاة المتدينة والمتربية والرائعة كما ذكرت ووصفتها وكانك توصف في ملاك لا تتكلم مع الغريب لان دينها يمنعها من هكذا فعل
ثانيا انت عمرك 22راك مازالك صغير على المسؤولية راك مازلت تقرا ولاه في بلادنا منين تخلص قرايتك تلقى الخدمة؟؟
ثالثا فيما يخص الخطبة والله غير في مدة العامين هاذو رايحبن يمصولك الدم بالمتطلبات هذا مهر وهذا لوازم الخطوبة وهذا تقاليد هدية العيد والربيع عاشوراء ........الخ من التفاهات واللى كون ما ديرهاش ما يرضاوش عليك نسابك.
خمم ملييييييح قبل ما تقوم باي خطوة تندم عليها مرة اخرة
والطفلة يخي مش منها غير وحدة راه كاينين بنات الاصل بالالوووووووووف
ربي يوفقك للحاجة اللي فيها الخير ويرزقك ببنت الحلال في الوقت المناسب.امين

[sadako]

مديرش عليهم هادو حابين يطيحولك المورال وهدا هو الشعب الجزائر متخصص في تحطيم المعنويات روح حبيبي تزوج صغير خير كلما تزوجت اصغر كلما ربي يباركلك

[" أمة الله فاطمة "]

حيااكم الله جميعا
يا اخي عليكَ ان تفكر جيدا قبل ان تقبل على اي خطوة، فان كنت قادرا على المسؤولية والانفاق ورعاية شؤون الفتاة فتوكل على الله
وان كنت غير كفئ فاكمل دراستك وتخرج واعمل عملا يليق بتخصصك ثم اقبل على الزواج...
وكنصيحة اخي الفتاة لا تتكمل مع الاجنبي لا على الهاتف ولا مباشرة .... فلست انا او غيري من يقول ذلك بل الشرع حث على ذلك...
والزواج هو رابطة مقدسة .. وليس لعبة... خاصة انك صغير في السن...
صلي صلاة الاستخارة وتوكل على الله والله المستعان
فما خاب من استخار ولا ندم من استشار
موفق

[عين الصقر]

حتى تخطب لازم تكون مقتدر ماديا اذا توفر فيك هذا الشرط فتوكل على الله
او اصبر حتى تجد عملا
لان نسبة قليلة من العائلات تقبل بطالب جامعي

[.kiki]

أولا أحييك على فكرة الارتباط لأن هذا ان دل على شيء انّما يدل على نضج تفكيرك (و ليس كما يظن البعض)
ثانيا انا اكبر منك سنا و و أعي جيدا ما أقول: أسوء شيء ممكن تفعله هو جعل فترة الخطوبة طويلة" صدقني هذا أمر في غاية السوء
ستقول اذا ما العمل؟ أنا سأخبرك
تخبر والداك بأن هناك من تريدها زوجة في المستقبل حتى تذهب الوالدة و "تمد عليها الكلمة" كما نقول، و لا يحق لك محادثتها أو لقاؤها ان لم يكن هناك عقد شرعي، فيلتفت كل منكما الى أهدافه و طموحاته حتى يحين الوقت للخطوة الثانية و هي بعد أن تجهز نفسك تمااااما و الّا فبلاها
الأمر ليس سهلا...
الزواج ليس قرار يتم بين يوم و ليلة
و ربي يسهلك و يسهل لكامل المومنين

[loty]

خويا توكل على ربي وخطب آنا تاني تزوجت و في عمري 23 أحلى أيامك تعيشها مع مرتك وولادك وربي يسهلك

[وردة مـن ذهـب]

اتوكل على ربي واخطب
و كاين حديث يقول ثلاثة حق على الله أن يعينهم ..... و طالب نكاح .
ربي يسهللك إن شاء الله .