وصفات حراير الكوزينة الجزء الثاني

[أم التوأم]

مقروط oum yousra
درتو 3كيلات سميد و كيلة زبدة و زيدت شويا زبدة عندي واحد الطريقة تعلمتها من ماما هي كي نبسس المقروض امليح نهز شويا في يدي و نكورو ونرميه فوق الدقيق لكان تحلت الكورة يعني راهو خاصو الزبدة و لكان متحلتش يعني راهو مبسس امليح مانزيدلوش الزبدة و من بعد نضيف لو شويا ماء زهر و ماء و نبلو بلى مانعجنو و نخدم المقروض نتاعي عادي

[idron0]

تتبيلة الدجاج lyzzabel

الجاجة حضرتلها ماغيناد درت فيها ملح و فلفل اسود و كمون و راس الحانوت و موتارد و عصير ليمونة و ملعقة اكل عسل و شوية زيت موالفة ندير زيت الزيتون بصح كملي و زعيييترة و ثوم بودرة و خلطت كلشي ملييييح و طليت الجاجة تحت الجلد و من داخل و من برا و الداخل عمرتها بفصوص ثوم و ورقات رند و زوج بصلات تاع الشط يعني البصل الاخضر او الطويل قطعتهم بالطول و ربطة معدنوس و ثلاث حبات يعني زريعات من بسباس النجمة مشي النجمة كاملة ،، و ربطتها ما لرجلين و الجنحين باش ما تهربش ههههههه و خليتها فالثلاجة تشرب ملييييح و من بعد نحطها في كيس الشواء و نزيد عليها غير شوية ماء و نطيبها في فرن متوسط .

[idron0]

البالمي بالزيتون الاسود و الاخضر cuisineshowdalatifa





هي العجينة المورقة نحلها و نحط من جهة زيتون أخضر مقطع ومن الجهة الثانية زيتون أسود مقطع و نلف كل جهة للوسط و نقطعها دوائر

[idron0]

مطلوع محشي على الطريقة المغربية R I A D

ديري شوية دقيق و شوية فرينةو الملح و خميره الخبز بليهم بالماء الدافئ و ندلكه جيدا ثم نتركه جانبا يرتاح,
نقطع اللحم "هي حطت لحم و قصته رقييييق " "لكن انا درت لحم مفروم احسن" ونقطع البصل مكعبات رقيقة أيضا و الدبشة و المعدنوس +الملح+فلفل اكحل+الفلفل الأحمر+الكركم +الهريسه و زيت الزيتون نمزج الكل جيدا,

نأخذ كويرة من العجين و نبسطها فوق شوية سميد و نضع الحشو وسطها ثم نجمع عليه العجين,

نقلبها و نبسطها جيدا و هكذا حتى ننهي الكل,
ثم نضعها فوق منديل و نغطيهم بآخر حتى يتخمروا و نطهيهم في الفرن
و ها هم الصور يشرحوا احسن

[mimi30]

omaymen ام ريمة والاخوات هايليك الوصفة ناكدلكم الكيكة تجي بزاف هشيشة
80غ شكلاطة سوداء
2كيسان ونصف فرينة فيها مغرفة خميرة كيميائية
2 نغارف صغار فاني
2مغارف كبار كاكاو
175 غ زبدة
2 كيسان سكر
2بيض
1كاس كريمة سائلة او حليب
نسخن الفرن عى درجة 175
ندهن المول مليح ونرشو بالفرينة ونحي الزيادة منو
المقادير الجافة نخلطها مع بعض
نذوب الشكلاطة في المكرواوند او بالبان ماري
نخلط مليح الزبدة الطرية مع السكر من بعد نزيد البيض بالحبة نزيد الشكلاطة الذابة واخيرا المقادير الجافة ونحط الكل في الفرن لمدة 40حتى 45دقيقة
غير بشوية عليه راو يجي يذوب في الفم

[idron0]

طريقة تحضير قلب اللوز دائمة الحمد

تمّ التحديث ‏منذ أكثر من سنة‏

السلام عليكم و رحمة الله

بتجربة ناجحة مني أنقل لكم طريقة صنع قلب اللوز
جربتها وكانت ناجحة ماشاء الله وكأنها التي تباع في المحلات بل أحسن
اليكم الطريقة كما وجدتها

قلب اللوز بطريقة سهلة

لكل تجربة للاول مرة جربي رطل سميد او كيلو
2 كيلات سميد خشين
1 كيلة سكر
نصف كيلة زيت
نصف كيلة ماء الزهر
نصف كيلة ماء
قرفة نصف مغرفة صغيرة
الحشو
3 كيلات للوز او كاوكاو
1كيلة سكر نقص 1 اصبع قرفة نرش بماء الزهر
الشربات
500غ سكر
1 لتر ماء
الديكور
حبات كاوكاو او للوز
نخلط السميد مع السكر جيدا حتى يصبح يبرق ونرمي القرفة فوقها
نزيد فوقه نصف كيلة زيت ونخلط جيدا
ونرش بالماء الزهر
نعمل بكف اليد كورة وادا تشكلت يعني حلاص ماء الزهر لان السميد كين اللي يشرب وكاين لا
نمسح السنوة جيدا بالزبدة نقسم العجين على 2 ونفرغ الخليط بدون الضعط عليه
في الوسط نعمل الحشو
ناخذ معرفة كبيرة وكاس ماء ونشمخ المعرف ونمسح من فوق

[img]

نفرغ الحشو بدون الضعط

[img]

ونرفد العجين ونفرغ فوق الحشو بدون ضعط بمغرف مبلول في الماء نمسح الوجه

[img]

تعملي خطوط بدون ان تضعطي للاسفل السنوة غير من فوق لكي

[img]

والان تدخليه للفرن درجة حرارة مرتفعة توضغيه في الوسط الفرن وتوجدي الشربات

نتمنى يعجبكم و تجربوه فهو جد راااااااائع

وكملاحظة زيدو شويا الشربات يمكن يتشربها كله

ملاحظة: قلب اللوز قيس ما سخن الفور وحطيتو يطيب

الما ء ما عملتش هزلي كيلة غير ربع ماءزهر وبعد لاسقيتو بالشربات طول غطيتو ببلا اوخر ورجعتو للفور سخون وطافي

الحشو : كوكاو مطحون,شوي كاكاو و شوي قرفة .
و لا هزي شوي من عجينة قلب اللوز و زيدي لها الكاكاو و القرفة.
او لوز بقشوو مرحي خشن تقدري تعوضي بالكاوكاو محمص +قليل من عجينة قلب اللوز وكاكاو .


إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[idron0]

تارت yasmalak

التارت مليييح اللي ما تجيهمش الجينواز طااالعة,ساهلة ماهلة,
تخدمي 2 بيسكوي رولي تاع 4 بيض و 120 سكر و120 غ فرينة ناقصة مغرف و تعوضيها بمغرف كاكاو,كي تطيبو اسقيهم بالشاربات و ديري البيسكوي الاول وفوقو طبقة شونتيي و البيسكوي التاني و غلفيييها بالشونتيي من قاع الجوانب.



و قطعيها لمستطيلات العرض تاعه هو الارتفاااااع يعني قدما تحبيها عالية عرضييي السباتي

إضغط هنا لرؤية الصورة بحجمها الطبيعي.

و ديريييهم في المول اللي يتحل بهدا الطريييقة و غلفي الوجه ملييييح بالشونتي و دخليها تبرد شوية وتحكم روحهم

إضغط هنا لرؤية الصورة بحجمها الطبيعي.
وهدا شكلها
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.


كملي غلفيييها و التزييين كل وحدة و كيفاه تحب

إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.
ملاحظة السبتات اللي تقطعيهم دريهم واقفييين ماشي راقدين,يعني دوريهم على المول صاير داير هههه,
تقعدلك سبتة قطعيها شوية صغيرة وديريها فالنص و اقسمي منها مورسوات صغار عمري بيهم الفراغات ادا كانو,
شوفي شكلها كيفاه يجي من داخل,الطبقات يجو واقفين.

إضغط هنا لرؤية الصورة بحجمها الطبيعي.

[idron0]

المقرونة عازفة الناي
نقلّي البصل و الثوم والفلفل الحار ( انا نرحيهم دايما بعض يعطيو بنة اممممممممممم ) في شوي زيت ونضيف لهم 2 ملاعق طماطم مصبرة و حبة طماطم مرحية واللحم ( حسب اللي عندك سواء تاع دجاج او خروف او مرحي )و نضيف الرند و الملح وفلفل اسود و البهارات اللي متعودة عليها و فلفل احمر مرحي حار مانكثرش و نمرق ونزيد شوي معدنوس ونخليها حتى يطيب اللحم و تكون مرق بزايد شوي
* نطيب المقرونة فماء مملح وفيه راس ثوم ونطيبها نص طياب
* بعد مانصفي المقرونة نصبها فقالب الفرن و نضيف عليها المرق باللحم و نزيد زيتون اسود و فرماج مقطع مكعبات وندخلها للفرن حتى تنضج وبالف صحة وهنا .


إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

كيكة النيستلي لسعيدة 88
خلطي 4 بيضات مع قرصة فانيليا جيدا ثم ضفي علبة حليب مكثف ( يكون عادي مش كراميليزي )وخلطي مليح بالباتور ثم حبسي الباتور وزيدي كاس كبير فرينة ( او كاس و نصف نتاع قزوز ) و 1 خمارة قاطو وخلطي مليح حتان تدخل الفرينة في الخليط ثم زيدي 2 ملعقة كبيرة زبدة طرية وخلطي فرغيها في مول لي تحبي ودخليها الفرن 180 درجة من 20 حتى 30 دقيقة انتي و الفرن نتاعك
ملاحظة :
انا استعملت حليب مكثف نتاع الدار (انتاج محلي ) استعملت في الميكسور حطي كاس حليب غبرة + كاس سكر رطب +نصف كاس ماء سخون ( مش يغلي سخون برك ) +2 ملعقة زبدة طرية وخلطي جيدا
هاذ الكمية عملتلي 2 علب حليب مكثف
اقتصادي 100 ب 100

[idron0]

بديل الجيلاتين دائمة الحمد

الجيلاتين استبدليه بالفلون بالصح اعملي بدل الحليب عصير مطابق لنوعية الفلون والعلبة تاع نصف لتر اعمليها ف يكاس غير ربع ماء اوعصير وراح تستغني عن التفكير فيما يسمى بالجيلاتين عمري لا استخدمتو.

[idron0]

قراتان بطاطا lyzzabel

بدون حشو ديري التالي:
في بلا تاع الغراتان قطعي حبة بصل صغيروووونة بالعرض يعني دواءر رقييييقة و اذا عندك البصل الطويل يكون احسن و فوقه ستفي طبقة من البطاطا تكوني قطعتيها دواءر بالعرض مشي غليظة و معاها بصلة صغيروووووووووونة تاع الصح ههههه رابي و تبلي بالملح و الفلفل الأسود و خلطي كلشي ،، حطي فوقها فرماج رابي ولا تاع المثلثات كثري و زيدي غطيها بطبقة اخرى تاع بطاطا و فرغي فوقها كمية من الزيت و شويييية ماء ما تكثريش ،، و غطي البلا بالالمنيوم و دخليه للفرن على 200 درجة ،، مين تطيب لازم تكون ناشفة نحي الألمنيوم و حطي عليها فرماج رابي كمية مليحة و رجعيها للفرن يدوب الفرماج و يتحمر شوية و بالاكي تحرقي البصل لي من تحت لازم يتحمر غير شوية تجي بنيييينة بزااااف .

[idron0]

بغرير بالحليب touta2010
المقادير
كاس حليب دافئ
نصف ملعقة صغيرة خميرة خبز
كيس فانيليا
زوج ملاعق صغار خميرة حلوة
كاس ماء دافئ
ثلاث ملاعق سميد رقيق
الكل في الخلاط نضيف الفرينة حتى نتحصل على القوام المطلوب
نضيف الملح في الاخير باش مياثرش على الخميرة ونشغل الخلاط
نفرغه في اناء ونخليه يرتاح 10د
وبعد نطيبه.
ملاحظة : للامانة هو منقول.
إضغط هنا لرؤية الصورة بحجمها الطبيعي.





إضغط هنا لرؤية الصورة بحجمها الطبيعي.

[idron0]

القرنون Oum yousra

الطريقة راهي ساهلة ماهلة احكمي القرنون بعد ما تنقيه غليه في ألما و القارص و الملح شويا يعني ماشي حتان يطيب و من بعد حطيه يقطر امليح و جدي الحشو نتاعك اللي هو لحم مرحي داويه امليح كيما تحبي انا عن نفسي اللحم مرحي ندير فيه الملح و فلفل اسود و الثوم و القصبر أو المعدنوس و نلموامليح ب حبة بيض و فقط لأني مانحبش التوابل بزاف و عمري القرنون و حطيه في بلا تكوني حطيتي فيه شويا زيت و كي تكملي رابي طماطم نتاع الحب كثري باه تغطي بيها كامل القرنون و رابي فيها الثوم يعني في الطماطم و كثري و القصبر و الملح و الفلفل الأسود و لاكان تأكلوا الحار قصي الفلفل صغير و ديري شويا قصبر غبرا يعني راس الحانوت بصح ماتكثريش غير نص ملعقة نتاع قهوة و خلطي كلشي و صبي فوق القرنون و زيدي كأس ماء فيه شويا ملح و فلفل و لاكان تحبي قطع كنور نتاع الخروف حليها في كأس ما و صبيها في البلا انا صراحة مانحبش الذوق نتاعو خاطر مانحبش بزاف التوابل و غطيه و لوحيه يطيب و من بعد نحيلو الغطا و خليه يحمار شويا .

إضغط هنا لرؤية الصورة بحجمها الطبيعي..

[idron0]

بيزا منكهة بالأعشاب ومحشية بالجبن chez biba
(وصفة حورية المطبخ معتامداتها دايما )
إضغط هنا لرؤية الصورة بحجمها الطبيعي.
المقادير: 2بيزات
300 غ فرينة
3م.ك زيت او زيت الزيتون (حسب الرغبة)
1/2 م.ص ملح
1 م.ك سكر
1/2 م.ك خردل moutarde
1/2 م.ص أعشاب منكهة herbes de province
200 الى 250 مل ماء دافئ
1 م.ك خميرة الخبز
التحضير:
* نخلط جميع المقادير الجافة ماعدا الملح ، نضيف الزيت والخردل ونفكر مليح باليد
* نجمع الخليط على جنب ونحط الملح ونلوح فوقو شوي ماء ونخلط، نضيف الماء تدريجيا مع العجن حتى نتحصل على عجينة طرية وملساء
* تغطى وتترك في مكان دافئ لتختمر ويتضاعف حجمها
* حاولي تنزعيها برفق (ما تعجنيهاش) وابسطيها في البلاطو مدهون بالزيت واحشي الأطراف بالجبن قطع وزينيها والصور توضح
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
* بالنسبة للجبن ضيفيه في الاخير كي تطيب رجعيها دقيقة برك باش يذوب (نستعمل شيدار ذو نوعية جيدة )
إضغط هنا لرؤية الصورة بحجمها الطبيعي.
وهنا من داخل
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[idron0]

معجون البرتقال ريتاج تيارتية

ندير زوج حبات تشينة نغسلهم ونخرطهم شوي مع حبة قارص في الكونجيلاتور لغدوا من ذاك ولا المهم كي يجمدو مليح نسكرفجهم في الجهة الخشينة ونكون درت 2لتر ما يغلي لما يغلي نضيفلو 800 غ سكر وكاين اللي ييرو كيلو نضفها للما ونخلي لما يغلي نضيف اتشينة والقارص اللي سكرفجتهم وونقص النار ونخليه يطيب في غرضو حتى اللي يعقد.

إضغط هنا لرؤية الصورة بحجمها الطبيعي.