الخطبة

[مشكلتي]

السلام عليكم و رحمة الله


تقدم شاب لخطبتي من اسرة محترمة جات مرت عمو و قالتلي راه بعثتني نشوف رايك فيه و انا ما نعرفوش شكراتو بزاف و المرا عجوز كبيرة رزينة و


مدينة المهم و زدت سقسيت عليه كامل شكروه و مدحو في اخلاقو


بعد يومين راحت يما لمرت عمو جارتنا و قالتلها قوليلو يي نديرو رؤية شرعية يشوفو بعضاهم و يقررو واش يحبو قالتلها ايه راهي حابة تجي اختو و مرت


خوه معاه قالتها يما مرحبا بيكم ا

اليوم عشرين يوم من الحكاية هاذي مكاين حتى خبر اذا عندهم ظروف ولا بطل عليا خلاوني معلقة بلا ما نعرف حتى حاجة يما قالتلي يوم المعة نروح لمرت

عمو و نقوللها واش بيههم ما جاوش و اذا بطلو علاش ما ردوش خبر


انا ما قبلتش تروح جاتني كبيرة في حقي تقول راح نجري موراه و المفروض يردو هوما الخبر خير ولا شر اذا بطل مااشي عيب و زيد مزال ما شافنيش حتى يقرر

دبرو عليا واش ندير

[سجل أنا جزائري]

بالك حاب يسقسي علييك قبل ما يجي و طول شوي

كاين بزاف شباب حاب يبعث يشوف اذا موافقين باش يجي يشوف باش يبدا يسقسي عليها

المهم نتي ديري كي شغل ما كان والو اذا جاك خاطب وحد أخر قوليل لمرت عمو اذا مش جايين نخلي خاطب لخر يجي و خلاص مكش مشكل

[ولد حمد الباتني]

غالب الظن أنهم بطلو
ونتي أحكمي مك ماتروحش
ماتصلحش تروح تباني تستناي فيهم وأدللي بروحك
كاين عايلات لوكان يجي بعد ال20 يوم هاذي يردوه من الباب ...
واش سوق هذا ادخل واخرج وطبطب الوقت ألي بغيت ولا ؟؟؟؟

[mesrouk]

الخطبة هي وعد بالزواج فقط

من الاوصول و الاعراف ان يرد عليكي في وقت قريب

و ادا حاب تنحي الشك كيما قالك الاخ ديري مكاين والوا

اذا جاك خاطب جديد خبريهم وفقط

منها تقعد كرامتك محفوظة و تمي علي حسب الاوصول

و ما تسرعيش بالاك راه يسقسي عليك و علي فامليا نتاعك

[سارة نورر]

استخيري والله ربي يسرها لفيها خير وتبانلك في الحين

[*تسنيم*]

شحال نكره اللقطة هدي صراتلي بزاف الي يجي يهدر ويروح حتى راني نخمم نرقي روحي.

[fella111]

يا اختي كيما قالك الاخوة
اغلب الظن بطلوا
اتفق مع الاعضاء اللي قالولك ديري ما علابلكش بيهم اياك تبعثي امك تسال اذا كانو بطلوا او لا تطيحي بروحك ......اذا انخطبت ان شاء الله لا تخبريهم لست ملزمة بذلك هذا وعد بالخطبة و بس
ربي يبعثلك الزوج الصالح
عسى ان تحبو شيئا و هو شر لكم
اذا كان مكتوبك يرجع

[aminazy]

السلام عليكم .........انا لي نفس الراي مع الاخوة والاخوات
استخيري لله ان كان هوا او غيره .ان الله سميع عليم .....
يقول مثل نتاعنا خيروا في غيروا............
انشاء الله يعطيك حساب قلبك .

[كلنا راحلون]

المشاركة الأصلية كتبت بواسطة مشكلتي

السلام عليكم و رحمة الله


تقدم شاب لخطبتي من اسرة محترمة جات مرت عمو و قالتلي راه بعثتني نشوف رايك فيه و انا ما نعرفوش شكراتو بزاف و المرا عجوز كبيرة رزينة و


مدينة المهم و زدت سقسيت عليه كامل شكروه و مدحو في اخلاقو


بعد يومين راحت يما لمرت عمو جارتنا و قالتلها قوليلو يي نديرو رؤية شرعية يشوفو بعضاهم و يقررو واش يحبو قالتلها ايه راهي حابة تجي اختو و مرت


خوه معاه قالتها يما مرحبا بيكم ا

اليوم عشرين يوم من الحكاية هاذي مكاين حتى خبر اذا عندهم ظروف ولا بطل عليا خلاوني معلقة بلا ما نعرف حتى حاجة يما قالتلي يوم المعة نروح لمرت

عمو و نقوللها واش بيههم ما جاوش و اذا بطلو علاش ما ردوش خبر


انا ما قبلتش تروح جاتني كبيرة في حقي تقول راح نجري موراه و المفروض يردو هوما الخبر خير ولا شر اذا بطل مااشي عيب و زيد مزال ما شافنيش حتى يقرر

دبرو عليا واش ندير

غايب عذرو معاه وصبري شوية ولي فيه خير ربي يجيبو وتفائلي

[كلنا راحلون]

المشاركة الأصلية كتبت بواسطة ولد حمد الباتني

غالب الظن أنهم بطلو
ونتي أحكمي مك ماتروحش
ماتصلحش تروح تباني تستناي فيهم وأدللي بروحك
كاين عايلات لوكان يجي بعد ال20 يوم هاذي يردوه من الباب ..................................
واش سوق هذا ادخل واخرج وطبطب الوقت ألي بغيت ولا ؟؟؟؟

مصابيح مشعولة تلغي مصباح مطفئ

[loufa]

ابقاي في داركم معززة ومكرمة
اذا بغاك اكيد رايح يرجع واذا لا مايهمكش اياكي تروح امك وتسال لماذا لم يرجعو راهو مذلة ليك ولاهلك
ربي يفرج عليك ويرزقك

[محمد جديدي التبسي]

عشرين يوم مدة ليست طويلة يمكنك الانتظار لشهر أو أكثر ..هذه الأمور تستدعي تفكيرا وسؤالا وربما تحقيقات مفصلة..الوقت صعيب اصبري وقولي لأمك تنتظر أيضا ...ربي يفتح عليك

[داعي الله ياسين]

المشاركة الأصلية كتبت بواسطة *تسنيم*

شحال نكره اللقطة هدي صراتلي بزاف الي يجي يهدر ويروح حتى راني نخمم نرقي روحي.

من وثق بالله اغناه ومن توكل عليه كفاه

من توقِيعك وردّاً على كلامِك

[medounis]

في راي هذه لا تعتبر خطبة فان عو ربي يجيبلكاود الاتصال و جاء مع اهله مرحبا
و ان لم ياتي و اتى غيره لخطبتك فلست ملتزمة معه بشئ
المكتوب انشاء الله