** تارت بالفواكه للمناسبات السعيدة**

[faizarbh]

السلام عليكم

تارت بالفواكه سهلة و بسيطة و الأهم أنها لذيذة بزاف


العجينة :
نصنع 3 طبقات من بييسكوي رولي و نطيب كل واحدة وحدها حتى نتحصل على 3 طبقات انا قطعتهم على شكل قلب كل طبقة نستعمل فيها 3 حبات بيض يعني 3 طبقات نحتاج 9 حبات بيض.
المقادير:
3 حبات بيض
6 م ك سكر
3 م ك زيت
3 م ك مايزينة
3 م ك فرينة
م ص خمارة كيميائية
م ك فاني
نفصل البياض عن الصفار
نضرب بياض البيض مع شوية ملح حتى يطلع و نزيدلو 3 م ك سكر و نضرب مليح مليح
ثم نضرب صفار البيض مع 3 م ك سكر مليح ثم نزيلهم 3 م ك زيت و نضرب جيدا + الفاني و نضرب
ثم نمزج نفرغ الصفار على البياض و نخلطهم بالسباتول من تحت لفوق برفق ثم نزيدلهم الفرينة و المايزينة و الخمارة بعدما نفوتهم في صفاية او سيار و نخلط ايضا من تحت لفوق حتى يتخلط الكل مع بعض و نديرها في صينية عليها ورق طبخ و ندخلهم الفرن يطيبو ، بعدما يطيبو نخليهم يبردوا و نعاود نكرر العملية 2 مرات هكدا نتحصل على 3 طبقات.
بعدها نقطع البيسكوي الشكل اللي تحبوه أنا درتها على شكل قلب .
التزيين: نحتاج شونتيي نضربها مع حليب بارد جدا حتى نتحصل على كريمة الشونتتي و نحتاج أيضا فوكه منوعة و نحتاج لاجولي أي الناباج اللي ندهن بيها الفواكه باش تبقى محافظة على لونها.
التشكيل:
نحط القلب الأول على كرطونة تاع الكيك راهم يتباعو فالمحلات تساعدك على التزيين و أيضا شكلها لائق كي تحطي الكعكة
قلنا نحط أول قلب و نشربوه بسيرو تاع الأناناس المعلب بواسطة بانسو ثم ندير طبقة من كريم شونتيي و نقطع فوقها شوية أناناس مربعات راح يزيد نكهة رائعة ثم نحط فوقهم القلب الثاني و نشربوه و نديرولو الشونتيي ثم شوية قطع أناناس ثم نزيد الطبقة الثالثة و نشربها و نديرلها الشونتيي فوقها و على الجوانب لأنو الطبقة الأخيرة ثم ندير اللوز إيفيلي محمر مع الجوانب من فوق نزينها كبما نحب بالفواكه و نطليها بالناباج و نخليها فالثلاجة تشرب الكهات و غدوة من ذاك قدميها او فالمساء و بصحتكم. شكرا













لا تسوني من صالح دعائكم

[ام عبيدة]

بارك الله فيك

[أم محمد تاج]

رائعة يالحبيبة رائعة لوهلة تبان مشرية دمتي مبدعة

[ام هاديل وياسين]

يعطيك الصحة رائئئعة شكرا

[أم شروفة]

الله يبارك .يعطيك الصحة

[imane khaled]

يعطيك الصحة خرجتلك روعة و اكيد بنينة شكرا ليك

[أم ياسين الزهراء]

واووووووووووووووووووووووو و واووووووووووووووووووووو الله يعطيك الصحة عندي عيد ميلاد يمكن نجربها

عودة كبيرة وموفقة ياحلوة توحشناك انت ووصفاتك الممتازة

[saja hamed]

444444444444444444444444

[ام انفال الاء لجين]

يعطيك الصحة ..وصفاتك رائعة و انت الاروع

[أم إناس]

رووووووعه. خرجتلك. امممممممممم

[أم شيماءْ]

دائما متميزة روعة روعة

[chabchouba]

يعطيك الصحة انا ثاني نخدمها بنفس المقادير بح نخفق البيض كامل بلا مانفصل الصفار عل
ى البياض

[faizarbh]

شكرا اخواتي نورتوا الموضوع
اختي ام ياسين توحشتك بزاف ان شاء تكوني مليحة

[وداد100]

بارك الله فيك روووووووووووعة

[idron0]

يعطيك الصحة اختي