|
|
|
|||||||
| قسم المقبلات و السلطات و الشوربات وصفات المقبلات و السلطات و الشوربات حصرية من عضواتنا |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
🌺مقبلات راائعة....بلمسة هندية🌺
 |
|
|
أدوات الموضوع | انواع عرض الموضوع |
|
|
2016-05-18, 17:22
|
رقم المشاركة : 1 | ||||
|
🌺مقبلات راائعة....بلمسة هندية🌺
السلام عليكم ورحمة الله وبركاته ��مقبلات راائعة....بلمسة هندية�� احلى تحية لاحلى لمة في منتدى الجلفة يارب الكل يكون بألف خير وبالصحىة والعافية اليوم راح نبعده شوية هناااااااك الى الهند مقبلات رااااااااائعة ولذيذة وسهلة نوجد اولا العجينة ملاحظة (نفس العجينة هاذي راح نستعملها في الوصفات اللي راح نقدمهملكم في ها الموضوع) نحتاج الى الفرينة وعينك هي ميزانك يعني الكمية اللي حبيتي 2 م ك زيت ملح ونلم بالماء نعجن مليح حتى ترطاب ما بين كفوف يدينا نقسمها لبولات متوسطين ثم ندهنهم بشوية زيت ونغطيهم ونخليهم يرتاحو شوية  بوراك العجين بالدجاج  الحشوة نأخذ صدر دجاج نقطعو مكعبات متوسطين الحجم نضيفلهم ملح فلفل اسود فلفل احمر مرحي زعفران ثوم بودرة كسبر مرحي توابل مسالا ( وهي اللي راح تمد النكهة الهندية) وراهي متوفرة في اسواقنا عصير ليمون نخلي الدجاج في هاذ التتبيلة مدة ساعة او اكثر  من بعد نطيبو في مقلات على نار هادية لما يطيب نضيفله دبشة وزعيترة مابين صبيعاتك برك ونطفي من جيهة نوجد البيض ( كيما قتلك من قبل الكمية اللي تساعدك) ندير في هاذاك البيض دبشة مقطعة رقيق ملح وفلفل اسود راس فلفل حار مقطع رقيق نصف حبة بصل مقطعة رقيق  كلش راه واجد أخذ مقلا نتاع ليكراب او طاجين ما يلصقش ندهنو بالزيت نطرح اول قرصة ونحطها على الطاجين  وهنا لازم نكون شوية سريعة نحط االحشوة في الوسط ثم نفرغ شوية من البيض  ونغلق على ربعة كيما نغلقه لمحاجب الجزائرية  ملاحظة ( ممكن تتساؤلو علاش ما نوجدوهمش بعيد على الطاجين ونحطهم يطيبو حذاري راح يجيوك معجنين وما يطيبوش مليح لأنك كي تطرحي لعجين وتحطيها ما بين لاحطيتي الحشوة والبيض تكون لعجينة شاحة شوية وراح طيبلك سوا سوا )  المهم كل مرة تقلبي فيها تدهني بالزيت البوراكة نتاعك وهاذا ايضاً سر من اسرار الطياب الهندي  صدقيني روعةةةةةةةة تتقرمش والبنة ولا اروعععععععع خبيزات البطاطا  هاذ الوصفة للأطفال روعةةةةةة صراحةً أولادي ماتو عليها غلي البطاطا نتاعك بعد ما تقشريها وتغسليها اكيد من بعد نرحيها نضيفلها ملح فلفل اسود دبشة فلفل احمر حلو ومرحي فلفل حار اخضر مقطع رقيق توابل مسالا كسبر مرحي ثوم بودرة زعفران ونخلط مليح  نطرح زوج كريات من العجين اللي سبق وقدمتها في الوصفة الاولى ثم نحط البطاطا على واحدة من العجينة اللي كنّا طرحناها وندهنها مليح ثم نغطي بالفرصة الثانية  ونضغط على الجوانب بالأصبع مليح كيما في الصورة  ثم نطرحها باليد ثم بالحلال مليح ترجع رقيقة وتكبار ثم فوق مقلا او طاجين ما يلصقش مدهون بالزيت وكل ما نقلب ندهن بالزيت ونضغط بلالوش قدميها مع مايونيز بالدبشة  والله والله اكثر من رااااااااااائعة الخبيزات الهندية  نضع في مقلا زيت ثوم مقطع شرائح بصل مقطع مكعبات رقيقة دبشة نقليهم مليح  ثم نمعس باليد اللي نهرسو بيها لابيري ثم نعناع جاف او طازج مقطع طرف خبز مشمخ في الحليب ومعصور توابل مسالا ملح فلفل اسود نخلط ونخليها تنشف  نطرح العجينة بمساعدة الفرينة نضع الحشوة في الوسط ثم نطبق على ربعة  ونطرح شوية ونطيب في مقلا او طاجين ما يلصقش ومدهونةبالزيت نطيب على كل الجهات مع الدهن بالزيت كل مرة  تقدم مزينة بالدبشة امممممممم ذوق تحفةةةةةة فطائر البيض  نأخذ كرية من العجينة نلفها في الفرينة ثم نطرحها شوية بالطول ادهنيها بالزيت ورشي الفرينة ثم اقسميها على زوج بهاذ الطريقة واقلبيها على بعضاها وأطرحي بالحلال  ثم طيبي على كل الجهات مع الدهن بالزيت كل مرة والضغط عليها كي طيب نحيها فرغي شوية زيت وكسري بيضة مخفوقة ثم غير تشوفيها رايحة تنشف حطي فوقها الفرصة اللي طيبتي واضغطي عليها بلالوش واقلبيها  ثم نحي وحطيلها بصل هلالات دبشة ذرذري الملح فلفل اسود ثوم بودرة وكسبر ورولي الخبز نتاعك وقدميه بالصحة ولهنا نتمنى اخواتي ينالو رضاكم ويعجبوكم دعوة خير لبنياتي بالسترة تكفيني ��في أمان الله حبيباتي ��
|
||||
|
|
2016-05-18, 17:37
|
رقم المشاركة : 4 | |||
|
راههههههههههههههههم يشو ان شاء الله نجربهم و نردلك الخبرامممممممممممممممممممممممم |
|||
|
|
|
2016-05-18, 17:54
|
رقم المشاركة : 8 | |||
|
السلام عليكم ورحمة الله وبركاته |
|||
|
|
|
2016-05-18, 21:07
|
رقم المشاركة : 9 | ||||
|
اقتباس:
بارك الله فيكي وفي امثالك |
||||
|
|
|
2016-05-18, 17:58
|
رقم المشاركة : 10 | |||
|
ya3tik assaha njarabhom f ramdan ان شاء الله |
|||
|
|
|
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض المتطور
