دورة " ربات بيوت واثقااااااات"

[ام شمسو محمد]

المشاركة الأصلية كتبت بواسطة arwa alaa

اهلا ام شمسو انا راح نبدى
بالنسبة لروتين المساء
بالنسبة لسينية القهوة كي يشربو الاولاد لعشية الحليب نغسل المواعن يعني الكيسان نتاع الحليب والترموس وكلش ومنبعد نمسحهم ونحطهم مباشرة في السنيوة ونوجدها بكلش منها مغارف سكرية حتى القاطو نتاع الفطور نحطو ونغطيها ونحطها في الصالون الصباح نلقاها واجدة
حوايج الاولاد والزوج نحط في البونكات نتاع الصالون كل واحد ومستلزماتو نحط اللمجة وقرعة الماء
نفرز شوية الدنيا
ومنبعد نتعشاو نلم الطابلة ونلقى الوقت فات منغسلش المواعن
نوجد الاولاد للنوم ويحكمو بلاصتهم
نهتم بروحي نضرب طلة على النت ونرقد
والجانب الديني راني رجعت قصرت فيه
والجانب الجمالي ما عدى الكريمات في الليل مندير والو

اروى شكرا لك جزيلا لانك حطيتي رو تينك المسائي عملي و متقدم ...نقطة الماعن خاولي تكسبيها عادة في هذي الدورة و باش ما طوليش خصصيلها 10 د فقط ....ما تعجزيش على 10 د ...كي تبداي راكي ما تقدريش تحبسي هههه...مبعد ان شاء الله نرجع ليك

[ام شمسو محمد]

المشاركة الأصلية كتبت بواسطة ام متين

مساءكم طيب يا شاطرات
الشيئ الي فرحني بزاف هو توافد الفراشات وكل يوم تكل علينا فراشة جديدة قديمة ربي يلم شملنا جميعا
حبيت نقولكم ان لو كل وحدة فيكم تقدر توجد العشاء في الصباح مع الغدا اكيد رايحين تحسو براحة كبيرة في المساء وما تبقاوش غير في الكوزينة انا راني مطبقة هذ الفكرة في المساء غير ماعن القهوة والحليب ومن بعد ماعن العشاء
بالنسبة ل27حاجة الي لازم تترمى مازال في الغد نكمل ان شاء الله
اما عن روتين المساء في الايام الاخيرة كنت نكمل العشاء نصلي ونروح لبلاصتي ومانخبش الحس ونطفئ الضوء لكن هذه الا يام غيرت شوية واكيد بتطبيق اقتراحات سيدة الدورة رايحين نوصلو لافضل النتائج
ليلة سعيدة واحلام جميلة

روتين سريع و عملي ام متين تاع امهات ....ههههههه...الفكرة اللي حطيتيها تاع الغدا و العشا اقتصادية و فيها اختصار للوقت و عملية جدا لاي شخص مشغول شكرا للافادة حبيبتي ...ادام الله ظلك

[ام شمسو محمد]

المشاركة الأصلية كتبت بواسطة ابني نور عيني

صباح النور للفراشات المتالقات و ربات البيوت المحلقات والله صراحة كلامك يا ام شمسو يرفع المعنويات للسماء و يشدنا الهمة دايما و يحفزنا باش نقومو باعمالنا اليومية و نرتبو حياتنا و نخليها اسهل
والله كلما نحس بالمورال هابط نجي نقرا مواضيعك نشحن طاقتي باش ننطلق من جديد و ناخذ افكار قيمة اللي طبقت معظمها وجابت نتيجة راااائعة و غيرتلي حياتي بالكامل خاصة الروتينات اليومية اللي صارت اهم حاجة نبني عليها

الصراحة انا من محبين التنظيف ثانيا والترتيب اولا يعني قبل مانقوم بالتنظيف نرتب كلشي على قانيه وهكاك التنظيف يجيني ساهل بززاف و كلشي يكون في مكانو و شحال نحب نرمي الاشياء لي مانحتاجهاش و ماعندهاش فايدة صراحة ماعنديش قلب من هاذي الناحية
انا متزوجة وام لطفل ماكثة بالبيت تقبلوني فراشة محلقة بينكم

اهلا بالفراشة الفحلة ...ابني نور عيني ...شرف لينا انضمامك حبيبتي ....و على حب التنظيم و الترتيب اجتمعنا ...هههه...فكرة حبك للرمي ..انا عكسك تماما نسكبد و ما نحبش نرمي لحوايج ...استغرقني دروس طويلة باش عدت نرمي و بصعوبة ...هههه....نفكر مطولا ...

[ام شمسو محمد]

المشاركة الأصلية كتبت بواسطة ghazalt assahra

مساء الخير
انا عندي روتين المساء يمشي مليح بصح كي تجي في غسيل الاواني و تلميع الحوض نتقاعس السبب هو حنا نتعشاو متاخرين بزاف لعشرة ونص او لحداعش و المشكل هدا ما لقيت ليه حل. ارجو المساعدة

اختي غزالة مش من حقي ندخل في نمط معيشتكم و لكن وعلاش تتعشاو على 11 مش صحي ...و ما يوافقش هدي نبينا عليه الصلاة و السلام كاين نهي على النشاط بعد صلاة العشاء ...و انتي خدامة ...يصعب عليك تنوضي بكري ..و ما تكونش عندك طاقة تمارسي بيها حياتك و عملك و التزاماتك ....نصيحتي اول حاجة تفكري فيها هي النمط الصحي لحياتك ...

[ام شمسو محمد]

المشاركة الأصلية كتبت بواسطة حياتي كلها امل

السلام عليكم وجعل الله صباحكم كله خير وطاعة وقرب لله
ام شمسو انا روتيني المسائي بعد القهوة تاع المساء نغسل الاواني وندور على الدار نفرز ونكنس من بعد نوجد العشاء ونتبعد طريقة واش يطيح يتغسل بعد المغرب نتعشاو نغسل الاواني ونلمع الحوض ونوجد ملابس اولادي للغد اما روتين الجمالي تهاونت فيه بزاف والحمد لله على كل حال

ام هاجر الحال من بعضو بالنسبة للروتين الجمالي ...لاحقا ان شاء الله نحط تطبيقات في هذا المجال و نحاولو نسترجعو شوية بريق ان شاء الله هههه....كذلك المجالات التعبدية اللي قالت عليها حبيبتنا جهينة ...غير انو مزال عندي امل تلقانا ام تينة لانو لا يفتى و مالك في المدينة ...

[ام شمسو محمد]

المشاركة الأصلية كتبت بواسطة أريج13

ام شمسو شكرا جزيلا لك على الترحيب ...كلماتك تعطيني تشحنني و تعطيني طاقة ايجابية...ربي يخليك لينا و يجازيك على كل ما تقدمين...
بالنسبة للفرز رميت 17شيئا و اليوم ان شاء الله نكمل الباقي
بالنسبة لروتين المساء ما نقدرش نلتزم بيه ايام العمل

اريج بالتوفيق في الاغراض العشرة اللي بقاولك ....نوه فقط انو العملية المفروض تكون سريعة بدون ترد ولا تفكير يعني تهزي الكيس و دوري تعمريه ما توقفيش حتى توصلي ل27 غرض ما تعاوديش تشوفي وش حطيتي في الكيس اغلقيه و ارمي ...يعني مش اثناء التبريد تديرو هذي العفسة ...عملية منفصلة ....و ثاني مزال الفرز اريج ...هههه

كون حطيتي روتينك المسائي ...المفروض يساعدك مايعيقكش ...نحاول نحط دروس الفراشة للمراة العاملة باذن الله

[ام شمسو محمد]

المشاركة الأصلية كتبت بواسطة nihal159

صباح الخير و لخمير على جميع الفراشات ربي يباركلنا في هذه اللمة و إن شاء الله نستفادو من بعض.

لبارح بديت فالبلاكار؛ عندي فراش تاع لي بونكات غسلتو من قبل و خليتو فلبلاكار؛ لبارح جبدتو و خبيتو فالجزء السفلي تاع لي بونكات(double fond). هذي أوّل خطوة في تبريد

لبلاكار هههه

دائما في إيطار التبريد؛هذه المرة فالكوزينة، بالنسبة للدرج المخصص للملاعق و لفراشط ههههه دايما فيه الفوضى و لملاعق الصغيرة تاع القهوة تتودّر فيه و نجيب

ساعة و أنا نفركث باش نلقاهم؛ إذا الحل؛ شريت سلاّت صغار على شكل مستطيل الواحدة ب 30 دج؛ شريت أربعة؛ ستّفتهم فالدرج و كل واحدة حطيت فيها شيئ

معيّن: واحدة مخصصة للملاعق و الثانية للفراشط و الثالثة للسكاكين و الرابعة للملاعق الصغيرة تاع القهوة و بهذا أصبح الدرج منظّم و أي حاجة نحوّس عليها نلقاها

قدامي.

روتيني المسائي؛ كي نعود نحضّر فالعشاء؛ الماعون لي يتوسّخ نغسلو و هكذا وقت العشاء مانلقاش لماعن تراكمو عليا.

كي نكملو لعشاء؛ نغسل للأولاد يدّيهم و نبعثهم لغرفتهم؛ و أنا نخمّل الطابلة و نستف الصحون المتسخة فوق البوطاجي و نمسح الطابلة و نرمي النفايات؛ و نروح نلبّس

للأولاد البيجامات و نحطهم في فراشهم؛ و نرجع للكوزينة نلقى أني قمت ب 80¨% من الأشغال و مابقالي إلا نغسل الصحون و نلمّع الحوض، الحمد لله عندي 5 سنين

زواج و لا مرة تركت مواعن العشاء للصباح.

كي نكمّل، نروح لغرفة الأولاد؛ نلم الألعاب نتاعهم المرمية في كل مكان هههههههههه؛ من بعد نتوضا؛ نصلي؛ نحط كريم مرطب في يديا وأخلذ إلى النوم.

نهال شكرا جزيلا كي حطيتك روتناتك و مهامك ....اسمحيلي فقط نهنيك لانو 5 سنين مارقدتيش على ماعنك ...اختي يعطيك الصحة و ربي يحفظك ....هكذا فلتكن النساء ....صدقا كيفاش ما تعجزيش ...اعطينا واش يحفزك نهال

[ام شمسو محمد]

المشاركة الأصلية كتبت بواسطة omelbanin

السلام عليكم
كيف حالكن يا اجمل وانشط فراشات
اليوم وين شفت الدورة خبرتني اختي ام هاجر يعطيها الصحة
شكرا ليك ام شمسو والله غير راني في امس الحاجة لهذه الدورة ان شاء الله نكون معاكم في سربكن النشيط

احنا اللي في امس الحاجة ليك ام البنين ...ارواحي برك ...حطي روتيناتك و تطبيقاتك و مهامك ....تعليقاتك و مشركاتك و حضورك و كل شي جميل كنتي تمتعينا بيه في السابق ....مكانك دائما محفوظ ام هارون

[ابني نور عيني]

المشاركة الأصلية كتبت بواسطة ط§ظ… ط´ظ…ط³ظˆ ظ…ط*ظ…ط¯

ط§ظ‡ظ„ط§ ط¨ط§ظ„ظپط±ط§ط´ط© ط§ظ„ظپط*ظ„ط© ...ط§ط¨ظ†ظٹ ظ†ظˆط± ط¹ظٹظ†ظٹ ...ط´ط±ظپ ظ„ظٹظ†ط§ ط§ظ†ط¶ظ…ط§ظ…ظƒ ط*ط¨ظٹط¨طھظٹ ....ظˆ ط¹ظ„ظ‰ ط*ط¨ ط§ظ„طھظ†ط¸ظٹظ… ظˆ ط§ظ„طھط±طھظٹط¨ ط§ط¬طھظ…ط¹ظ†ط§ ...ظ‡ظ‡ظ‡ظ‡...ظپظƒط±ط© ط*ط¨ظƒ ظ„ظ„ط±ظ…ظٹ ..ط§ظ†ط§ ط¹ظƒط³ظƒ طھظ…ط§ظ…ط§ ظ†ط³ظƒظٹط¯ ظˆ ظ…ط§ ظ†ط*ط¨ط´ ظ†ط±ظ…ظٹ ظ„ط*ظˆط§ظٹط¬ ...ط§ط³طھط؛ط±ظ‚ظ†ظٹ ط¯ط±ظˆط³ ط·ظˆظٹظ„ط© ط¨ط§ط´ ط¹ط¯طھ ظ†ط±ظ…ظٹ ظˆ ط¨طµط¹ظˆط¨ط© ...ظ‡ظ‡ظ‡ظ‡....ظ†ظپظƒط± ظ…ط·ظˆظ„ط§ ...

ط§ظ‡ظ„ط§ ط¨ظٹظƒ ط§ظ… ط´ظ…ط³ظˆ ط§ظ„ط´ط±ظپ ظƒظ„ظˆ ظ„ظٹط§ ظ†ظƒظˆظ† ظ…ط¹ ظ‡ط§ط¯ ط§ظ„ط³ط±ط¨ ط§ظ„ظ†ط´ظٹط· ط§ظ„ظ„ظٹ ظ‡ط¯ظپظˆ ط³ط¹ط§ط¯ط© ط¨ظٹطھظ†ط§ ظˆ طµظپط§ط، ظ†ظپط³ظ†ط§
ط¨ط§ظ„ظ†ط³ط¨ط© ظ„ظ„ط±ظ…ظٹ ظˆط§ظ„ظ„ظ‡ ظ…ط§ظ†ط´ظپظ‚ ظ‡ظ‡ظ‡ ظ„ط§ظ†ظˆ ظ†ط*ط¨ ظƒظ„ط´ظٹ ظ…ظپط±ظˆط² ظ…ط§ظ†ط*ط¨ط´ ظ†ظƒط¯ط³ ط§ظ„ط§ط´ظٹط§ط، ظ…ظ†ط¨ط¹ط¯ ظ…ط§ظ†ط³طھط¹ظ…ظ„ظ‡ط§ط´ ظˆ طھط¯ظٹظ„ظٹ ظ…ط³ط§ط*ط© ظƒط¨ظٹط±ط© ظˆ ظƒظٹ ظ†ط¬ظٹ ظ†ط*ظˆط³ ط¹ظ„ظ‰ ط*ط§ط¬ط© ظ†ط*طھط§ط¬ظ‡ط§ ظ…ط§ظ†طµظٹط¨ظ‡ط§ط´ ط¹ظ„ظ‰ ظ‡ط§ط°ط§ ظ†ط±ظ…ظٹ ط§ظ„ط§ط´ظٹط§ط، ط§ظ„ظ„ظٹ ظ…ط§ط¹ظ†ط¯ظ‡ط§ط´ ظپط§ظٹط¯ط© ظˆ طµط±ط§ط*ط© ظپط±ظ‚طھ ظ…ط¹ط§ظٹط§ ط¨ط²ط²ط²ط§ظپ ظˆ ط§ظ„ط¨ظٹطھ طµط§ط± ظپظٹ ط¯ط±ط¬ط© ط§ط¹ظ„ظ‰ ظ…ظ† ط§ظ„طھط±طھظٹط¨ ظˆ ط§ظ„ظ†ط¸ط§ظ…

[ابني نور عيني]

المشاركة الأصلية كتبت بواسطة ام شمسو محمد

اهلا بالفراشة الفحلة ...ابني نور عيني ...شرف لينا انضمامك حبيبتي ....و على حب التنظيم و الترتيب اجتمعنا ...هههه...فكرة حبك للرمي ..انا عكسك تماما نسكيد و ما نحبش نرمي لحوايج ...استغرقني دروس طويلة باش عدت نرمي و بصعوبة ...هههه....نفكر مطولا ...

اهلا بيك ام شمسو الشرف كلو ليا نكون مع هاد السرب النشيط اللي هدفو سعادة بيتنا و صفاء نفسنا
بالنسبة للرمي والله مانشفق ههه لانو نحب كلشي مفروز مانحبش نكدس الاشياء منبعد مانستعملهاش و تديلي مساحة كبيرة و كي نجي نحوس على حاجة نحتاجها مانصيبهاش على هاذا نرمي الاشياء اللي ماعندهاش فايدة و صراحة فرقت معايا بزززاف و البيت صار في درجة اعلى من الترتيب و النظام

[ام شمسو محمد]

المشاركة الأصلية كتبت بواسطة روان دينا 27

السلام عليكم
مبروك افتتاح الدورة اختي ام شمسو
ان شاء الله ما تكونيش نسيتيني؟؟؟؟؟
بفضلك تعلمت بزاف امور في التنظيم و التنظيف ان شاء الله تكون في ميزان حسناتك

مانسيتكش روان تامني ماعنديش بزاف مين تفكرتك قلت يادرى تخرجت ولا زوجت ولا وش راهي دايرة ....نحييك على التفكير في العمل المنزلي حتى قبل الزواج ....مهما قرينا و طلعنا مرجعنا للدار و الكوزينة و الشيفونة و اطعام الافواه الصغيرة

[ام شمسو محمد]

ابني نور عيني كتبت قبيل رد مطول و راح مع الريح .....الكلام اللي راكي تقولي فيه يمثل فلسفة الفراشة و عين فكرة الترتيب المنزلي ....يبدولي عندك ميول فطرية للتنظيم ....انا من ال80 بالمائة اللي التنظيم عندهم مكتسب بالتعليم ....و الاشياء كنت نتعلق بيها عاطفيا و نشوف فيها ذكرى و حدث ....و هذي الحالة كون تطور تولي مرض

[ابني نور عيني]

بالنسبة للجانب الجمالي الصراحة مانستغناش عليه خاصة العناية بالبشرة وانا مخصصة يوم الاحد يوم العناية الشخصية والايام الباقية ندير روتيناتي من ترطيب للبشرة و حمام خفيف و عناية بالشعر من تغذية و تمشيط

[ابني نور عيني]

المشاركة الأصلية كتبت بواسطة ام شمسو محمد

ابني نور عيني كتبت قبيل رد مطول و راح مع الريح .....الكلام اللي راكي تقولي فيه يمثل فلسفة الفراشة و عين فكرة الترتيب المنزلي ....يبدولي عندك ميول فطرية للتنظيم ....انا من ال80 بالمائة اللي التنظيم عندهم مكتسب بالتعليم ....و الاشياء كنت نتعلق بيها عاطفيا و نشوف فيها ذكرى و حدث ....و هذي الحالة كون تطور تولي مرض

مرحبا اختي ام شمسو الغالية والله كلامك عسل و كلو من عينيك الحلوين و نفسك الطيبة
صح عندي ميول تنظيمية نحب النظام لكن مع افكارك وافكار الاخوات الرائعة صار النظام شيء ممتع و مسلي و مافيهش تعب

[ام شمسو محمد]

اليوم خصصت ال 5 دقايق انقاذ غرفة للقاراج ....البارح نظفت جهة المجمدة و سيقت تحتها و اليوم رتبت صندوق العدة و مسحت المنطقة ....فاجاني بالفعل واش ممكن ندير في 5 دقايق ....بهذا المعدل ممكن نخلص قبل نهاية ال27 يوم ...

تبريد 15 د الصراحة قضيتو في غسيل ماعن العشا تاع البارح ....ههههه....لانو بعد هذيك المحاضرة الطويلة اللي كتبتها على روتينات المساء اضطررنا لاستقبال رجال ضياف لجيراننا عندهم مناسبة الشي اللي صعب عليا الحركة و هوما طولو السهرة و انا رحت رقدت ...في الموعد المحدد ...باش نوض بكري ...لذلك قضيت ال15 د اليوم في غسيل ماعن لبارح