ورشة الصدرمع mimimouni

crono · 2014-11-09, 09:31

اهلا و سهلا باخواتي و حبيباتي في الله نورتواورشة لمة لحباب.للمرة الثالث-

..

"]الورشة الاولي ورشة مفرش ........ل fadilasor
https://www.djelfa.info/vb/showthread.php?t=1676069

وهنا
تطبيقات المشتركات في دورة

https://www.djelfa.info/vb/showthread.php?t=1693505

الورشةالثانية
الورشة الشال مع الاخت دار الفل

https://www.djelfa.info/vb/showthread.php?t=1687631

و للمرة الثالث-

الاخت mimimouniجزاها الله رح تبدا تحطلكم الورشة بانجاز هاد الصدر

و مادا بيكم كل وحده توري موديلها و كل مرة تصور وين وصلت باه نزيدو الحماس

قائمه المشتركات

وردة المنتديات

fwahiba

دار الفل

أفنان4

fatima elzahra

أم ياسين الزهراء

mehdadi1

ام مدينة

ميرة31

ftage

ونرحب بالحبيبة الغائبة الحمد لله على سلامتها و على رجوعها

وهي

amira79

هيا ضك شدو الهمة وماكلاه تتكاسلو

تحيااااتي

mimimouni · 2014-11-09, 10:02

السلام عليكم.
شكر كبير لاختنا crono على مجهوداتها.
نرحب بكل المشاركات لازم تشدوا الهمة، الصدر جميل لكن يشد اليد لازم تكونوا شطورات.

الصدر مكون من 24 وردة لاسن مع بعض و8وردات وحدهم للاكمام.
اللوازم

اولا نبداو باساس الصدر لي هي الوردة.
سطر1: نبداو بسلسلة من8 ماي ونقفلوها

ثم نطلع ب 3غرزات وندير عمود من 2لفات ثم [COLOR="Red"]3[/COLOR ماي ثم 2أعمدة ب2لفات ونكمل ندير 8مجموعات من الاعمدة

ثم ندير 2ماي سري باه نوصل للوسط

ثم اطلعي بماي ثم عمود بلفة ثم 16 عمود بلفتين2لفات ثم عمود بلفة ثم ماي سيري
مجموع الاعمدة 18 20

نديرو 4 ماي و نديروا ماي سيري مقابل بداية ال****اجة

ونكملو بنفس الطريقة

حتان نكملوا 8 مرات

ثم ديري ماي سيري في الفراغ تاع 4ماي و عمري ال****اج :: ماي سيري عمود بلفة 6اعمدة ب2لفات عمود بلفة ماي سيري

وهذي من الخلف كيفاه تبان

راني زربت علاخاتر الكونكسيون تروح ان شاء الله فهمتوني واي سؤال راني حاضرة
بالنسبة للالوان كل وحدة تختار لون من عندها تبدا بيه ،اناخدمت فالاول بالابيض و الوردي باه تبان الخدمة فالصورة.
يالا نبداو بالاصفر.
نتمنى تبداو تطبقوا في القريب العاجل بالتوفيق.

mimimouni · 2014-11-09, 10:05

السلام عليكم
صباح النور عليكم كامل
ماشاء الله كاين شطورات راهم خدموا الورد
نكمل باه يلصق الصدر
لازمنا ٢٤ وردة بالحرير اما كي يكون الخيط خشين الاخت تلصق وتقيص
حتان تشوف العرض المناسب
نلصق الورد بترتيب الالوان :
صفراء ، بنفسجي ، وردي ، ازرق و نواصل اصفر. ......
حتى نكمل
الغرزة تكون فال****اج الصغير نلصق العمود ٤،٥ ،٦،٧
الصورة توضح

من الخلف تبان مليح

لازم يكون مدور هكذا هذا جزء باه تفهموا ماشي مكمل هههههه

نتمنى يكون مفهوم الشرح
اي سؤال اهلا وسهلا
بالتوفيق

mimimouni · 2014-11-09, 10:06

السلام عليكم
بعد ما لصقنا الورد تاع الصدر نبداو نشبكو من الجهة الداخلية للورد
كيما في الصورة

هي عبارة على 3 اسطر كيما بعض ب 2 الوان
في ال****اج الاخير نطلع ب3 سلسلات يمثل عمود ونزيد عمود بلفة 1سلسلة 2اعمدة بلفة ثم 3سلسلات
في ال****اجة التالية نفس العمل ( 2اعمدة بلفة 3سلسلة 2اعمدة بلفة 3سلسلات )
3 سلسلات وننتقل للوردة التالية ونعيد نفس العمل حتى نكمل اخر وردة ونقفل مع اول العمل هذا سطر 1
بلون اخر نعاود نفس العمل
ثم السطر 3 باللون الاول لكن بين كل 2 اعمدة ندير سلسلة واحدة مش 3 كيما الاول والثاني
انا خدمت بالوردي ثم الازرق ثم الورد

نتمنى الشرح يكون وافي و في انتضار التطبيقات

mimimouni · 2014-11-09, 10:06

السلام عليكم
ننتقل اليوم للجزء الاخير وهو الدوران الخارجي

السطر 1 و2 و 3 و 4 هوما المهمين والمختلفين البقية نعاود رقم 4 حتى الاخير

كل وردة فيها 2 ****اج كل ****اجة نديرفيها :
2 اعمدة ب 3 لفات 2 سنسلة 2 اعمدة 2 سنسلة 2اعمدة ثم 2 سلسلة و ننتقل لل****اجة التالية
ثم 6سنسلة وننتقل للوردة التالية نخدم نفس الشئ

السطر 2

اول فراغ بين الاعمدة ندير 2 اعمدة بلفة ثم الفراغ التالي 4 اعمدة بلفة
الفراغ التالي 2 اعمدة و التالي 4 اعمدة والاخير 2 اعمدة ثم 6 سنسلة
ننتقل للوردة التالية
الصورة توضح اكثر

السطر 3

في وسط اول عمودين نخدم 2عمود بلفة في الفراغ 2 عمود ثم وسط العمودين 2عمود 2 عمود وسط العمودين
2 سنسلة 2عمود وسط العمودين 2سنسلة 2عمود وسط العمودين 2عمود وسط العمودين 2عمود في الفراغ
2 عمود وسط العمودين 6سنسلة و ننتقل للووردة التالية
راهي تبان معقدة لكن الصورة توضح ولما تتخدم تبان

السطر 4

ساهلة وسط كل عمودين نخدم عمودين
4 مجموعات اعمدة 1سنسلة 2 اعمدة 1 سنسلة ثم 4 مجموعات اعمدة 5 سنسلة وننتقل للوردة التالية
هنا بين الوردات ندير 5 سنسلة

بعدها نخدم 8اسطر بنفس خدمت السطر 4
يصبح المجموع 12 سطر كل سطر بلون

في الاخير نعمل ****اج
نبدا بوسط اول عمودين نعمل 6اعمدة بلفتين وبين كل عمود بيكو اي 3سنسلات ونغلق
نخلف 2 مجموعات اعمدة ونعمل ماي سيري نخلف عمودين وفي وسط العمودين لي بعدهم نعمل ****اجة كيما الاولى
نخلف عمودين نعمل ماي سيري نخلف 2مجموعات اعمدة و في وسط العمودين الاخير نعمل ****اجة
في وسط 5 سنسلة نعمل ماي سيري نبدل لون الخيط واعيد نفس العمل حتى نكمل
كل مجموعة ****اج بلون

وهذي النتيجة الاخيرة الصدر واجد

نتمنى الشرح يكون واضح وتتحصلوا على نتيجة مرضية

بالنسبة للي مونش لي تحب الوردات تشبك عليهم كيما الصدر
انا حطيت برك الوردات نحب السامبل

amel... · 2014-11-09, 13:19

يعطيك الصحة و يهنيك ان شاء الله ....... الوردة بزاف شابة
https://im43.gulfup.com/FVMbfK.jpg
حتا لهدة النقطة فهمتك بصح منبعد تلفتلي ... ممكن توضحيلي معليش منيش مسجلة في الورشة .

ftage · 2014-11-09, 13:27

fwahiba · 2014-11-09, 13:30

salam chokrane okhti 3ala hadh el warcha 3andi talab sghir ya rite koun dirtina arkam normal ana ma na3rafch lil arkam l'hindia wa chokrane

ftage · 2014-11-09, 13:31

الشبكة ضعيفة وباقي الدرس لم يظهر لي
بوركتي
وفضلا لا امرا اذا تكرمتي ورسمتيلي باترون الوردة الاولى لاني تبعت الخطوات ولم احصل على نفس النتيجة
ولم افهم ماذا تقصدين ب8مجموعات اعمدة

ام مدينة · 2014-11-09, 15:42

هذه اول وردة نتمنى نكون نجحت في تطبيقها

أم ياسين الزهراء · 2014-11-09, 16:03

بارك الله فيك الشرح ممتاز راح نبد ونوريلك

mimimouni · 2014-11-09, 19:44

السلام عليكم عذرا من فيفي الجميلة ومن كل الاخوات لاني غلطت في عدد الاعمدة و تسمية الماي مانعرفش واش يسموها بالعربية
اخت املالفراغات لي درتيه ب ٤ماي بين ال****اجات الكبار دديري فيهم مع الاخير ****اجات صغار كما هو مبين فالصورة
بعدما تعمريها هكذا

عمري فهاذ المكان

ان شاء الله نكون فهمتك للاسف انا شاطرة فالخدمة ماش فالشرح ههههه

اختي ftage شكرا لمرورك

اختي ام مدينة ماشاء الله تطبيقك هايل شطورة من بعد كي تفوتي عليها الحديد تبان روعة شجعي البقية

ام ياسو. مرحبا بيك راني نسنا فالتطبيق ربي يعاونك

mimimouni · 2014-11-09, 20:15

اقتباس:

المشاركة الأصلية كتبت بواسطة ftage

الشبكة ضعيفة وباقي الدرس لم يظهر لي
بوركتي
وفضلا لا امرا اذا تكرمتي ورسمتيلي باترون الوردة الاولى لاني تبعت الخطوات ولم احصل على نفس النتيجة
ولم افهم ماذا تقصدين ب8مجموعات اعمدة

هاذي الصورة توضحلك

ftage · 2014-11-10, 06:13

ftage · 2014-11-10, 06:19

بارك الله فيك اختي على الرد الطيب الجميل
راني طبقت الدرس حتى ااوردة البيضاء
لكني لم افهم كيف ادخل خيط اللون الاحمر على الوردة البيضاء
اذا تكرمتي وشرحتيلي كيف