والله راسك يحبس - الصفحة 3

*سندوسة* · 2015-03-22, 13:32

اقتباس:

المشاركة الأصلية كتبت بواسطة همسات ايمانية

يا اختي ياسمين ، ناس بكري يقولو سالي على زهرك ، ما تحيري ما والو
ويوقلو زهر الزينة في الحما ,,,,,,,,,,,,,,,وزهر الشينة في السما يعني هنا الزين ليس المقصود به الشكل فقط بل الافعال ايضا

لذلك نعرف بنات يصبحو مع الفجر والشطارة تعاهم مخالفة ,,,,,,,,,,,,,,لكن في السعد صحاب الواحدة داوهالهم

هذه هي الحياة ,,,,,,,,,,,,,اذن لازم تكوني من اصحاب الواحدة

اهلا اختي
لوكان نوض الوحدة ماما طردني مدار ههه تقولي وليتيلي راجل

alkalima tayiba · 2015-03-22, 13:40

أكيد تتزوج بأحسن رجل بلا منازع
خاطر النوم الهنئ تكون بشرتها ممتلئة و براقة و تكسب وزن جيد
و اكيد زوجها يعيطلها الاميرة النائمة و يعذرها و يجيبلها بيتزا من برا و هي تقولوا البيتزا لي جبتها اليوم ماشي مليحة
أو غذا رجع من العمل يذهب للثلاجة و الحمد لله كاين ميكرواوند يسخن الاكل و يغسل الطبسي لي كلا فيه

*سندوسة* · 2015-03-22, 13:44

اقتباس:

المشاركة الأصلية كتبت بواسطة alkalima tayiba

أكيد تتزوج بأحسن رجل بلا منازع
خاطر النوم الهنئ تكون بشرتها ممتلئة و براقة و تكسب وزن جيد
و اكيد زوجها يعيطلها الاميرة النائمة و يعذرها و يجيبلها بيتزا من برا و هي تقولوا البيتزا لي جبتها اليوم ماشي مليحة
أو غذا رجع من العمل يذهب للثلاجة و الحمد لله كاين ميكرواوند يسخن الاكل و يغسل الطبسي لي كلا فيه

عندك الحق اختي الراجل لي تدللي عليه يقلشك ولي تصبري عليه ومعاه يطرطقهالك فالحنك واش تقولي هادي هي الدنيا

صبر جميل والله المستعان

BAROUD · 2015-03-22, 13:48

زيدوا احكوا باش نستفادوا من تجاربكم

alkalima tayiba · 2015-03-22, 13:51

لو كان نحكوا الصح , المراة المسؤوله في بيتها اصلا ما يكونش عندها وقت باه تدخل الجلفة انفو و تكتب و تناقش و تجاوب
لكن نلاحظ المتزوجات عندهم وقت زايد يدخلوا نات نتمنى نعرف كيفاش راهم يديروا
انا شخصيا و بكل صراحة كي نبدا شغل الدار و الله مايبقالي وقت ,طبخ غسيل تنظيف ترتاحي شوي وووووو
نخمم كي نكون في داري و مسؤوليات اظافية من الزوج للاولاد والله لازم تتسلفي وقت باه يكفيك الحال ,في الوقت الحالي رانا 3 بنات متعاونين في الدار زائد امي ربي يحفظها بصح نتصور نفسي وحدي مقابل منزل فيه كل انواع المسؤوليات لازم نكون اخطبوط باه نكمل,
ولا واش قلتي يا صديقتي؟

adillo · 2015-03-22, 13:57

السلام عليكم
مرا كما هادي نتكل عليها ونروح نكومباطي على جالها ونتكل عليها باش تربيلي ولادي هههههههههه نقعد سيليباير خيرلي من هادي الدبة السباتية هي كما قال الاخ خير بعدا من مرا لي تخدم اخف الاضرار كما يقولو

alkalima tayiba · 2015-03-22, 14:00

و الله الوقت نسبي بالنسبة للحياة
كي يكون الزوج تاعك راضي عليك هذي الدنيا و ما فيها
ممكن على بالوا راكي تسهري بزاف على جالوا و على جال اولادوا أكيد راح يجي يغطيك تجي تنودي يقلك ارتاحي ,
و وقت الغداء مش دستور على وقت معين كاين لي راجلها مايجيش في النهار ,و كاين لي يحب يطول ما ياكل ,
وزيدي الصلاة في وقتها تنظملك وقتك

*سندوسة* · 2015-03-22, 14:09

اقتباس:

المشاركة الأصلية كتبت بواسطة baroud

زيدوا احكوا باش نستفادوا من تجاربكم

اذن ابقى متابع ومرة على مرة اكتب تقريرك

*سندوسة* · 2015-03-22, 14:16

اقتباس:

المشاركة الأصلية كتبت بواسطة alkalima tayiba

لو كان نحكوا الصح , المراة المسؤوله في بيتها اصلا ما يكونش عندها وقت باه تدخل الجلفة انفو و تكتب و تناقش و تجاوب
لكن نلاحظ المتزوجات عندهم وقت زايد يدخلوا نات نتمنى نعرف كيفاش راهم يديروا
انا شخصيا و بكل صراحة كي نبدا شغل الدار و الله مايبقالي وقت ,طبخ غسيل تنظيف ترتاحي شوي وووووو
نخمم كي نكون في داري و مسؤوليات اظافية من الزوج للاولاد والله لازم تتسلفي وقت باه يكفيك الحال ,في الوقت الحالي رانا 3 بنات متعاونين في الدار زائد امي ربي يحفظها بصح نتصور نفسي وحدي مقابل منزل فيه كل انواع المسؤوليات لازم نكون اخطبوط باه نكمل,
ولا واش قلتي يا صديقتي؟

اهلا اختي

انا والله العظيم ندير كلش وعندي الوقت للمنتدى
الميكرو نتاعي نديه لكل بلاصة فالكوزينة نطيب ونغسل لماعن وكي نكمل نسيق

بصح ماما مهنيتني مالغسيل نتاع القش انا نطيب ونسيق ونغسل لماعن وهي ليها غسيل الملابس

وعندي لوقت ندير الحلويات
والله منتدى الجلفة خلاني سريعة جدا كنت هكذا من قبل وضرك زدت بزاف كي يشوفوني نكونيكتي يحسبوني راني غير قاعدة حتى نعيطلهم يجو يفطرو ولا يشربو قهوة وبلا مانحكيلك على الطبخات والحلويات لي ديتهم مالمنتدى وديما نجربهم
عنكم تضربوني بعين هههه
وفدارماعنديش خواتات لي يعاونوني ونزيلك حاجة ختي متزوجة تخدم وولدها تخليه عندنا والله قاع لحوايج لي حكيتلك عليهم ونزيد ندوشله ونفطره ونزيد نلعب معاه ونرقده وكل هذا مايمنعنيش ندخل للمنتدى

*سندوسة* · 2015-03-22, 14:18

اقتباس:

المشاركة الأصلية كتبت بواسطة adillo

السلام عليكم
مرا كما هادي نتكل عليها ونروح نكومباطي على جالها ونتكل عليها باش تربيلي ولادي هههههههههه نقعد سيليباير خيرلي من هادي الدبة السباتية هي كما قال الاخ خير بعدا من مرا لي تخدم اخف الاضرار كما يقولو

وعليكم السلام ورحمة الله وبركاته
عجبتني العبارة نتاع الدبة السباتية
شكرا لمرورك اخي

*سندوسة* · 2015-03-22, 14:20

اقتباس:

المشاركة الأصلية كتبت بواسطة alkalima tayiba

و الله الوقت نسبي بالنسبة للحياة
كي يكون الزوج تاعك راضي عليك هذي الدنيا و ما فيها
ممكن على بالوا راكي تسهري بزاف على جالوا و على جال اولادوا أكيد راح يجي يغطيك تجي تنودي يقلك ارتاحي ,
و وقت الغداء مش دستور على وقت معين كاين لي راجلها مايجيش في النهار ,و كاين لي يحب يطول ما ياكل ,
وزيدي الصلاة في وقتها تنظملك وقتك

في هادي ماعرفت مانقولك
لكن على الاكثر تنوض 10 بصح حتى 12 بزاف
شكرا ليك خيتو

رندة نهاد · 2015-03-22, 14:27

سمونة الزين الزين قري برك على قداه راكي تنوضي هههههههههههههه بلا كدب

*سندوسة* · 2015-03-22, 14:32

اقتباس:

المشاركة الأصلية كتبت بواسطة رندة نهاد

سمونة الزين الزين قري برك على قداه راكي تنوضي هههههههههههههه بلا كدب

هههه انا على 8 ونص نكون هنا فالمنتدى ونكون طيبت القهوة وكملت وطلعت لاشومبغ نتاعي وتعرفيني بلي نقصر هنا فالمنتدى مرات توصل حتى 3 نتاع صباح

رندة نهاد · 2015-03-22, 15:11

[QUOTE="سندوسة يسمين";3993024076][b][font="courier new"]هههه انا على 8 ونص نكون هنا فالمنتدى ونكون طيبت القهوة وكملت وطلعت لاشومبغ نتاعي وتعرفيني بلي نقصر هنا فالمنتدى مرات توصل حتى 3 نتاع صباح [/font][/b][/QUO

ممممممممممممم انا الصح الصح نصلي الفجر ونعاود نرقد نوض على التسعة الاحق نتع ربي كي نكون رايحة للجامعه برك نوض بكري راهو يستى فياسطاج بعد العطلة خليها لربي راحت النومة الصبحية 8 نكون مزروعه في labo هههههههههههههه ه لل 17 ان شاء الله راني نحي في الشوق نتع الرقاد عندك الحق الرجل الا مانضش بكري وكان في يوم راحة ن حقو اما الطفلة تبكر وياربي تلحق على حوايج الدار تحياتي سمسم

شمۋځ أنٹـے » · 2015-03-22, 15:23

هههههههههههه الظاهرة تفاقمت يجب ايجاد حلول بناتنا في خطر