ان شاء الله برك هاد المرة ماتردونيش

لؤلؤة 25 · 2015-02-17, 10:58

سلام يا لبنات اني علابالي ماعنديش زهر و منين نطلب وصفة ما نلقاش رد قلت نزيد نجرب هاد المرة و نشوف حبيت وصفة flan caramel لي يطيب في الفرن بارك الله فيكن

ام رويدة · 2015-02-17, 13:55

دخلي مواضيع أم اماني تلقاي مديراتو موضوع

لؤلؤة 25 · 2015-02-17, 14:56

اقتباس:

المشاركة الأصلية كتبت بواسطة ام رويدة

دخلي مواضيع أم اماني تلقاي مديراتو موضوع

بارك الله فيك شكراااااااااااااااااااااااااااا

om kamilia · 2015-02-17, 23:14

السلام عليكم ورحمة الله وبركاته
لؤلؤة هكدا صراتلي مع الاول عودي ديري طلبك في كوزينة واش طيبتي
وصفتي انا ندير4 بيضات وليتر ليب وكاس سكر ماشي معمر بزاف وفيليا ونخلط كلشيء برك يكون الحليب فاتر يعنى مغلى ودافيء ومن جهة نسخنو الفرن على درجة 160 ونديرو كراميل المول ونفرغو اللط في حمام مائي حتى ينشف كي يبرد ندخلوه لللاجة لمدة ساعتين لى الاقل وقلبيه واحلى كريم كرمل
ممممم صحتكم
هذي الوصفة تعلمتها صغيرة كي كن عمري15 سنة والله كنت احب الطبخ

05Mayssem · 2015-02-18, 14:15

هذا جربتو من عند قناة سميرة نكسر 3بيضات وتخلطيهم مليح مع باطة نيستلي وكاس حليب و4مغارف سكروفاني وكمية من اللوز مدشش وتحطي في المول كراميل على جميع الجهات وتكبي الخلبط فوقهاوتحطيه في حمام مائي مدة35د كي يطيب نقلبو وتقدري ديري اكواب فردية

موني كات · 2015-02-19, 00:34

وصفتي انا ندير6 بيضات نطلعهم بيدي و نزيدلهم شكارة حليب بشوية نكونو سخناها مع 6 مغارف كبار سكروفانيليا ونخلط كلش مع التحربك بلافوي ونزيد قشور الليمون اذا تحبي من جهة اخرى حطي السكر حوالي 3ملاعق يذوبو على النار يعني تخدمي كراميل عندك تحرقيه نسخنو الفرن ونديرو كراميل في المول ونفرغو عليه الخليط الاول ونحطوه في بلاطو فيه الماء و ندخلوه للفرن حتى ينشف يعني ديري سكين في الوسط يخرج ناشف حطيه يبرد في ثلاجة وقلبيه انا في رمضان راجلي كل يوم نديرهولو بصح بنصف الكمية