بكل امانة وصفة مخبز ناجحة باذن الله - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الحلويات

قسم الحلويات قسم مخصص للحلويات و المواضيع فيه حصرية للمنتدى

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

بكل امانة وصفة مخبز ناجحة باذن الله

إضافة رد
 
أدوات الموضوع انواع عرض الموضوع
قديم 2013-01-10, 15:34   رقم المشاركة : 1
معلومات العضو
nousa 06
عضو مشارك
 
إحصائية العضو










افتراضي بكل امانة وصفة مخبز ناجحة باذن الله

السلام عليكم
اليوم راح نوضعلكم طريقتي في عمل المخبز كيما تعلمتها
ببسم الله
لوز مرحي 3كيلات+كيلة سكر عادي+زاست 3او4حبات قارص اصفر+مغرفة فاني +2مغارف كبار سمن +2مغارف كبارمعجون مشماش+بيض حسب الحاجة
القلاصاج
كاس صغير بياض بيض+كاس صغير كذلك شاربات وبنفس الكاس ماءزهر ونزيدو بنفس الكاس عصير ليمون و2مغارف زيت
اول شيء نضع السكر والزاست والسمن اللي هو كي البوماد ماشي ذائبوالمعجون والفاني نخلطو ملييييييح ثم نزيدولو بيضةكاملة وصفار بيضة ونزيدو نخلطو مليح مليح يعني نحاولو نذوبو السكر على قد مانقدرو وممباعد نضيفولو اللوز المرحي ونشوفو شحال راح نزيدلو بيض وكلما احتجنا نزيدو بيضة مخلطة مع صفار ونخلطو بالعقل باه العجينة تجي شادة روحها شوي ماشي مطلوقة وتعييك وماتجيش الحبة مليحةونقعدو نعجنو في هاديك العجين لانها كل ماتعجنت كل ماذاب السكر وتجيك طرية وممباعد نخلوها تريح ومن الاحسن نبيتوها والغدوة نشكلوها انا هكدا نعمل نخليها تبات وكي نشكلوها نحاولو ننقص من كمية الفرينة اللي راح نحل بيها ونخدموها فوق صاشي كيما قولتلكم من قبل باه الحبة تجي بومبي من الفوق وتقدري ترفديها من الاسفل يعني تحاولي على قد ماتقدري انك تحافظي على لافورم تاع الحبة وممباعد نوضعوها في سينية الفرن واللي نكونو وضعنا فيها كمية لاباس بيها تاع فرينة ماشي نرشوها برك لاااا نفرشو طبقة مليحة من الفرينة ونوضعو الحبات ونخليوهم ينشفو مليييييح انتي والوقت تاعك اذا كنتي مستعجلة تخليهم على الاقل ساعتين واذا كنتي تخدمي براحتك تقدري تخليهم حتى نص نهار يعني حتى 4سوايع ودخليهم لفرن مسخن من قبل على درجة حرارة من 140 الى150 درجة والوقت من 10 دقايق حتى15دقيقة لا غير حق ما يشد روحو برك وكي يبرد ماشي بزاف يبقى دافي شوي عسليه في عسل مخفف وخليه ينشف ممباعد ديريلو القلاصاج
والقلاصاج تضربي بياض البيض مليح وممباعد تضيفيلو الشاربات والقارص وماء الزهر الفاني او اي ذوق تحبوه والزيت وممباعد تضيفولو السكر قلاص مرجان او نونورس وزينيه كيما تحبي
ملاحظة
اللوز لازم يكون منقي ونمسحوه بفوطة مشمخة شوي باه نظفوه تعرفو كي يكون في المحلات يكون معرض الغبار
كمية المعجون والسمن اللي هي 2مغارف 2مغارف راهي في كيلو لوز وكذلك الزاست
الفرينة اللي في السينية نستعملها زوج خطرات برك وخلاص وماترميهاش تقدري تعملي بيها كاش ما قاطو فيه فرينة محمصة
اما بخصوص القلاصاج كيلي بكاس الشايوهاد الكمية اظن تعملك 15 حبة برك وانتي زيدي على حسب الكمية اللي عملتيها
العجينة تحليها بسمك 1.5سم الى2سم انتي والمناسبة اللي راح تعمليها من اجلها وحاجة اخرى راني قريت موضوع لواح الاخت هنا بالمنتدى حاطة فيه عفايس هايلة تاع المخبز وخاصة تاع الخميرة للامانة انا ما استعملتهاش بصح يظهرلي عفسة مليحة خاصة مع الكاوكاو لانه يعتبر من البقوليات ماشي من المكسرات وكيما نعرفو كامل الخميرة تاع القاطو والبيكاربونات يطريو البقولياتكيما العدس واللوبيا
طولت عليكم صح
نزيدلكم حاجة صغيرة برك البيض نستعملوه باه نتحصلو على عجينة متماسكة بالاضافة الى قيمتو الغذائية يزيد يمدلنا لون ذهبي للعجين
والزاست ندعكوه مع السكر والسمن في الاول باه نستخلصو النكهة المميزة تاعو وينحيلنا ريحة البيض
المعجون والسمن يطريو القاطو والسمن كل ما قعد القاطو كل ما زاد مفعوله والعسل باه ماتجيش الحبة تاع القاطو حاشفة عن الاكل
للامانة انا هاد القلاصاج نستعملو غير كي نكون مستعجلة لاني عندي طريقة اخرى معتمدتها وهي من راسي برك ههههههههبصح ناجحة باذن الله نحطهالكم مرة اخرى ان شاء الله ظك راني صمطتها بزااااااف اسمحولي من هاد الشرح الطويل قصدي نوصل الفكرة برك وبالتوفيق









 


رد مع اقتباس
قديم 2013-01-10, 15:47   رقم المشاركة : 2
معلومات العضو
بشرى2008
عضو فضي
 
الصورة الرمزية بشرى2008
 

 

 
الأوسمة
وسام مميزة التطبيقات 
إحصائية العضو










افتراضي

بارك الله فيك










رد مع اقتباس
قديم 2013-01-10, 15:49   رقم المشاركة : 3
معلومات العضو
natacabell
عضو مميّز
 
إحصائية العضو










افتراضي

baraka lahou fik ala el wasfa habada law kanat bi souar khire lakin maalich raki wafiti ou kafiti fi charh zidihati rabite taa el tafsal dyalou baraka lahou fik hanouna










رد مع اقتباس
قديم 2013-01-10, 15:58   رقم المشاركة : 4
معلومات العضو
nousa 06
عضو مشارك
 
إحصائية العضو










افتراضي

وفيكم بارك وشكرا على مروركم ونقول للاخت اللي طلبت الرابط انا راني جديدة ومانعرفش نعمل روابط كي تعلمت نوضع صور برك راني هايلة المهم الصور راني حطيتهم في موضوع منفصل بعنوان البنات راهم وجدو الصور وراه في الصفحة الاولى هاذا واش نقدر نعمل اختي واسمحيلي










رد مع اقتباس
قديم 2013-01-10, 16:27   رقم المشاركة : 5
معلومات العضو
ام ولي
عضو مميّز
 
إحصائية العضو










افتراضي

بارك الله فيك اختي ومشكورة على الشرح الوافي










رد مع اقتباس
قديم 2013-01-10, 16:59   رقم المشاركة : 6
معلومات العضو
lyna38
عضو نشيط
 
الصورة الرمزية lyna38
 

 

 
إحصائية العضو










افتراضي

choukran azzizati
in chaa allah fi mizan hassanat
rabi yjazik










رد مع اقتباس
قديم 2013-01-10, 19:41   رقم المشاركة : 7
معلومات العضو
nousa 06
عضو مشارك
 
إحصائية العضو










افتراضي

شكرا لمروركم










رد مع اقتباس
قديم 2013-01-10, 20:31   رقم المشاركة : 8
معلومات العضو
fadilasor
عضو متألق
 
الصورة الرمزية fadilasor
 

 

 
الأوسمة
افضل موضوع حصري جانفي 2015 أحسن المواضيع افضل طلة عيد خاص بالاطفال 
إحصائية العضو










افتراضي

ربي يحفظك شرح واف وكاف










رد مع اقتباس
قديم 2013-01-11, 11:48   رقم المشاركة : 9
معلومات العضو
nousa 06
عضو مشارك
 
إحصائية العضو










افتراضي

ويحفظك اختي شكرا ليك










رد مع اقتباس
قديم 2013-01-11, 15:44   رقم المشاركة : 10
معلومات العضو
فوزية1975
عضو مبـدع
 
إحصائية العضو










افتراضي

شكرا لكي في انتظار وصفة القلاصاج










رد مع اقتباس
قديم 2013-01-13, 11:51   رقم المشاركة : 11
معلومات العضو
دمعة اسى
عضو مشارك
 
الصورة الرمزية دمعة اسى
 

 

 
إحصائية العضو










افتراضي

ربي يخليك و يرزقك ماتتمناي على الشرح الوافي و النية الصافية









رد مع اقتباس
قديم 2013-01-13, 12:15   رقم المشاركة : 12
معلومات العضو
&أسيل&
عضو محترف
 
الصورة الرمزية &أسيل&
 

 

 
الأوسمة
وسام التألق  في منتدى الأسرة و المجتمع 
إحصائية العضو










افتراضي

ماشاء الله وفيتي وكفيتي
بارك الله فيك وجعلها في ميزان حسناتك










رد مع اقتباس
قديم 2013-01-13, 12:24   رقم المشاركة : 13
معلومات العضو
christina.k
عضو مشارك
 
إحصائية العضو










افتراضي

بارك الله فيك










رد مع اقتباس
قديم 2013-01-13, 14:47   رقم المشاركة : 14
معلومات العضو
الامل نور
عضو مميّز
 
الصورة الرمزية الامل نور
 

 

 
إحصائية العضو










افتراضي

بارك الله فيك










رد مع اقتباس
قديم 2013-01-13, 14:56   رقم المشاركة : 15
معلومات العضو
ام عبيدة
عضو مميّز
 
الصورة الرمزية ام عبيدة
 

 

 
إحصائية العضو










افتراضي

مشكوووووووووووووووره










رد مع اقتباس
إضافة رد

الكلمات الدلالية (Tags)
أحبس, الله, امانة, باذن, واحدة, وصفة

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 16:39

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc