أعمالي الكروشية تنتظر الخروج إلى النور... تم الرد

[Dahlia 90]

السلام عليكم ورحمة الله وبركاته....جمعة مباركة على الجميع...و أتمنى ان تكونو بخير 🙂
حبيت نستشيركم بموضوع يخص اعمالي تاع الكروشي (les napperons les bonnets les brassières pour bébés les cache nez les chaussins3...etc) هاذا زمان وانا نخدم هاذ الاشغال لكن ما طورتهمش و ما خرجوش للنور كيما يقولو..الاكثرية اهديتهم و القليل باعوهملي فاميلتي لانو انا مانخرجش و ما معرفش بزاف ناس غير الاهل فقط...و ما عنديش دراية بالاسعار و كيفاش ندير سعر صحيح لكل قطعة نخدمها...حبيت الاخوات الي هنا اللي في هاد المجال يعاونوني من فضلكن...و حاجة اخرى هي اني حبيت نشارككم اعمالي لكن ما عرفتش ننزل صور في المنتدى 😔 و انا نكونيكتي بالهاتف...
في انتظار ردودكن و شكرا!

[عيدة نور الهداية]

معنديش فترة صغيرة التقيت مع امرأة عنها اعمال كبيرة جدا وفاتحة جمعية لتعليم البنات ومنخرطة في التكوين ولديها محلاتها الخاصة لي تبيع فيهم اعمالها . قاتلي في البداية كنت مانعرف والو من غير الكروشي ثم دارت علاقات مع نساء حرفيات وطورت اعمالها وعلمتهم الكروشي وهوما علموها الخياطة والبرودي والفتلة .... بالتبادل ثم بدات تعلم الناس ثم اخذت شهادة من التكوين وفتحت محل خاص بيها للتعليم ...... وبالشويا ذوكا ولات شخصية كبيرة
باختصار اختي ديري ارادة وكبري اعمالك لمشروع صغير وابداي طوريه هذا يتوقف على شجاعتك وارادتك .
انا معنديش علاقة بالكروشي والخياطة لكن عجبتني ارادة هذي المرأة . ان شاء الله تكوني في المستقبل مثلها
بالتوفيق

[ام حمزة22]

السلام عليكم
نفس المشكل لي عندي ومثل ما قلتي أعمالي كلها عبارة عن هداية
ربي يوفقك أختي وييسرلك أمورك ويسهلك

[malake1967]

السلام عليكم وزرحمة الله وبركاته
مرحبا بك أختي دهلية 90 بيننا و بأعمالك
نتشرف بمشاركتك لنا إياها
وأنا مثلك لا أخرج كثيرا و أعمالي كلها عبارة عن هدايا أو لعائلتي
بالنسبة للسعر أختي حسب السلعة أي تحسبس كم استهلكت من السلعة تقيميها
وثمن عملك يكون السلعة في إثنين
أما إن كانت السلعة من عندك فيكون الثمن الاجمالي السلعة زائد تعبك أي ضعف عمل السلعة
وفي بعض الأحيان تكون مثلا غرزة صعبة أو عمل متعب أكثر من العادة فيمكنك أن تقيمينه بزيادة حسب التعب و الوقت الذي استغرقتيه لعمله والله أعلم .
بالنسبة لطريقة وضع الصور يمكنك الاستعانة برد الأخت ريمة
قي هذا الموضوع https://www.djelfa.info/vb/showthread.php?t=2150497
https://www.djelfa.info/vb/showpost.php?p=3997574233&postcount=6المشاركة رقم 6
وأي استفسار نحن في الخدمة بإذن الله
وبالتوفيق .
في انتظار اعمالك
حفظك الله و وفقك إلى ما يحب ويرضى.