تعبت

[مشكلتي]

سلام الله عليكم .انا جيت باش نفرغلكم قلبي راني ضعت عندي 4 سنين وانا مطلقة .4 سنين وأنا من علاقة لعلاقة نتوب ونرجع .نقول خلاص ونرجع كرهت مليت حابة نرجع الانسانة نتاع بكري اللي تخاف من ربي و ما دارت حتى حاجة حرام .اليوم حكمت أمي وأنا نبكي قتلها يا أمي عاونيني أضربيني خلاص راني عييت .قتلها راني نهدر مع واحد ما حكيتلهاش على السابقين .بصح ندمت كي حكيتلها حسيتها تحيرت ياسر وقعدت تبكي بصح هذا هو الحل اللي لقيتو مناسب لازم هي تضغط عليا باش نتربى أنا مقدرتش على روحي
نتمنى منكم دعوة في ظهر الغيب وطريقة تخليني نتوووووووووووووووووووب

[مصطفى_س]

ما دام عندك شيء في داخلك يقول لك يجب ان تتوبي فأبشري
يلزمك فقط بعض الأمور البسيطة
الإرادة للتغيير الى الاحسن
التوبة النصيحة و قطع أي علاقة حرام
حسن الظن بالله و ترك أي شيء حرام و تأكدي سيعوضك الله

لا تخبري والدتك الا للضرورة لانها ستعاني ممكن اكثر منك و لكن لا تستسلمي اخبريها انك تغيرت او انك ستتغيرين للاحسن طبعا
تذكري أنك محظوظة لأنك اردت التوبة و لست غارقة و تأكدي أنك ستنجحين باذن الله و لكن لا تنسي تقربك من الله
والله كلما تقربتي من الله ستسعدين و هذا وعد من الله
تقربي بقراءة القران و الاذكار و محاولة الابتعاد عن الامور التي تقربك من الحرام او بالاحرى العلاقات الغير شرعية

أسأل الله العظيم ان يسرك و يسترنا فوق الارض و تحت الارض و يوم العرض

[~أمة الله~]

عليك السلام ورحمة الله وبركاته أختي
أسأل الله أن يتوب علينا وعليكِ
عودي إلى الله وتوبي، واعلمي أنّ معظم هذه العلاقات لن تؤدي إلى شيء، بل هؤلاء الرجال يتسلون بِك فقط.
وإن كانت لكِ حاجة كبيرة في الزواج، وهو الظاهر من سعيك في هذه العلاقات، فاسعي لتتزوجي وتستري نفسك إن شاء الله بالطرق الشرعية، من توسيع دائرة نشاطاتك الاجتماعية في الحدود الشرعية طبعا، وأن تتنازلي عن بعض الشروط التي ممكن كنت ترينها من قبل.
بالنّسبة لباب التوبة فهو مفتوح بحمد الله لا يحجز عنها شيء،
عن أبي بَكْرٍ الصديق رَضِيَ اللَّهُ عَنْهُ أَنَّهُ قَالَ : سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ : ( مَا مِنْ عَبْدٍ يُذْنِبُ ذَنْبًا فَيُحْسِنُ الطُّهُورَ ، ثُمَّ يَقُومُ فَيُصَلِّي رَكْعَتَيْنِ ، ثُمَّ يَسْتَغْفِرُ اللَّهَ إِلَّا غَفَرَ اللَّهُ لَهُ ، ثُمَّ قَرَأَ هَذِهِ الْآيَةَ : "وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ") أسأل الله أن يتوب علينا و عليكِ ويرزقك الرّجل الصالح.

[الاريام]

السلام عليكم اختي
ربي يهديك و يهدينا اجمعين
الطلاق عمرو و لا كان سبب اللعلاقات المحرمة ابدا
اول حاجة اطلبي من امك الدعاء بدون الحاجة لدكر اشياء تحيرها و تخليها ما ترقدش واو حتى تمرض على جالك
و ثانيا ادعي ربي سبحانو يفرج عليك و يسترك و يجيبلك ولد حلال يستر عليك
و اعرفي بلي الرجال الي تخالطيهم في علاقات محرمة هي الغاية الوحيدة منها عندهم و لا اكثر و يشوفك فريسة سهلة بحكم انك انتي تشوفي في روحك ضحية لانك لازم تكون عندك شخصية قوية و تقولي هذا قضاء الله و قدركي و هكذا كتبلك ربي كاين ناس تموت و ناس ما تزوجتش و هي في عمر 50 و الستين وش دير تروح تزني لا بالعكس تصبر لانو حنا مسلمين و نامنو بلي دنيا شقاء و هم
احمدي ربي على الصحة و على وجود ام في حياتك رغم كل الظروف الشوفة فيها وحدها تعطيك القوة و على نعمة الاسلام لانها هذه النمة تخلينا نصبرو على المصايب
واعرفي بلي راكي انسانة مالازم حتى واحد يلعب بيك ولا يستعملك ويرميك و انتي الي قلتي 4 رجال بعد الطلاق يعني كثرو عليك الذيوبة و انتي الوحيدة الي تحددي انهم يدورو عليك و يغتانمو فرصة كونك امراة ضعيفة و ليس مطلقة لانو كاين بنات غير متزوجات و لعبو بيهم لضعف ضخصيتهم انتي الي تفرضي الاحترام على كل من حولك

[@سندريلا@]

راهم يلعبو بيك يا الجايحة لي عينو فيك يجيك لداركم مباشرة ..مادام راكي حاسة بلي راكي غالطة فانت ذات قلب صاحي و سليم تخصك فقط الارادة
عمري وقتك باشياء مفيدة شاركي في جمعيات خيرية

[@سندريلا@]

مارسي اشغال يدوية تعلمي حوايج جديدة سجلي تحفظي القران ....الخ المهم اشغلي وقتك بما هو مفيد لانو الفراغ العاطفي هو لي يعمل هكا
و لا تنسي :الدعاء��
ربي يهدينا و يهديك و يهدي جميع المسلمين

[جنى الجنتين]

راهي فيك بذرة طيبة تقولك الله يهديك و توبي الى الله قبل فوات الاوان وابشري قال الرسول صلى الله عليه وسلم ( التائب من الذنب كمن لا ذنب له )

و ربي قال ( ان الله يحب التوابين و يحب المتطهرين ) يا لها من بشرى محبة الله للعبد حوسي على محبة ربي مشي العبد ومشي حاجة عيب اذا حبيتي تتزوجي و لكن بالطرق

الشرعية و بما يرضي الله كيما قالو الخوات حفظي القران و تعلمي ف مركز التكوين حرفة تفيدك لزمان عقوبة

الله يهديك و يفرج عليك

[oumhana]

مدام طلبتي النجدة فهذا يدل ان سريرتك نقيه. كثري من الصلاة واطلبي ربي في كل وقت وقوليلو يا ربي راني كرهت حياة لحرام ياربي ارزقني التوبه.واستغفري واستغفري وتشوفي كفاه ربي يفرج عليك أقطعي كامل هذوك العلقات المشبوهة ودوري لربي وربي والله مايخليك هو اللي قال "من يتق لله يجعل له مخرجا" ومتنسايس الإلتزام بالإستغفار،وهدري مع مميمتك واحكيلهاوطمني قلبها وربي يفتح لك بيبان الخير إن شاء الله.

[طيور الجنان]

اختي ربي يفرج عليك الظاهر ان فيك بذرة طيبة ان شاء الله ربي يكون معاك الصلاة ثم الصلاة نوضي في جوف الليل ادعي ربي سبحانو يرزقك الزوج الصالح استغفريه في كل وقت اطلبي من امك الكريمة تدعيلك.
اختي نقولك طريقة ممكن تجيك متخلفة لكن ممكن تفيدك تخلي عن الهاتف نحيه هكذا مايعيطلك حتى واحد ماتضعفي و مادام راكي مع امك لافامي تاعك تقدري تحكي معاهم ان شاء الله ترجعي للطريق اااامين

[nourab]

مادام في قلبك درة من الايمان وانت نادمة على ما فات بادن الله ستصلح امورك فقط العزيمة والارادة.

[@ابني حياتي@]

سلام
انصحك يا اختي العزيزة بالاول شيء هو الصلاة في وقتها و اكثار الدعاء لله بان يهديك و يثبتك على دينك و قراءة القران و توبي توبة نصوح كل هذا سيبعدك عن الحرام و يبعد عنك الشيطان لانه هو من يلعب بعقولنا و يقودنا الى المحرمات
يااااارب اني أسالك ان تهديها و تهدي أمة محمد الى الطريق الصحيح

[zakia ak]

اختي اقول لك ومن يتق الله يجعل له مخرجا ويرزقه من حيث لايحتسب والزواج رزق فاسالي الرزاق اوستغفريه باليل والنهار وعليك بالدعاء لان الله

يسمع ويرى واصبري ان مع العسر يسرا

[krimo19918]

الصلاة ثم الصلاة ثم الصلاة حافظي عليها خاصة قيام الليل و الفجر

[minina2601]

السلام عليكم
ربي يهدينا
اكثري من الاستغفار بصدق

[خالد عنابي2]

هراء مركز

لكان حابة تتوبي ماناش وسطاء بينك وبين الله سبحانه وتعالى

لكان حابة تدخلي في علاقات وتغامري حاجتك

لكن لي مافهمتوش وعلاه جاية تفضحي روحك هنا وتزيدي تفضحي روحك بلي فضحتي روحك لعند امك ههه

يعني كش شغل راكي شاتية هاذو العلاقات وحابة تتخلصي من تانيب الضمير فقط ( تع راني حاولت نتوب بالصح الله غالب )

بالتوفيق ......