خبر يفرح .. التمويل من دون ربا

[bilel0522]

شكرا على الموضوع الناس ماتفهمش و تنتقد في مواضيع الغير ألا تفرقون بين الحرام و الحلال أين الحرام و الدولة تطلب منك فقط نسبة مساهمتك لا حول و لا قوة إلا بالله هناك أمور أخرى يجب عليكم تحريمها و تتجاهلونها كالسجائر مثلا.....

[kader19]

شكرا جزيلا للأخ العضو HMZSoft على هذا الخبر المفرح حقيقة إن التزمت الدولة بتطبيقه وإن كان ذلك سأكون من الأوائل الذين يقومون بتجسيد المشروع.
ويبدو أن العديد من الإخوة لم يفهموا القصد فقط الإندفاع في الردود دون امتلاك أدنى المعلومات وسأقوم بتوضيح الأمر حتى تعم الفائدة.
حسب القانون المتداول حاليا هناك نوعين من القروض:
قرض ثلاثي: المساهمة الشخصية لصاحب المشروع (5%) + قرض بدون فائدة مقدم من الوكالة (25%)+ قرض بفائدة مقدم من البنك (70%) مع وجود بعض الحالات الخاصة حسب القطاعات والمناطق.
قرض ثنائي: المساهمة الشخصية لصاحب المشروع (75%) + قرض بدون فائدة من الوكالة (25%).
الملاحظ على هذا القانون أن الشاب إذا أراد التمويل بدون فائدة أي حسب النوع الثاني (قرض ثنائي) فإنه لابد أن يمتلك نسبة المساهمة الشخصية والمقدرة بـ (75%).
بمعنى إذا كان المشروع يكلف 100 مليون فيجب أن يساهم هو شخصيا بـ 75 مليون وهذا كثير جدا ما يضطره إلى الاتجاه إلى النوع الأول مع العلم أن القرض الثلاثي يشمل فوائد على القرض المقدم من البنك (ربا) أو الامتناع كلية عن طلب القرض.
أما حسب الخبر هذا فإن التمويل يكون حسب الشكل التالي:
المساهمة الشخصية لصاحب المشروع (1%) + قرض بدون فائدة (99%) مقسمة مابين الوكالة والبنك.
إذا كان المشروع يكلف 100 مليون فإن:
المساهمة الشخصية 1% (مليون) + قرض بدون فائدة (99 مليون)
وفي هذه الحالة أنت ترد القرض فقط بدون فائدة أي 99 مليون . فأين الربا التي تتحدثون عنها

[brotherhood]

اصلا جريدة النهار راهي مصدر غير رسمي تماما ...

[abdelkader 02]

1% ياخاوتي هي المساهمة تاعك
مثال للتوضيح
مشروع يحناج 100 مليون سنتيم
انت تاتي بــــ 10 مليون سنتيم والدولة تمنحلك الباقي 90 مليون سنتيم
وبعد مدة عادة تكون خمس سنوات تعيد للدولة 90 مليون سنتيم تاعها
وهكذا تكون الفائدة بالنسبة للبنك 00 %

شمون لي مافهمش راني هنا نعاودلو ونفهمو ...

[البازي الأشهب]

لكن السؤال المحير لماذا تطلب منك الدولة 1 مليون مقابل 99 .
لماذا لا تعيرك ال 100 كاملة.
في حالة 25 "% أو 75 % مشاركة من صاحب المشروع معقول لكن 1 % أظن أنها شبيهة ب 1% النسبة الربوية المفروضة غلى القروض العقارية .
حكومة ماراحش تفهم شعبها.

[شذا الربيع]

بارك الله فيك أخي الفاضل على المعلومة القيمة وإن شاء الله تكون صح حتى تعم الفائدة
فقط أطلب من أخواننا الأعضاء التريث قليلا قبل الرد والتهكم حتى لو اظطروا إلى إعادة قراءة الموضوع وردود الأعضاء الآخرين فالأمر جد واضح من قبل كانت المشاريع تمول بفائدة والآن ألغيت الفائدة و واحد بالمئة مساهمة شخصية في إنجاز المشروع
ربي يوفق الجميع لما يحب ويرضى

[ripo25]

المصدر هو جريدة النهار تع اليوم

[hamoudi23]

هدا خبر صحيح
اليوم اخبرني احد الاصدقاء يعمل في لانساج بهدا الخبر
والذي لم يفهم ان الربي انتهى في منح القروض ينتظر نشرة اخبار اليوم وانشاء الله يعلن فيها كل شئ

[mohamed888]

dيا خاوتي 1بالمئة مش ربا
انا عندي مشروع ولازم نلقى لي يعاوني باه نديرو
نروح للونساج وكي يقبلوه يقيمو المشروع تاعك
مثلا المشروع قيمته 300 مليون راهم ما يمدولكش 300 مليون بالتمام
لونساج مثلا ساهمت في 25 بالمئة من المشروع وكانت هذه النسبة 75 مليون
راك تعيد للونساج 75 مليون في مدة زمنية مثلا 5 سنوات من دون فائد
وانت لازم تشارك معاهم في المشروع بنسبة معينة 5 بالمئة يعني 15 مليون
والبنك يساعدك مثلا في 70 بالمئة لكن لازم كي يسلفلك ترجعلو مثلما اعطاك مع الفائدة
وهنا المشكل الكل متخوف من الفائدة وفي هذا الموضوع راهو قالك نحاو الفائدة
يعني هذا خبر يفرح ولا تحوسو الدولة تساعدكم في كلش وهي طلبت منكم مجرد 1 في المئة مشاركة في المشروع
الذي ستعود كل الفائدة لك في النهاية
ومرسي خويا على الخبر وان شاء الله يكون صحيح

[لطفي لطفي]

ما نصدقش النهار
بربي غدا رايح نروح نسقسي

[mohamed888]

مليح يا اخ لطفي
ماذا بيك تسقسي مليح وردلنا لخبر
وقلهم يشرحولك مليح واشرحلنا

[لطفي لطفي]

ما نصدقش النهار
بربي غدا رايح نروح نسقسي

[futur officier]

المشاركة الأصلية كتبت بواسطة لطفي لطفي

عمري ما شفت تقديم قروض بهذه الطريقة
المهم انت هزيت 99مليون رايح ترجع 100 مليون (99 + المليون لي مديتو لي تسموه انتم مساهمة لي هو في الحقيقة فائدة)

يا ربي سيدي تقول جامي قريتو 1 بالمئة موش ربا يا اخي رانا نقولو مساهمة نتاع المستفيد في المشروع
موش ربا
كانت في السابق المستفيد يساهم ب 10 او 5 بالمئة و بفائدة سنوية من 1 الى 2.5 بالمئة الفوائد ادن الغيت واصبحت تتكفل بها الدولة لا المستفيد
بمعنى المستفيد يخلص القرض و فقط

[!?زين الدين?!]

المشاركة الأصلية كتبت بواسطة bankes

كيما أنا حبيت ندير cyber café
قالولي لازمك agrement
وين يديرو هاذ l'agrément ؟؟؟؟؟

يديروها فالولاية راح يهبلوك عليها أنا تاني كنت حاب ندير بصح كيتشوف واش طالبين أوراق راح تهبل على كل حال الله يسهل أخي

[!?زين الدين?!]

المشاركة الأصلية كتبت بواسطة البازي الأشهب

لكن السؤال المحير لماذا تطلب منك الدولة 1 مليون مقابل 99 .
لماذا لا تعيرك ال 100 كاملة.
في حالة 25 "% أو 75 % مشاركة من صاحب المشروع معقول لكن 1% أظن أنها شبيهة ب 1% النسبة الربوية المفروضة غلى القروض العقارية .
حكومة ماراحش تفهم شعبها.

يا عباد الله 1% هي المساهمة الشخصية أما الفائدة كانت في السابق 3% والان تم الغاء الفائدة لأن الخزينة العمومية ستتكفل بدفع الفائدة للبنوك
المساهمة الشخصية وهي نسبة مساهمة الشخص في المشروع والله راني حاير كيفاش ناس قاريين مقدروش يفرقو بين المساهمة الشخصية والفائدة