مقرقشات

نبوغ · 2012-04-15, 15:06

السلام عليكم يا أخواتي الفضليات
اليوم درت مقرقشات

ممكن كاين إختلاف في التسمية و طريقة التحضير
المقادير:

3بيضات+كيلةنشاء(كاس كما مبين في الصورة)+3كيلات فرينة+2مغارف كبار زبدة ذايبة+3مغارف صغار سكر +حليب(حتى تصبح العجينة مثل نتاع الغرايف أو كراب)
و المثال طبعا

طريقة التحضير:
تضربي أولا بيض و زيديلو زبدة وسكر ثم تضيفي النشاء وتضيفي الحليب بالشوية ثم الفرينة بشوية حتى تتحصلي على عجينة ماشي خاثرة ولا مايهة كيما نتاع الغرايف
ثم نهيوا طبعا مقلاة زيت نسخنوها سع
نغمس المثال ونحطو في الزيت ( نهزو ونرجع المثال لكي تنتزع بسهولة في المقلة)
كي يطيب طبعا بتعسل
شهية طيبة ولي تعرف طريقة أسهل تحطهالنا وبارك الله فيكم

زخة مطر · 2012-04-15, 15:09

امممممممممم
جاتك هايلة
يعطيك الصحة

ام نظال · 2012-04-15, 15:15

مقرقشات رائعة بارك الله فيك رانى عندى نفس القالب جربت مرة يلصقو نتمنا تفهمنى فى الطريقة مليح شكرا لك مسبقا

نبوغ · 2012-04-15, 15:26

شكرا لكم مروركم أفرحني
أخت أم نضال أنا ثاني كانت تلصقلي
نتي سخني المثال شوي في الزيت المقلة طبعا تكون على النار متسخنيهاش ياسر ممبعد أغمسيها في مزيج لي تحسلنا عليه لكن بحيث ماتخرجش العجينة على الفراغ لي كاين في الوردة وتحطيها في الزيت الساخن كما قلت سابقا هزي ورجعي المثال بسرعة لكي تنتزع بسهولة إن شاء الله تتوفقي هذه المرة

my lamis · 2012-04-15, 15:31

يطيك الصحة و بالصحة على قلبكم
هذي ختي ديرها بصح أنا مزال مجربتها خايفة يسرالي كيما الأخت
تلسقلي و نبطل من خدمتها و هي تعجبني بزاف و تجي بنينة و خفيفة
نشالله نجربها

نبوغ · 2012-04-15, 15:35

أختي أم نضال ممكن تحطينا المقادير نتاعك ممكن تكون إقتصادية وشكرا

الصوامعية · 2012-04-15, 15:57

يعطيك الصحة أختي خرجولك شابين
عندي يومين ملي درتو طريقتي هي حبة بيض+قرصة ملح+ مغرف سكر + كاس حليب +فاني + كاس ونصف فرينة هذي المقادير الصغيرة خرجتلي 48 حبة

نبوغ · 2012-04-15, 16:03

شكرا أختي صوامعية مقاديرك هايلة وحط قل أنا هذة المقادير تحطلي تقريبا أكثر من 100 للأني لم أعدها

*ام رامي* · 2012-04-15, 16:15

اممممممممممممممم هايلة يعطيك الصحة
انا جربتها ولصقت قعدت ساعة وانا نحي فيها وبعدها انفصل الحديد عن الوردة يعني اتكسر رميته
ويا لها من تجربة فاشلة

faizarbh · 2012-04-15, 16:30

الله يبارك عليك نبوغ لكن قوليلي ما تشربش الزيت ؟

linat · 2012-04-15, 16:50

بارك الله فيك

نيفرتيتي. · 2012-04-15, 17:12

اختي المقرقشات حنا عندنا حاجة اخرى هذه ديرها اختي بخليط السفنج مشي السفنج المعروف في بعض المناطق اي الخليط يجي كيما تاع الغرايف زي اللي درتيه اللي يقولولو السفنج حنا نقولولو الفطاير

نبوغ · 2012-04-15, 17:43

شكـــــرا لــــــكم جميعا مروركم فرحني
أخت فايزة هي تشرب الزيت يعني تدي الزيت

بشرى2008 · 2012-04-15, 18:29

يعطيك الصحة

هندة السوفية · 2012-05-01, 18:27

عندي المول لكن كنت نخلط من راسي اوكانت اتجي هايلة
ومن بعد قلت انحوس على الطريقة الصحيحة من النت كل مرةانجيب وحدة ونجربها تخرب
تو تو انروح انجرب هذي وان شاء الله تصلح
مشكورة