محتاجة باترون سروال لراجلي en lin - الصفحة 2

موجو جوجو · 2014-05-26, 14:19

لازم ديك العفسة تاع الحزام و البوشات خاطيه
راني لقيت minute facile فاليوتوب كيفاش تركب الجيب و الحزام راني نقلب تان

راني نستنى دودا من الصباح تلات مرات و انا نشدلو فالقيس المرة هادي سور يستسلم و يقولي بالسماح السروال مانسحقوش ههههههههههههه

douda21 · 2014-05-26, 14:20

لانجاز سروال كلاسيكي يكون العمل داخل مستطيل عرضه ربع الارداف +3سم اما الطول فهوا طول السروال من منحي الخصر الي كعبة الرجل
لوضع المقايس :
-نضع ربع الخصر ننزل بعمق السروال الدي يؤخد من نقطة الخصر اتناء وضعية الجلوس الي مكان التقاء الكرسي و الجسم، نرسم منحي العمق و عليه نضع ربع الاوراك ثم نضع طول الركبة الدي يؤخد من الخصر الي الركبة
نأتي الي نقطة الارداف و نضع نقطة جديدة تبعد عن هدي النقطة بقيمة الاوراك علي 20سم و لتكن هته النقطة هـ هـَ للربط بين النقاط بعد حصولنا علي مستطيل ا،ب،ج،د،، ا،ب بداية السروال، جد نهاية السروال، نصل بين النقطة ا و هـَبخط منحني و نصل بين النقطة هـَ و خط الركبة بخط مائل نأتي الي النقطة ب و ندخل ب 2سم نصل النقطة ب بالنقطة م التي تكون علي نفس منحي ب شاقوليا و منحي العمق افقيا بخط منحني ، نصل نقطة الركبة بنقطة نهاية السروال بخط مائل
بالنسبة لل fermiture تخصص لها قيمة حسب نوع السروال و مقام الشخص. و كدلك مكان وضعها و تقون قيمتها 20سم
الفرق بين الجهة الامامية و الجهة الخلفية للسروال هي قيمة القطعة المستقيمة هـ هـَ
كدلك الجهة الخلفية اعلي من الجهة الامامية ناحية البطن في الظهر ب 3سم
بالنسبة للحزام ، كلما كان الشخص سمين كلما كان الحزام عريض، كدالك الحزام يكون علي اثنين و مبطن ب ttoile collante
و عرض الحزام متحكم في عمق السروال بحيث يجب ان نقرر عرض الحزام قبل ان نحدز عمق السروال في البترون

douda21 · 2014-05-26, 14:23

و هوليك الرسم موضح لواش كتبتلك في المرفقات

موجو جوجو · 2014-05-26, 14:24

شكرا الاخت دودا و لكن يا حبذا تعطيلي رسم توضيحي للنقاط

douda21 · 2014-05-26, 14:26

اني حطيتهولك في المرفقات و ادا مش واضح نزيد نوضحولك اكثر

douda21 · 2014-05-26, 14:36

هدا رسم توضيحي اخر

موجو جوجو · 2014-05-26, 14:37

صحيتي ماشفتوش حتى للدك
واضح
و الحزام و الجيب قريتوه؟

موجو جوجو · 2014-05-26, 14:40

نزيد نسمط
السنسلة

موجو جوجو · 2014-05-26, 14:58

الرسم الثاني اوضح
مشكورة اختي دودا

douda21 · 2014-05-26, 14:58

ايه حبيبتي دوك نحطلك بالنسبة للحزام اني كتبتلك و بالنسبة للجيب ادا كيما الموديل تاعك هداك بسيط جدا نرسمو الشكل الي دوك نحطهولك في المرفقات و تكفيه برك كفة صغيرة تع 0,5سم برك و تخيطيه فوق السروال فوق الجهة الامامية في الجهتين اليمني و اليسري و تخيطي و نتي درتي جيب باهاي
شوف دوك نرسمهولك و بالنسبة للفرميتور اكلاغ تزيدي حقها في الجهة الي راحة ديريها فيها اليمني و الا اليسري و تخلي مقدارها يعني 5سم مثلا و من بعد تطوه علي اتنين و تكون طولها 20سم كاقصي حد بعد تفصيل و عمل السرفلة و لي بانس ادا كانو كاينين اول حاجة نديروها نركبو السنسلة نركبو في جهة القسم الاول و في الجهة الي اضفنالها القطعة المستطيلة الجزئ التاني باش هديك القطعة المستقيمة تغطي السنسلة و متبانش

موجو جوجو · 2014-05-26, 15:06

دك نشوف في سراولو منين جاية السنسلة باسك تتلفلي
نزيدلها في جيهة برك 5 سم و الجيهة الاخرى كيفاه نزيدلها ولا نركبلها مورسو اخر من تحتها

stayfiya · 2014-05-26, 15:10

الله يبارك الله يبارك واش نشتي كي نلقاكم متعاونين موجو هاذا السروال رايلبسو برا!! لاه ماتحطيش واحد من سراولو تخدمي عليه لفصاله و زيدي في العرض برك

موجو جوجو · 2014-05-26, 15:29

اقتباس:

المشاركة الأصلية كتبت بواسطة stayfiya

الله يبارك الله يبارك واش نشتي كي نلقاكم متعاونين موجو هاذا السروال رايلبسو برا!! لاه ماتحطيش واحد من سراولو تخدمي عليه لفصاله و زيدي في العرض برك

مرحبا بيك انت تان
و مرحبا بالرد تاعك
اختي سطايفية شفتي علاه ماحبيتش ندير كوبي كولي على سراولو باه نتعلم القاعدة الاساسية تاع السراول
يعني الحق الاخوات الكل ماقصروش معايا

الجيب خلاص فهمتو

مزال الحزام،
و السنسلة راني بديت نفهم فيها

OM AYA · 2014-05-26, 15:43

مليح انا مازال ما فهمتش ما نحبش نكسر راسي حتى نتزير هههه

نستعرف بيك موجو و اخدمية مليح باه يزوخ بيك راجلك باين راه فرحان بيك برك يبينش

douda21 · 2014-05-26, 15:50

شوفي هو رسم توضيحي للفرميتير كيفاه تتركب