حماتي تغيضني ما الحل اصبحت لا اطيقها - الصفحة 3 - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى الأسرة و المجتمع > منتدى المجتمع > قسم المشاكل الاجتماعية وحلولها

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

حماتي تغيضني ما الحل اصبحت لا اطيقها

موضوع مغلق
 
أدوات الموضوع انواع عرض الموضوع
قديم 2010-09-27, 23:42   رقم المشاركة : 31
معلومات العضو
طيب القلب
عضو مميّز
 
الصورة الرمزية طيب القلب
 

 

 
إحصائية العضو










Hot News1 الله المستعان

صدقيني من قبل كنت حاس بيك عندك حاجة محيراتك وماكش متهنية ب الكامل مايحس ب الجمرة إلا الي كواتو كنتي من أكثر الأعضاء تأثرا بمأساتيب النسبة لمشكلتي مازالت كيما تعرفيني أنا ماعندي واش ندير معنديش لكتاف و الناس يحبو غير مصالحهم و العرضات و الدخات و الخرجات ياك تعرفي حال الدنيا و الله ماقدرت وحدي راني انتضر ردك









 


قديم 2010-09-28, 08:23   رقم المشاركة : 32
معلومات العضو
dr.sirine
عضو فعّال
 
الصورة الرمزية dr.sirine
 

 

 
إحصائية العضو










افتراضي

كبري عقلك برك وادعيلها ربي يهديها










قديم 2010-09-28, 09:15   رقم المشاركة : 33
معلومات العضو
samasima
عضو محترف
 
الصورة الرمزية samasima
 

 

 
إحصائية العضو










افتراضي

ربي يهديها بصح أختي راكي غالطة كيفاش زوجك ما يعلمش بواش يصير قوليلوا بطريقة غير مباشرة
لوكان تقولوا لاقدر الله حاجة مش مليحة عليك واش يصير يصدقها لاخاطر راكي ساكتة على حقك
جتى أنت قوليلها يا يما راكي جرحتيني غاضتني هدي الهدرة أزعفي شويا ماشي تعاديها
شفتي يا اختي الوقت اللي رانا فيه كان عاملت الناس مليح يهينوك وإذا عاملتهم بقباحة يحبوك
ما فهمت والو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟كلشي معكوس
إذا هيا تقول أشياء ملفقة عليك حرام عليها والله غير زدت خفت مكان لاه نتزوج










قديم 2010-09-28, 14:08   رقم المشاركة : 34
معلومات العضو
مجنونة بخيالي
عضو مميّز
 
الصورة الرمزية مجنونة بخيالي
 

 

 
إحصائية العضو










افتراضي

اقتباس:
المشاركة الأصلية كتبت بواسطة رويني مشاهدة المشاركة
صدقيني من قبل كنت حاس بيك عندك حاجة محيراتك وماكش متهنية ب الكامل مايحس ب الجمرة إلا الي كواتو كنتي من أكثر الأعضاء تأثرا بمأساتيب النسبة لمشكلتي مازالت كيما تعرفيني أنا ماعندي واش ندير معنديش لكتاف و الناس يحبو غير مصالحهم و العرضات و الدخات و الخرجات ياك تعرفي حال الدنيا و الله ماقدرت وحدي راني انتضر ردك
ولازالت متاثرة بحكايتك
وكيما قلت مايحس بالجمرة غير اللي كواتو
ربي يعاونك وكل ربي عليهم وربي راح يكون مع مول النية









قديم 2010-09-28, 14:18   رقم المشاركة : 35
معلومات العضو
مجنونة بخيالي
عضو مميّز
 
الصورة الرمزية مجنونة بخيالي
 

 

 
إحصائية العضو










افتراضي

اقتباس:
المشاركة الأصلية كتبت بواسطة dr.sirine مشاهدة المشاركة
كبري عقلك برك وادعيلها ربي يهديها
ربي يهديها
شكرا على المرور









قديم 2010-09-28, 14:29   رقم المشاركة : 36
معلومات العضو
مجنونة بخيالي
عضو مميّز
 
الصورة الرمزية مجنونة بخيالي
 

 

 
إحصائية العضو










افتراضي

اقتباس:
المشاركة الأصلية كتبت بواسطة samasima مشاهدة المشاركة
ربي يهديها بصح أختي راكي غالطة كيفاش زوجك ما يعلمش بواش يصير قوليلوا بطريقة غير مباشرة
لوكان تقولوا لاقدر الله حاجة مش مليحة عليك واش يصير يصدقها لاخاطر راكي ساكتة على حقك
جتى أنت قوليلها يا يما راكي جرحتيني غاضتني هدي الهدرة أزعفي شويا ماشي تعاديها
شفتي يا اختي الوقت اللي رانا فيه كان عاملت الناس مليح يهينوك وإذا عاملتهم بقباحة يحبوك
ما فهمت والو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟كلشي معكوس
إذا هيا تقول أشياء ملفقة عليك حرام عليها والله غير زدت خفت مكان لاه نتزوج
مافهمتش يا اختي نقولو ولا نخبي عليه
كعاد مازلنا متزوجين جدد خايفة يصدق امو ولتم نقتل روحي
متخافيش حنونة ماشي العجايز كامل هكا
قبل ماتزوجي اشرطي الدار باش تبعدي على عجوزتك
ويكون القدر بيناتكم
شكرا على المرور









قديم 2010-09-28, 15:47   رقم المشاركة : 37
معلومات العضو
alkhansaae
عضو مميّز
 
الصورة الرمزية alkhansaae
 

 

 
إحصائية العضو










افتراضي

السلام عليكم
سيسي واش راكي توحشتك
واش نقلك اصبري حتى يفرج عليك ربي والله تربحي اجر وتكبري في عين زوجك
وربي يعينك عليها ربي يسهلك ويفرج عليك










قديم 2010-09-28, 16:32   رقم المشاركة : 38
معلومات العضو
أبو عبد المالك2007
عضو مميّز
 
الصورة الرمزية أبو عبد المالك2007
 

 

 
إحصائية العضو










افتراضي

يا أختي نقلك حاجة بحكم التجربة إذا كانت عجوزتك كما حكيتي والله غير الأمر راه صعيب والمشكل عموما ما شي فيك لأنو أنت شرعا ماراهش واجب عليك تخدمي عليها ولكن فقط إكراما للزوج تاعك ....وعليه إذا كانت عجوزتك تقدر تخدم على روحها ولا كاين ألي راه قادر يقعد معاها غير فكري في بيت مستقل أنت وزوجك لأنو مع مرور الأيام الزوج تاعك ممكن جدا راح يطيح في العقوق لأنو رايحة تطلب منو بعض الاأوامر ألأي ما يقدرلهاش وعليه يطيح في العقوق ....ولكن إذا كتب ربي وسكنتو وحدكم عليكم بزياراتها...وبعض الهديا...شويه دريهمات...ما نقولكش....وهكذا تدو دعوة الخير......علابالي بلي الخرجة من البيت صعيبة ولكن تبقى أحسن حل......عموما البر بالوالدين ليس معناه أنك تسكن مع أمك......وأنا متأكد أنك ستتذكرين كلامي هذا يوما ما........والله يعلم الله ماوراء القصد لأني لن أستفيد من ما قلت لا من بعيد ولا من قريب..ولكن الله من وراء القصد










قديم 2010-09-28, 18:10   رقم المشاركة : 39
معلومات العضو
مجنونة بخيالي
عضو مميّز
 
الصورة الرمزية مجنونة بخيالي
 

 

 
إحصائية العضو










افتراضي

اقتباس:
المشاركة الأصلية كتبت بواسطة alkhansaae مشاهدة المشاركة
السلام عليكم
سيسي واش راكي توحشتك
واش نقلك اصبري حتى يفرج عليك ربي والله تربحي اجر وتكبري في عين زوجك
وربي يعينك عليها ربي يسهلك ويفرج عليك

انا تاني توحشتك بزاف
راني صابرة حنونة على وجه ربي وراجلي
شكرا على المرور وماتقطعيش اخبارك علينا









قديم 2010-09-28, 18:17   رقم المشاركة : 40
معلومات العضو
مجنونة بخيالي
عضو مميّز
 
الصورة الرمزية مجنونة بخيالي
 

 

 
إحصائية العضو










افتراضي

اقتباس:
المشاركة الأصلية كتبت بواسطة toufikart مشاهدة المشاركة
يا أختي نقلك حاجة بحكم التجربة إذا كانت عجوزتك كما حكيتي والله غير الأمر راه صعيب والمشكل عموما ما شي فيك لأنو أنت شرعا ماراهش واجب عليك تخدمي عليها ولكن فقط إكراما للزوج تاعك ....وعليه إذا كانت عجوزتك تقدر تخدم على روحها ولا كاين ألي راه قادر يقعد معاها غير فكري في بيت مستقل أنت وزوجك لأنو مع مرور الأيام الزوج تاعك ممكن جدا راح يطيح في العقوق لأنو رايحة تطلب منو بعض الاأوامر ألأي ما يقدرلهاش وعليه يطيح في العقوق ....ولكن إذا كتب ربي وسكنتو وحدكم عليكم بزياراتها...وبعض الهديا...شويه دريهمات...ما نقولكش....وهكذا تدو دعوة الخير......علابالي بلي الخرجة من البيت صعيبة ولكن تبقى أحسن حل......عموما البر بالوالدين ليس معناه أنك تسكن مع أمك......وأنا متأكد أنك ستتذكرين كلامي هذا يوما ما........والله يعلم الله ماوراء القصد لأني لن أستفيد من ما قلت لا من بعيد ولا من قريب..ولكن الله من وراء القصد
صعيب التعامل معاها
وكيما قلت ماشي واجب علي نخدم عليها وخاصة وهي مازالها قادرة تخدم على روحها
بصح راني ندير هكذا على وجه زوجي
والله يا اخي قبل الزواج بالعكس انا ماكنتش حابة نعيش مع راجلي وحدي وكنت باغية نعيش مع يماه
بصح بعد ماتزوجت طاح الفاس على الراس وندمت علاه ماشرطتش الدار
النهار اللول
درك المشكل في راجلي مش قادر يبعد عليها
انا نزيد نصبر واذا استمر الوضع والله مانقدر نتحمل اكثر
انا من النوع الحساس بزاف
وهدرتها والله ساعات تبكيني حتى وان كانت مزح
ياك قلتلكم بللي تتبع اساليب السخرية وتحطها كانو مزح
وانا مانقدرش نستحمل
شكرا على كلامك اخي









قديم 2010-09-28, 19:42   رقم المشاركة : 41
معلومات العضو
سِدْرَةِ الْمُنْتَهَى~
مشرفة منتدى أساتذة التعليم العالي
 
إحصائية العضو










افتراضي

السلام عليكم ورحمة الله وبركاته
يا أختي وهل تتوقعين أن تخلو الحياة من المنغصات؟
مشكلتك مع حماتك هي من الأمور الثانوية يمكنك تجاهلها وعدم إعطائها أكبر من حجمها، واعذري كبرها وتعاطفي معها وقابلي الاساءة احسان نفهموك غير بشوية فيه بعض النساء من يصبن بالغيرة حتى ولو كانت أما تبانلها بأنها هي ربت وتعبت وشقيت حتى صار ابنها رجلا والزوجة جاءت واسرقتلها ابنها أو لا أدري... هذا السبب الغالب ما يجعل الحماة تتعامل بعدوانية مع الزوجة والله أعلم .. بأسلوب آخر أختي ضعي نفسك مكانها فهل تعذريها الآن؟
المهم يا أختي أصبري وادفعي بالتي هي أحسن وتجاهلي وتناسي تجاوزاتها وأهم من ذلك حافظي على مكانتك عند زوجك ماتقوليش تعبت أنا نعملها جيدا وهي تقابل احساني اساءة لا يا أختي اصبري على حماتك وحاولي ان تكسبيها وتوددي اليها يقول الله عز وجل: " ادْفَعْ بالَّتِي هي أحسن فإذا الذِي بينَك وبينه عداوة كأنه ولِيّ حميم" طبقي ما قلت لك فبإذن الله ستنجحين في طمأنتها وستتوقف عن معاملتها السيئة لك
هذه الأمور ياك معروفة ومفروغ منها لذا سأنصحك نصيحتين:
إذا أردت أن تحافظي على استقرار بيتك وسعادته فعليك ألا تشتكي كثيرا لزوجك من حماتك ولا تضغطي عليه وخاصة اذا كانت علاقتك بزوجك جيدة بل أعينيه على برها .
شيء آخر المشاكل الداخلية حليها داخليا لا تنشريها ياك فهمتيني
أسأل الله لك التوفيق وان شاء الله ربي يفرج عليك
سلام









قديم 2010-09-28, 20:18   رقم المشاركة : 42
معلومات العضو
مجنونة بخيالي
عضو مميّز
 
الصورة الرمزية مجنونة بخيالي
 

 

 
إحصائية العضو










افتراضي

اقتباس:
المشاركة الأصلية كتبت بواسطة نسـ الاسلام ـمة مشاهدة المشاركة
السلام عليكم ورحمة الله وبركاته

يا أختي وهل تتوقعين أن تخلو الحياة من المنغصات؟
مشكلتك مع حماتك هي من الأمور الثانوية يمكنك تجاهلها وعدم إعطائها أكبر من حجمها، واعذري كبرها وتعاطفي معها وقابلي الاساءة احسان نفهموك غير بشوية فيه بعض النساء من يصبن بالغيرة حتى ولو كانت أما تبانلها بأنها هي ربت وتعبت وشقيت حتى صار ابنها رجلا والزوجة جاءت واسرقتلها ابنها أو لا أدري... هذا السبب الغالب ما يجعل الحماة تتعامل بعدوانية مع الزوجة والله أعلم .. بأسلوب آخر أختي ضعي نفسك مكانها فهل تعذريها الآن؟
المهم يا أختي أصبري وادفعي بالتي هي أحسن وتجاهلي وتناسي تجاوزاتها وأهم من ذلك حافظي على مكانتك عند زوجك ماتقوليش تعبت أنا نعملها جيدا وهي تقابل احساني اساءة لا يا أختي اصبري على حماتك وحاولي ان تكسبيها وتوددي اليها يقول الله عز وجل: " ادْفَعْ بالَّتِي هي أحسن فإذا الذِي بينَك وبينه عداوة كأنه ولِيّ حميم" طبقي ما قلت لك فبإذن الله ستنجحين في طمأنتها وستتوقف عن معاملتها السيئة لك
هذه الأمور ياك معروفة ومفروغ منها لذا سأنصحك نصيحتين:
إذا أردت أن تحافظي على استقرار بيتك وسعادته فعليك ألا تشتكي كثيرا لزوجك من حماتك ولا تضغطي عليه وخاصة اذا كانت علاقتك بزوجك جيدة بل أعينيه على برها .
شيء آخر المشاكل الداخلية حليها داخليا لا تنشريها ياك فهمتيني
أسأل الله لك التوفيق وان شاء الله ربي يفرج عليك

سلام
اولا شكرا على نصائحك القيمة
اختي انا اعاملها احسن تعامل
وبالرغم هذا تعاملني بالسخرية
وانا اكره هذه الاساليب وبالرغم من كل هذا اقول في نفسي(عجوزتي ولازم نصبر عليها)
زوجي لم اخبره ولن اخبره
اخاف ان يسيء الضن بي
كانني انا التي القي اتهامات عليها بالباطل
لانها تعاملني امامه معاملة جيدا وتبدي له انها تحبني كثيرا
شكرا مرة اخرى على كلامك









قديم 2010-09-28, 20:52   رقم المشاركة : 43
معلومات العضو
ام دعاء ومارية
عضو مبـدع
 
الصورة الرمزية ام دعاء ومارية
 

 

 
إحصائية العضو










افتراضي

والله اختي واش انقلك لازم تصبري معها

لانها كبيرة في السن والاهم انها ام زوجك

واذا كنتي تحبينه تجنبي كثرة المشاكل معها

وحاولي ان تكوني قريبة منها و تجاهليها مهما قالت

اعتبري نفسك لم تسمعي ....فقط من أجل زوجك و هذا لكي تستمر الحياة بينكما

ربي يوفقك










قديم 2010-09-28, 23:30   رقم المشاركة : 44
معلومات العضو
F6AZZEDINE
عضو مجتهـد
 
إحصائية العضو










افتراضي

السلام عليكم و رحمة الله وبركاته
الحمد لله رب العالمين و العاقبة للمتقين و لا عدوان الا على الظالمين... أما بعد
أختى الكريمة سيرينا السلام عليك و رحمة الله و بركاته و كان الله في عونك ... و عوننا جميعا..
أما بخصوص مشكلتك مع حماتك فوالله الذي لا إلاه الا هو لولا أنني متيقن من أنني لا أعرفك و أن زوجتي لا تستعمل الأنترنت إلا نادرا لقلت أنك أنت زوجتي و حماتك أمي.... هههه سبحان الله... نفس الأوصاف و كأنني أستمع لمأساتي أنا و زوجتي...
لكن مع ذلك دعيني أعطيك الجواب الكافي لمن سأل عن الدواء الشافي من هذا المرض "مرض العصر" و العياذ بالله...
فلتعلمي رحمك الله أن زوجة الإبن غير مطالبة شرعا برعاية لا أم و لا أب و لا اي فرد من ذوي زوجها ... بل هي مطالبة برعاية زوجها و أبنائه فقط... و إلا لكان لوالداك الحق أيضا في برهما و رعايتهما و أنت في بيت زوجك خصوصا إن لم يكن هناك من يقوم مقامك... لذا فالأبناء ذكورا كانوا أم إناثا هم فقط المطالبون برعاية ذوييهم...
لكن و الحال غير ذلك فلا أرى بدا من التخلص من هذا المشكل في أسرع وقت و ذلك من خلال القيام بكل ما من شأنه أن يجعل خصمك يستسلم في أقرب وقت... و كما تفعل هي .... افعلي عكس ما تتمناه مع ادعاء انك لم تفهميها جيدا... فكما قلنا آنفا إن الإنسان المناور أو المسيطر يسهل عليه النيل من ضحيته إن وقعت في فخه و هو محاولة ارضاءه... و هو بطبيعة الحال لن يرضى أبدا... لكن عندما تنقلين المعركة من حصنك إل حصنه سيختلف الأمر فيصبح هو في حالة دفاع و أنت في موقف هجوم دائم و لا تترك لخصمك الفرصة ليدبر لك المكائد بل اشغليه دائما بأموره و بنفسه .... مثال: هي متحبش الملح... ما فيها والوا اذا كانت الماكلة مالحة شوية ساعة على ساعة ... و اذا حبوا يفهموا نقولوا حسبنا بلي تهدروا بالعكس يعني الماكلة مسوس و انتم تقولوا مالحة... ههه :d
و الحديث قياس
فهمتي قصدي
سؤال أخير: ياخي معندش ذراري؟
ربي يستر
سلااااااااام










قديم 2010-09-29, 12:59   رقم المشاركة : 45
معلومات العضو
ناشدة السؤدد
عضو مميّز
 
الصورة الرمزية ناشدة السؤدد
 

 

 
إحصائية العضو










افتراضي

مهما كان هي أم زوجك

و ربما مازلت برك عروس ماوالفتيش عقليتها و هي ثاني

و يبقى الحل الوحيد الملاحة و الكلام الحلو

لأنك ان فعلت العكس رايحة هي دون تفكير تقولو و ثمة ما تقدريش تدافعي على روحك و تجبديلو واش كان يصرا لأن القديم صار بعيدا عن اللحظة.

ربي يصبرك










موضوع مغلق

الكلمات الدلالية (Tags)
الحل, اصبحت, اطيقها, تغيضني, حماتي

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 23:52

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc