أصابع الروز لذيذة

omo marwane · 2016-01-17, 10:40

السلام عليكم و رحمة الله و بركاته
اليوم حبيت نوريلكم طريقتي في صنع هذا الطبق اللذيذ بشهادة كل من أكله عندي حتى وين منعرض كاش واحد يقولولي ديرينا أصابع الروز
و قبل مانبدي حبيت نتأسف منكم لأنني لا أستطيع ادراج صور لأنني ماعرفتش نحملهم من الايباد و الميكرو رآه خاسر
بِسْم الله المقادير :أرز من الاحسن ماشي مفور
قطع دجاج واش عندك لكن لازم شوية من الصدر ضروري
كمشة حمص فرماج شابلير
اول حاجة ديري الأرز يطيب و ملحيه ممكن تضيفيلو زعفران اختياري و لكن طيبيه مليح حتى يتعجن لهذا قلتلكم من الاحسن لماشي مفور كي نشوفو تُعجن نحيه وتخليه يقطر من الماء مليح باه ميطرطقش كي نقلوه
نحضرو صوص بيضة و لكن تبعوني مليح هذا هو السر باه تجيك مليحة نحطو قطع الدجاج مع شويه زيت و زبدة او سمن نزيد الملح الفلفل الأسود كركم او زعفران شوية فلفل احمر (يعطي لون مليح )راس الحنوت شويه برك و نقليهم مليح مليح مليح حتى يحمرالدجاج نقطع بصلة الى مربعات صغيرة و نضيفها و نزيد نقلي حتى تذوب تماما و نضيف القليل من الطماطم نرحيها نصف حبة صغيرة فقط ممكن تستغناي عليها لكن تبنن الصوص و نقلي مليح انا احيانا نقلي الصوص هذا 45د باش في الأخير نتحصلوا على صوص لذيذةماشي مرقة المهم كي تشوفي المكونات تقلاو مليح مرقي بماء سخون و هذي نصيحة دائماً مرقي اللحم او الدجاج بماء سخون و ديري الحمص و خليه يطيب اذا جاتك خفيفة شربيها
كي يطيب الدجاج نحي الصدر فتبه و ضيفيلو الأرز و الفرماج المعدنوس مقطع رقيق و البيض و كل ماكثرتي الفرماج يجي بنين انا ندري الشاف خاصة نتاع الزيتون ذوقها رائع و البيض ديري بالحبة حتى يولي الخليط شوية جاري و مباشرة قبل ماينشف البيض رمديهم في الخبز المرحي (شابلير)وشكليهم أصابع و قليهم في زيت سخون على نار قاوية باه يجو مقرمشين و لازم طيبيهم مليح مي ماشي تشيطيهمالمهم يجي لونهم احمر ماشي اصفر
اذا درتي طراف نتاع الجاج قليهم في الزيت انا ندهنهم بالموطارد و ندخلهم للفرن و نشعل من الفوق باش يتحمرو
ديري الاصابع في المرقة ياخذو غلية فقط
في الصحن حطي الجاج و الحمص و الاصابع و شوية مرقو زيني بالمعدنوس و القارص و البيض المغلي و المايونيز
ملاحظة 1:ممكن تخلي الاصابع ناشفين بلا ما ديريهم في الصوص يجو كمقبلة رائعة مع الميونيز انا شوية نديرو في الصوص و شويه نخليه
ملاحظة 2:باه تجيك الوصفة مليحة لازم تقلي الجاج و حدو مليح و من بعد تقلي البصلة مليح باش تجيك صوص خاثرة و يبقاو الاصابع مقرمشين و لازم الاصابع يطيبو في الزيت على نار قاوية و لازم ياخذو لون
بالنسبة للحمص انا نشمخو و نطيبو في لاكوكوت و نديرو في المجمد و في اطباقي نزيدو في الاخير يغلي مع الطبق شوية برك يجي بنين هذي النصيحة نتاع ام اماني ربي يحفظها
صدقونى هذه الوصفة رائعة تصلح مقبلة و تصلح طبق رئيسي اذا كثرتي الجاج و تنفع للضياف و طبق مناسب جدا في رمضان
دعوة خير لي و لزوج و لأولادي بان نكون من أهل الجنة تكفيني و لكن بالمثل
في أمان الله

fareh 45 · 2016-01-17, 10:54

¨¨جزاك الله خيرا و جمعك بزجك و اولادك في الجنة

omo marwane · 2016-01-17, 10:58

اقتباس:

المشاركة الأصلية كتبت بواسطة fareh 45

¨¨جزاك الله خيرا و جمعك بزجك و اولادك في الجنة

أمين شكرًا اختي على المرور العطر نورتي

طالبة النجاحْ~ · 2016-01-17, 13:46

شكرااااا علي الوصفة

اسيل الشمس · 2016-01-17, 13:49

وصفة سهلة وجميلة الله يعطيك الصحة ويجعلها في ميزان حسناتك

sararawa · 2016-01-17, 14:09

يعطيك الصحة

ام هدول · 2016-01-17, 14:13

يعطيك الصحة على الوصفة ربي يجازيك خير في الدنيا والاخرة

@ابني حياتي@ · 2016-01-17, 14:22

يعطيك الصحة اختي على الوصفة انا تاني نديرها تجي بنينة بزاااااف امممممم سخفتيني

conductrice · 2016-01-17, 14:39

يعطيك الصحة حبيبتي على الوصفة

fatisousou · 2016-01-17, 14:47

بارك الله فيك اكيد بنينة وراح انجربها انشاء الله ربي جازيك انت وعائلتك في الدنيا والاخرة انشاء الله شكرا لك

omo marwane · 2016-01-17, 20:44

اقتباس:

المشاركة الأصلية كتبت بواسطة fatisousou

بارك الله فيك اكيد بنينة وراح انجربها انشاء الله ربي جازيك انت وعائلتك في الدنيا والاخرة انشاء الله شكرا لك

ان شاء الله تجربيها وتدعيلي

omo marwane · 2016-01-17, 20:46

شكرًا لمروركن العطر

اسمهان79 · 2016-01-17, 23:56

راااااااااااائعة قريتها بتمعن
ربي يحفظك حبيبتي ويعطيك واش تتمناي
واحلى تقيييييييييم

omo marwane · 2016-01-18, 19:44

اقتباس:

المشاركة الأصلية كتبت بواسطة اسمهان79

راااااااااااائعة قريتها بتمعن
ربي يحفظك حبيبتي ويعطيك واش تتمناي
واحلى تقيييييييييم

تواضع كبير منك انك تدخل الموضوع نتاعي و تواضع اكبر انك تكتبي تعليق واش يجي موضوع امام الموضوعات و الوصفات الرائعة نتاعك ايه كيما قال الشاعر ملا السنابل ينحني تواضعا المهم ربي يعلي مقدارك اكثر و اكثر و يعطيك متتمناي أمين
و بالمناسبة حبييت نسقسيك راني جربت قاطو النمرة ولكن كي كنت نخدم فيه جاني مزيت بزاف لدرجة إنّو الزيت كانت تقطر من يدي وكي طيبتو فسدلي الشكل نتاعو وجاني يابس ماعرفتش علاه في الحقيقة انا خلطت البيض مع السكر وزدت الزيت و انت في الوصفة خلطتي السكر مع الزيت و زدت البيض هل يمكن يكون هذا هو الخطا لدرتو ؟شكرًا مرة اخرى

omo marwane · 2016-01-18, 19:46

اقتباس:

المشاركة الأصلية كتبت بواسطة lotus flowerl

جزاك الله خيرا على الوصفة الرااااائعة

و ربي يحفظلك وليداتك

امين شكرًا لمرورك العطر شرفتيني