خلونا نتعرفوا على عادات 48 ولاية جزائرية في العيد شاركونا فرحتكم

[الصمت لغتي]

موضوع رآئع و جميـــل الأخت أم فآطمـــة


حنآ في ولاية الأغواط لازم و ضروري قدآم 9 المطلــــوع طآيب و نخبوه للغدآء وآحد مآ يدور بيه ههههه

~ طبعآ الصبآح مع الفجــــر لازم المسمن وآجد مع قآطـــو خفيف ف العيد الكبير مآ نكثروش القآطو نخرجو سنيوة قهوة للرجآلة كي يخرجـــو من الجآمع مبعد نذبحو عآدي و أنآ نقعد نخزر خخخخ أهم شي يخرجـــو الدوآرة و الكبدة نطلعــــو للسطــــح نوجدو الشوآية و شهيــــة طيبية لينآ
~ و العشيــــة وآش نحكيلك على الديكوتآج لي يجي مور العصر ههههه نقطعو الفريسة أكيد و ربع منهآ نآخذوه لبيت جدي و نفطرو عندهم كسكس مع اللحم

صآحآ عيدكم حبيبآتي

[حياة نور الدين]

بمناسبة اقتراب عيد الاضحى بثبت الموضوع للافادة

[أم فاطمه]

المشاركة الأصلية كتبت بواسطة الصمت لغتي

موضوع رآئع و جميـــل الأخت أم فآطمـــة


حنآ في ولاية الأغواط لازم و ضروري قدآم 9 المطلــــوع طآيب و نخبوه للغدآء وآحد مآ يدور بيه ههههه

~ طبعآ الصبآح مع الفجــــر لازم المسمن وآجد مع قآطـــو خفيف ف العيد الكبير مآ نكثروش القآطو نخرجو سنيوة قهوة للرجآلة كي يخرجـــو من الجآمع مبعد نذبحو عآدي و أنآ نقعد نخزر خخخخ أهم شي يخرجـــو الدوآرة و الكبدة نطلعــــو للسطــــح نوجدو الشوآية و شهيــــة طيبية لينآ
~ و العشيــــة وآش نحكيلك على الديكوتآج لي يجي مور العصر ههههه نقطعو الفريسة أكيد و ربع منهآ نآخذوه لبيت جدي و نفطرو عندهم كسكس مع اللحم
صآحآ عيدكم حبيبآتي

اهلا و سهلا اختي الله يعينكم على المسمن هههههههه عداتكم رائعة الله يدخل علينا عيد الاضحى بالصحة والمغفرة تحياتي

[أم فاطمه]

المشاركة الأصلية كتبت بواسطة حياة نور الدين

بمناسبة اقتراب عيد الاضحى بثبت الموضوع للافادة

شكرا ابنتي حيات على تثبيتك للموضوع ربي يجزيك

[*همسات المطر*]

ماشاء الله تبارك الله سلمت يداك

[nad1616]

ام فاطمة يعطيك الصحة كل شيء بالطبع

[أ م ساجد وسيم]

السلام عليكم
موضوع جميل...حنا في ولاية بشار مانديروش القاطو في العيد الكبير لأن كي يجيك ضيف لازم يذوق من لحم العيد نحطوله لحم مقلي مع لتاي وسنيوة تكون الله الله عليها وكاين لي يحضر شوي كعك نهار العيد صباح نديرو المسمن للقهوة ولي تقدر تعجن الخبز الفطور منبعد وراء الصلاة بطبع الدبيحة راكي عارفة نغسلو دوارة ونشوطو بوزلوف وكاين لي يدير فطوره دوارة وكاين لي يدير طعام بالكتف الأيمن وقبل لفطور ووجدوا البولفاف الكبدة مشوية على جمر مع الرداا و سنيوة لتاي هدو نحطوهم كي يكملو رجال السليخ والدبيحة وكلش يرجع نظيف منبعد نفطرو والعشية نقطعو الكبش نخلو منه جزء الصدقة والناس لي تحبي تمديلهم منه والعشاء كل واحد واش يحب يدير كاين لي يدير ضلوع في الفور او لحم مقلي وكاين لي يدير بوزلوف ونهار زاوج العيد صباح نشربو لتاي الله الله عليه مع لحم مشوي في أو مقلي وكاين لي يدير ضلوع صباح كل واحد وعادته ونزورو الأهل وبطبيعة الحال تكونوا كملنا البكبوكة وكاين لي يقلها العصبان وخبيناهم وهكدا يكون العيد ونسيت نقولك ودوقة العائلة من البولفاف نخبوه ني ماشي طايب وكي نروحو نزوروهم في العيد ندولهم حقهم نتمنى نكون عطيتك لمحة صغيرة وحقا حتى المسمن نبعتو منه لجيران صباح باش يشربو القهوة اساس العيد عدنا ندوقو الجيران وكل العائلة من الأضحية وتحاولي الرحيم بواش تقدري وبعد العيد تبدأ " الدائرة" يعني العرضة كل يوم عند واحد من أفراد العائلة نتعشو عنده ويعرض كل العائلة ...وهكدا تبقى دور بياناتها الدائرة حتى كل واحد يكون عرض العائلة تاعه..