ابي و المظاهر ...

[مشكلتي]

انا شاب عمري 27 سنة اعمل و الحمد لله عملا محترما ... عائلتي حالهم المادي ممتاز و هذا كان عائق لي بحيث اني اعجبت بفتاة و نويت خطبتها و عندما فاتحت ابي بالموضوع اول سؤال سقساني اذا باباها عندو الدراهم و اذا وضعهم المالي مليح ... و كي سمع عكس ما توقع و قتلو دارهم ميسوري الحال يعني عاديين لم يرضى و قالي غير هاذي لي متديهاش و انا والله حبيتها و عجبتني بزاف طفلة دين و اخلاق و قارية .... معرفت واش ندير .... ساعدوني و جزاكم الله خيرا ..

[nihal159]

حاول تقنّع باباك؛ ياك القوامة في يد الراجل هو لي يصرف و يقوم بدارو؛ ولا باباك حابك تتزوّج بواحدة مرفهة و هي تصرف عليك؟؟؟؟؟ سبحان الله؛ قولو رانا في زمان صعيب و إختلط الحابل بالنابل و عدنا مانعرفوش بنت الأصل تاع الصح من الخردة.
واحد كي يلقى طفلة متربية صاينة شرفها و كرامتها يحكم فيها بيديه و سنّيه .

[toulay]

السلام عليكم
كاين والدين ربي يهديهم ان شاء الله يحبوا يزوجوا اولادهم بسيف حتى لوكان مشي حابين هاذيك الطفلة
والطفلة ليحبوها يصعبوها عليهم بالرغم من انو ماطلب منهم والو غير الحلال
ربي يفرج عليك ان شاء الله
حاول تحكي مع باباك ولا قول لامك تحكي معاه بلاك يفهم
بالتوفيق

[رضاك يا ربي]

ان شاء الله تكون من نصيبك
رانا في وقت صعيب تلقا فيه امرأة متدينة
لهذا انصحك لإقناعه
وان لم يقتنع حاول ادخال طرف ثالث
بالاك يقنعوه..ربما خالك أو عمك
وان شاء الله يكون خير
السعادة لا تبنى بالمال

[kacimo.samy]

السلام عليكم
ربي يهديه نورمالمو هو يوصيك تدي وحدة يتيمة
وتتهلا فيها ؟؟ ولا وحدة مقطوعة
يا خويا خمم في روحك بويسك هذي شريكت حياتك موش لعب

و والديك ما يدوموش

خمم ودير رايك بلا ما تدي دعاوي شر وراك 27 سنة وزيد يتحكم فيك؟؟

[Meriemmarina]

الله يصبرك اخي حاول تقنع الوالد و بينلو بلي راك كبير و الزواج قرار مصيري و عشرة عمر ...ننصحك تيضا تصلي صلاة الاستخارة و وكل امرك لله ..ربي يفرجها عليك ان شاء الله تكون من نصيبك

[_اميرة الصمت_]

يا اخي ان كنت مقتنعا بها تزوجها
والله غير ماشي حق عليه باباك ... ربي يهديه

[خالد عنابي]

رضى الوالدين ليسا كحتما في مسألتك


ابوك لادخل له , راك راجل وتعرف صلاحك


قولو ماتدبرش عليا .

[رياض النمر]

الزواج نصف الدين.
وطاعة الوالدين واجبة فيما يرضي الله.
ولكن حاول مع والدك بالتي هي أحسن وأصبر حتى تحقق ما تتمناه.
وربي يهديه ويهدينا أجمعين آمين.

[misktyba]

واحد كي يلقى طفلة متربية صاينة شرفها و كرامتها يحكم فيها بيديه و سنّيه .

حاول اقناع والدك و الله يهديه .كاين بنات ماعندهمش و عينهم شبعانة و العكس .الفايدة فالبنت الي تفهمك و تفهمها و تكون دينهاو اخلاقها زينة لها وراس مالها.

[زبدة ذايبة]

حاول مع الأم.

غالبا الزوجة تعرف الطريق السريع لإقناع والدك بهذه الفتاة.

ومن جهة ثانية فكر أنه كاين احتمال ولو بنسبة بسيطة أن أهل الفتاة مايقبلوش بيك.

كاين عائلات بسيطة ومتوسطة الحال يرفضو يزوجو بناتهم للناس الأغنياء.

بسبب عدم التكافؤ المادي. والذي في غالب الأحيان يؤدي إلى الطلاق.

مانظنش الأمر يحتاج للشرح المستفيض.

لذا بلغ والدك أنه يوجد احتمال رفض أهل الفتاة بهذا الزواج.

فمن حيث يرى والدك أن الزواج صفقة تجارية، فإن أهل الفتاة يرون زواج ابنتهم هو الزواج الذي لا رجعة ولا طلاق فيه.

فشتان بين الأسرتين.

حاول مع والدك من باب التعرف على أسرة الفتاة ومن ثمة اتخاذ القرار والرأي المناسب في هذا الموضوع.

رب يوفقك ويرزقك الزوجة الصالحة.

[kader001]

سنك 27... اذن انت بالغ و عاقل ...في نظر الشرع و القانون ..اختر لحياتك بعد طول تدبر و تفكير ..صحيح المال ليس كل شيء لكنه ضروري في الحياة ..انت المسؤول على حياتك فابوك يريد ساعدتك برهن له بانك كبير تعرف تتحمل مسؤولياتك و هو سوف يتركك و شانك ..سلام

[dede2000]

أنصحك أخي دير رأي الوالد ،شوف وحدة من
مستواكم، التكافؤ مليح،حتي سمعت شيوخ في الدين يحكيو عليه
وناس بكري قالو خوذ رأي الوالدين لا مربحت تسلك على خير.

[m!sS Rose]

لابد من تدخل طرف ثالث في الموضوع

الطرف الثالث لن يكون أحسن من الأم إن كانت مقتنعة بدورها.

لابد من المحاولة مرة واثنتين و ثلاثة

فإن لم تنجح المحاولة لابد أن تنسى الفتاة و لايوجد خيار آخر
فحتى لو تزوجتها بعدم رضاه التام .. سيبقى ينظر نظرة دونية لها و ستعاني نفسيا
وإن كان لك أخ ثان .. و تزوج بأخرى من نفس مستواك المادي .. فستصير التفرقة بين الزوجتين كشربة ماء .. و ستعاني المسكينة .. شئنا ذلك أم أبينا.

ممكن بالعشرة و الأبناء يتلطف الجو قليلا .. لكن و كما يقولون .. الباب اللي يجيك منو ريح سدوا و استريح
فنحن أمام قصة زواج و حياة قادمة .. و لابد للشخص أن يفكر في الأمر و من كل النواحي خصوصا عندما يتعلق الأمر بماديات و كرامة أناس و أشياء ليس للفرد دخل فيها .. فالرزق مسطّر من رب العباد.

وفقك الله لمَ فيه الخير و الصلاح.

[intel-i7]

نسبة كبيرة من الاباء مرضى بأمراض نفسية
من المفروض معندو حتى دخل الاب لان الزوجة ستكون على اتصال بالام اكثر من الاب. لذالك انصحك بمشاورة الام