نداء الى الاخت الهام07

wahiba T · 2014-07-30, 15:37

مساء الخير الهام وصح عيدك من فضلك حبيت نطلب منك طلب ادا ممكن انك توريلي كيفاش تصغري الصور وتحفظي الوصفات كيما راكي دايرة في دفتر وصفات لاني طبعتهم كلهم لكن يوجد بعض الوصفات مدرتيهمش وانا معرفتش كيفاش وراني في مشكل لانو كل مرة الاخ ديالي يفورماتي الميكرو يروحولي كل الوصفات وشكرا ان شاء تشوفي طلبي وجاوبيني ولن شاء الله يسرلك ربي كل مافي بالك

wahiba T · 2014-08-08, 15:36

الهام ادخلي تعيشششششششيييييي

إلهام07 · 2014-08-11, 10:04

أسمحيلي مادخلتش من قبل العيد اليوم وين دخلت أصبريني شوية نكمل نجاوب الأخوات ونرجع ليك عندي بزاف أسئلة نرد عليها .............. صحة عيدك أنت ثاني

wahiba T · 2014-08-11, 11:47

شكراااااا وخودي راحتك جاوبيني وقت ماتحبي ماتنساينيش برك يعطيك الصحة

noukrach · 2014-08-11, 13:21

عيدكم مبارك سعيد

إلهام07 · 2014-08-11, 15:17

اقتباس:

المشاركة الأصلية كتبت بواسطة wahiba T

مساء الخير الهام وصح عيدك من فضلك حبيت نطلب منك طلب ادا ممكن انك توريلي كيفاش تصغري الصور وتحفظي الوصفات كيما راكي دايرة في دفتر وصفات لاني طبعتهم كلهم لكن يوجد بعض الوصفات مدرتيهمش وانا معرفتش كيفاش وراني في مشكل لانو كل مرة الاخ ديالي يفورماتي الميكرو يروحولي كل الوصفات وشكرا ان شاء تشوفي طلبي وجاوبيني ولن شاء الله يسرلك ربي كل مافي بالك

شوفي ندير تحديد يعني selectionner النص اللي حابة تهزيه كامل بالصور ثم تروحي تفتحي ملف word وتنسخيه لثمة
الصور يكونو كبار تحكمي كل صورة تضغطي عليها في الزوايا مربعات صغيرة تضغطي على هذاك المربع الصغير وانت ضاغطة في نفس الوقت تجبدي للوسط نتاع الصورة تصغار قد ماتحبيها وهكذا نفس الشيء مع كل الصور وتعدليهم وتعدلي الكتابة بالحجم اللي تحبي وتحفظيهم في الميكرو أو في فلاش ديسك واطبعيهم وأي سؤال أنا في الخدمة وإذا ماعرفتيش قوليلي برك واش وصفة تحوسي نعدلهالك

wahiba T · 2014-08-11, 17:24

يعطيك الصحة ياالهام وربي يحفظك ويعطيك ماتتمناي تعيشي اختي