السلام عليكم
وش راكم
درة هاد الكيكة الزوجي في عيد ميلاده وخرجة هايلة قلت انحط الطريقة الخياتي يسفادو منها
نحتاجو 2بيض
كاس صغير سكر
5مغارف زيت
وكاس تع لتاي حليب
و2خمارة
ولفاني او مبشور
وفرينة حسب الحاجة
نضربو البياض مع قرصة تع ملح حتى يولي تلج
ونضربو الصفار مع السكر وحدهم حتى يبياض الخليط
نضيفو الفاني ونخلطو تم الزيت ونضربو ومن بعد نديرو الفرينة والخمارة ونخلطو بي مغرف تع الوح
ومنبعد نضيفو الحليب ونخلطو العجينة حتى تولي مطلوقة كما المول نبدو نضيفو في البياض الي طلعناه
ونخلطو من الفوق للتحت وندهنو مول بي الزبدة ونرشوه بي الفرينة ونفرغو الخليط ونطيبوه في فرن ساخن
ومن بعد نخرجوه ونخلوها حتى تبرد تماما ونحلوها في الوسط ونسقوها اما بي عصير او سيرو ونحطو الكريمة في الوسط ونحطو الطبقة التانية ونطلوها بي الكريمة وتزين حسب الرغبة
الكريمة
125غ دهان ضربيها مع 200غ تع سكر قلاسي حتى تولي بيضة ضيفي كاس تع لتاي زيت بي التدريج وضربي ومن بعد ضيفي بي نفس الكاس ماء او عصير الي عندك مع لفاني بش متبقاش ريحة الدهان
وضربي بي الخلاط الكهربائى حتى تتحصلي على كريمة
وهنا من الجوانب زينتها بي الكاوكا مرحي مع خليط من لبات فيتي بعد مطاب ورحيته
وهنا من الداخل انا درة 2كيكات وقسمتهم
وهدي ليك خيرة انتي وام يسين ههههههههههههههه
وهادي درتهبي نفس المقدير لكن زينتها بي كريمة اليمون جات حامضة امممممممممممممممم تهبل
حتى عجوزتي كيجات عندي هداك النهار وحطيتهالها حسبتها مشرية قتلي اعلاش تغبني في روحك وتشري في اليتسري احنا مرناش بروية
ههههههههههههههههههههههههههههههههههه
هدا مقدرة انحمل صور
ادعولي ربي ينجحلي ولدي ويوفقه امين
( تقرير عن مشاركة سيئة )، و الموجودة أسفل كل مشاركة .
2015-12-01, 11:18
كيكا الي درتها الزوجي
السلام عليكم و رحمة الله تعالى و بركاته
العرض العادي
