المسمنات من كوزينتي

sinda · 2015-09-15, 18:54

[
درت اليوم المسمنات وحبيت نشاركم ممكن نفيدكم جيبي الدقيق الكمية لي تحبي عينك ميزانك وشوية ملح لميهم بالماء وحطيه في كيس بلاستيكي باه ما تتعبيش في العجن وخليه يتحط على الأقل نص ساعة أو أكثر ومن بعد أبداي تعجني يما نديرو المحجوبة يعني يكون العجين ماهو جاري ولا يابس تقدري تمشيه راكم تعرفوا وخليوه يتحط

ثم أبداي تلوزي ديري واحدة تكون كبيرة و4 صغار أو أكثر لكي الإختيار وهكذا حتى تكملي العجين وخليهم يتحطوا

خذي صحن حطي فيه الزيت والزبدة وأخدميهم مع بعض كالكريمة

ومن بعد أبداي تحلي فب القرصات أبداي بالصغار ديري شوية زبدة فب المائدة وحلي كالشخشوخة

ديري شوية زبدة في الوسط وأبداي طبقي حتى تتحصلي على مربع وديري فوقه شوية زبدة وحطيه بجنب وبنفس الطريقة ديري 2وحطيها فوق 1 وهكذا حتى تكملي القرصات الصغار

ثم حلي القرصة الكبيرة من الجوانب والوسط يكون خشين باه ما تتقطعطش وحطي الزبدة وحطي القرصات المربعات وأقفلي حتى تتحصلي على قرصة قلبيها وخليها تتحط شوية باه تقدري تتحليها
[IMG]https://www.up.djelfa.info/uploads/144235195984781.jpg[/IMG

وبعد ما تحليها هزيها زلوحيها في الطجين تاع الشخشوخة ما تقويش للنار باه يطيوا الطبقات لي في الداخل مليح وكي يتبدل لونه من الأبيض إلى الأصفر قلبيه وأبقاي تحركي حتى يطيب وطيبي من الجهة 2 ثاني وكوليهم بالصحة والهناء

وهذا شكلهم كي طابوا وإذا حبيتي ديريهم حلوين ديري السكر أو المعجون في القرصات الصغار وطبقي وأتبعي نفس الطريقة وعلابالي ولادكم راح يحبوهم حلوين
وغن شاء الله كنت وصلت الفكرة وفهمتوا الطريقة وأدعيو ربي يطول في عمر أمهاتنا لي رانا نتعلموا من عندهم