لحقوني يا لحراير ........هلموا..........في اقرب وقت

narifati · 2014-05-27, 19:21

والله راسي ضرني من تخمام و راني حايرة عدنا عرس في الايام جاية درنا 3 انواع وخصني واحد ساهل وبسيط واقتصادي عاونوني في اقرب وقت علبالي بلي كاين عدنا فحلات بزاف هنا فلمنتدى فساعدوني و شاركوني برايكم راني في انتظار ردودكم وخوفوا لي من فضلكم لعرس قرب ......................................جزاكم الله خيرا

أم أولادي* · 2014-05-27, 19:30

ديري ملفوف ام اماني روعة بنة وشكل

اية الرحمن1988 · 2014-05-27, 19:52

السلام عليكم
أختي كاين قاطو نتاع أم اماني مليح جربتو جا بنين وبزاف
انا درت نص باطة زبدة فلوريال يعني 150 جابتلي فوق 40 حبة
المقادير : كيلة زيت، كيلة حليب، كيلة زبدة ذايبة وباردة وتخلطي مليح وشوي ملح انا درتو وفاني إذا حبيتي وسكر رطب
الحشو درت نوادكوكو مع حلوة الترك ومعجون
ديري العجينة كريات صغار وافتحي كل كرية دائرة وديري الحشو واغلقي وشكليه على شكل هلال احسن من تفتحي بالحلال يدي الوقت ويتعبك، ودوريه على بوشون نتاع قرعة باش يجو الحبات كامل كيف كيف
كي طاب حطيتو في المعجون مخفف بالماء ورد ورمدتو في قوفريط مرحي
ساهل واقتصادي وميديش وقت بزاف

narifati · 2014-05-27, 20:08

اقتباس:

المشاركة الأصلية كتبت بواسطة اية الرحمن1988

السلام عليكم
أختي كاين قاطو نتاع أم اماني مليح جربتو جا بنين وبزاف
انا درت نص باطة زبدة فلوريال يعني 150 جابتلي فوق 40 حبة
المقادير : كيلة زيت، كيلة حليب، كيلة زبدة ذايبة وباردة وتخلطي مليح وشوي ملح انا درتو وفاني إذا حبيتي وسكر رطب
الحشو درت نوادكوكو مع حلوة الترك ومعجون
ديري العجينة كريات صغار وافتحي كل كرية دائرة وديري الحشو واغلقي وشكليه على شكل هلال احسن من تفتحي بالحلال يدي الوقت ويتعبك، ودوريه على بوشون نتاع قرعة باش يجو الحبات كامل كيف كيف
كي طاب حطيتو في المعجون مخفف بالماء ورد ورمدتو في قوفريط مرحي
ساهل واقتصادي وميديش وقت بزاف

شكرا بسح هداك راح ديرو ماما زيادة من عدنا حتى انا جربتوا من قبل جزاك الله خيرا

narifati · 2014-05-27, 20:31

اقتباس:

المشاركة الأصلية كتبت بواسطة ريان صويلح

لعرايش / لمخبـــــــز / الدزيريات / لمشوك / التشاراك هادوهوما تاع لعراااس و بالتوفييييييييييق

هههههههههههههه هدو قاع درناهم زيديني

ريان صويلح · 2014-05-27, 20:36

كريات الثلج /// مقتبس///
المقادير
1كلغ نواد كوكو تزيديلو برش 2 حبات ليمون كبار+200 غ سكر عادي وشوية فاني خلطي الكل وزيدي بيضة ثم صفار ثم بيضة ثم صفار وهكدا حتى يتلم الخليط شكلي كريات دخليها للفرن حتى تاخد اللون الدهبي من تحت وكي تبرد غلفيها بالقلاساج اللي هو عبارة عن بياض البيض اللي بقالك طلعيه مع سكر قلاسي و 2 ملاعق عصير ليمون و2 ملاعق زيت و4 ملاعق ماء زهر زيدي وشوية ملون وردي او اخضر فاتح ولا ازرق وزيدي السكر قلاصي ا بالتدريج عينك ميزانك حتى تتحصلي على خليط خاثر غلفي الحبات بيه وزينيهم بوردات من عجينة اللوز اللي هي علبة من عجينة اللوز تزيديلها نصف كاس مايزينة مفورة وملون خلطي الكل وحلي العجينة واطبعي بطابع المارغوريت المتوسط رقم 2 ورقم 1

هاد الكمية تعملك تقريبا 70 حبة متوسطة الحجم انا متعودة نعمل 1 كلغ ونصف نواد كوكو مع 350غ سكر للاعراس يعملي تقريبا 120 حبة