خبيرات المقروط

*ام فتحي* · 2015-08-04, 08:13

السلام عليكم
اخواتي راه عندي عرس باغية نخدم المقروط طلبي من اخواتي يساعدوني بخبرتهم
نحوس غلي كل المعلومات وراني نخدم وحدي شحال يشد وما يخسرش
نحوس علي عبرة تكون هشيشة وبنينة وشكراااااااااااااجزيلا مقدما

حبيبة امها · 2015-08-04, 08:44

مبروك عليك العرس اختي ممكن نساعدك لكن المقروض انواع كاين الدي الحبة تاعو تدوب في الفم مدششة بزاف او مبسس ولكن تلقايه شوية تمضغيه هدا هو الاكتر رواجا اي واحد تبحتي عنه اختاه

*ام فتحي* · 2015-08-04, 08:51

نحوس علي عبرة مليحة والمدة الليمايخسرش ونخلط بالشوي او ضربة وحدة
شكررررررررااااااااختي علي الاهتمام

حبيبة امها · 2015-08-04, 09:07

لا شكر على واجب اختي نحن كلنا نتعلم من بعظانا
هده الكيلة معتمدة من زمان لبلاط كبير خلاص استعملي علبة زبدة 500 غ كعبار
تحتاجي 7عبارات سميد وعبار زبدة دايبة وباردة من المستحسن ماني او ستار وعبار ونصف سمن تدوبيه وتحطيه بجيه حتى يبرد ويرجع يشد روحو يرجع تقريبا جامد
امزجي السميد مع التبساس ديالو بيديك هنا لازمك تحكي جيدا بين يديك وما تنسايش 2رشات ملح بين صباعتينك عندما تلاحظي انه تمزجو هنا تظيفي الماء يكون بحرارة الغرفة وضيفيلو عطر ماء الزهر وعطر ماء الورد ملعقة صغيرة من كل نوع حذاري ما تظيفيش ماء زهر تاع القرع رايح يخرج يابس
هنا وصلنا لاهم حاجة تلمي العجين بدون عجن تستعملي فقط اطراف الاصابع ادا حبيتي رايحة نحطلك رابط فيديو لقناة سميرة تشوفي طريقة لم عجينة المقروظ
هنا لمي العجين كامل غطيه بكيس غدائي وخدمي حتى التخلصي
نصبحة اخرى ما تبليهش ناشف لازم يكون طري لين ولو تلصقلك اثناء العمل استعيني بكيس فوق طاولة العمل حتى تسهل عليك لانو لو تبلبه ناشف العجبنة فيما بعد تشد روحها وتزيد تنشف ويجيك يابس

حبيبة امها · 2015-08-04, 09:11

بالنسبة للسميد يتباع عند اصحاب المحلات لكن اصبحنا اخيرا نستعملو سميد تاع الكسرة المهم يكون متوسط داءما تلقاي مكتوب في الكيس النوعية السميد المهم ما تستعمليش رقيق
الغرس ما تعجنيهش بماء الزهر اعجنيه بالماء و ظيفيلو عطر الزهر و2مغارف كبار زبدة وعجنيه يجيك طري بادن الله
التخبية يا اختي رايحة تديه لعرس من المستحسن 10 ايام يبقى لاباس عليه خبيه في علبة محكمة الغلق
بالتوفيق اختي اي سؤال اتفظلي

*ام فتحي* · 2015-08-04, 10:03

الله يحفظك لميمتك

ام تقوى 34 · 2015-08-04, 17:11

السلام عليكم مبروك عليك العرس انا نضيفلك معلومة كي يطيب المقروط متعسليهش حتى ما يفسدش حتى لغدوا منداك العرس وعسليه

farah77 · 2015-08-05, 01:15

Mabrok 3lik l3ars okhti ,ana tol Omri nkhaf mn lmakrod w mandirouch bsh f had l3id dart lwasfa taa oum amani w jani raw3a sadkini hayel ana fakat 3malto bettabe3 taa lmakrod lmaarof https://www.djelfa.info/vb/showthread.php?t=1175289

*ام فتحي* · 2015-08-05, 16:40

اقتباس:

المشاركة الأصلية كتبت بواسطة ام تقوى 34

السلام عليكم مبروك عليك العرس انا نضيفلك معلومة كي يطيب المقروط متعسليهش حتى ما يفسدش حتى لغدوا منداك العرس وعسليه

مشكووووورة اختي

وسمحيلي هذا وين شفت الرد

*ام فتحي* · 2015-08-05, 16:44

اقتباس:

المشاركة الأصلية كتبت بواسطة farah77

mabrok 3lik l3ars okhti ,ana tol omri nkhaf mn lmakrod w mandirouch bsh f had l3id dart lwasfa taa oum amani w jani raw3a sadkini hayel ana fakat 3malto bettabe3 taa lmakrod lmaarof https://www.djelfa.info/vb/showthread.php?t=1175289

مشكووووووووووورة اختي على الاهتتمام والنصيحة

fadila34 · 2015-08-05, 16:49

كل شىء مبروك انا خدمت لعرس مقروط ام انس 69 خرج روعة كلوه بلا اتاي

*ام فتحي* · 2015-08-05, 16:58

شكرا اختي fadila وعسلتيه وهو سخون ولا خبيتيه حتى قرب العرس

وكي يبرد يشرب العسل ؟ راني خايفة من السخانة تخسرولي

oum anas 69 · 2015-08-05, 17:07

عمرك ماتعسلي المقروط قبل العرس .. خلي ليلة قبل العرس أو نهار العرس صباحا عسليه يقعد جديد و مشرب و مليح
ماتخافيش المقروط هو القاطو الوحيد لي مايفسدش حطيه ي علبة و أغلقي عليه بلا عسل و كي يلحق الوقت عسليه

fadila34 · 2015-08-05, 17:12

اقتباس:

المشاركة الأصلية كتبت بواسطة *ام فتحي*

شكرا اختي fadila وعسلتيه وهو سخون ولا خبيتيه حتى قرب العرس

وكي يبرد يشرب العسل ؟ راني خايفة من السخانة تخسرولي

العفو اختي لالا خبينها ونهار العرس وسخنا العسل والماء زهر وعسلنه والله روووووعة جا يضوب فى الفم يعطيها الصحة اختي ام انس وربي يحفظها بهاذ المقروط حمرتلي وجهي

*ام فتحي* · 2015-08-05, 17:29

الله يحفظكم اخواتي وحبيباتي وحرايري وبنات بلادي ويعطيكم ما تتمناو

ا