امتحان تعليم السياقة و الرعشة الكبيرة

[مشكلتي]

اجتزت اليوم امتحان تعليم السياقة "crèneau" و لم انجح.انا التي كان المدرب يضرب بي المثل و متاكد من نجاحي،كصل لي امر غريب،لم استطع التحكم في رجلي التي كانت ترتعش لدرجة لم استطع فيها الضغط و التحكم في l embrayage. رغم انني تحدقت مع نفسي و حاولت التغلب على القلق بدون جدوى.توقفت تماما عن السير ولم استطع فعل شيئ وسط دهشة الجميع.كيف اتخلص من هذا

[hichemhad]

ههههههه فكرتيني بأيام جميلة انتي على الاقل توقفتي عن السير راني عاقل على واحد البنت دخلت في رصيف
اختي هذا امر طبيعي و قد حدث مع اغلب من اجتاز هذا الامتحان
و هذا راجع للخوف و القلق
المرة القادمة حاولي ان تقللي من هذا الخوف و لا تعطي للامر اكثر من حجمه فهذا مجرد امتحان سياقة و ليس نهاية العالم و الخسارة فيها فيها
ان شاء الله تنجحي في المرة المقبلة

[غزلانْ]

السلام عليكم

المدرب شيء و الامتحان شيء آخر
ما عليك فعله تجاهلي المحيطين بك
و ركزي و ستنجحين

بالتوفيق

[مناد بوفلجة]

الرعشة أثناء الامتحان معناه مازال خصك دروس إضافية

[visa uk]

صح هي صرات لاخي يخاف بزاف كان يتصور السياقة جبل كبير وكان يخاف طبيعة فيه بسيف باش تعلم كل واحد وهرموناتو وخوفو وعقليتو صراحة كاين لي مايهابش كامل تير فيهم يزدم وكاين شوية وكاين وحدو يترعد امثالك هادي نفسية كل واحد

[عصفور الكنآري]

امر طبيعي انا ايضا صراتلي بصح تحملتها وعادي تتغلب عليها بزيادة الدروس

[kim imane]

ارجو منكم رجاء صغير هو ان تدعو لي ان تفرج عني فنا احتاج لدعوة صادقة في هته الايام و جعلها الله في ميزان حسناتكم (بالنسبة لموضوعك ان مجربتها بصح ثاني مرة قلت بسم الله بعدها اخذت نفس طويل و بديت خطوة خطوة ايبقاي حاطا رجلك على لمبرياج و هزي غير بشوية ماشي حتان تكالي كطوبيل و متبقايش مركزة مع ناس لعكس ديري ثقة في نفسك و متاكدة راح تجيبيه و بالتوفيق ان شاء الله و نزيدك ملاحظة ان صح جيبت لبارمي بصح حبست سياقة تالمون صماطت و في نفس الوقت صعابت

[ايمان نور الجزائر]

حاولي التدرب او حاول التدرب اكثر واكساب نفسك ثقة اضافية والنفكير فقط في السياقة
وربي يوفقك ان شاء الله واهم شيء لازم تنسى وجود لانجنيور او الاشخاص المحيطين
انا ايضا على بعد ايام من امتحان الكرينو ربي يوفقنا وتفوت علينا بخير وسلام دهواتكم لنا

[somis]

انا لانجنيور شبعني عياط في لكرينو قريب ضربني ماديتهاش فيه كامل حتان كملت و انا هابط وهو يعيط قلت سور مرحش ننجح ههههه .... مشكلتك ياختي هي الخوف والقلق حاولي تسيطري على نفسك

[aroua]

اختي الله يجعلها صدقة مقبولة لي فات مات درك حضري روحك للي جاي
هده مراحل لكرينو احفضيها على ظهر قلب وان شاء الله راح يكون الخير في المرة الجايا راح يكونمي اذا انجحتى اتفكريني وادعيلي يوفقني ربي حتى انا .

المرحلة الأولى

1-حطي رجلك على لومبرياج للأخير
2-بروميار
3-هبطي فران امان
4-الغماز لليسار
5-انتبهي جيدا وراءك
6-ارخفي بالشوية لومبرياج حتى تتحرك السيارة
المرحلة الثانية
1- كيما يوصل لبيكي الأمامي عند حافة السيارة ....ديري نصف دورة
2- كيما يوصل للمرآة الأمامية ....دوري كلش لليمين
3- كيما تعدل روحها .....دورة ونصف لليسار وSTOPI .

المرحلة الثالثة

1-مارش اريار+الغماز لليمين
2-كيما تشوفي لبيكي الأول في المرآة الصغيرة الخلفية stopi ...........كلش لليمين
3-كيما يطابق لبيكي الخلفي مع الخيط stopi................ كلش لليسار
4- تخليوها تعدل روحها وstopi وطلعي فران امان + بامور.
حظ موفق ومبروك عليك ان شاء الله .

[michaella]

الله يوفقك ، حاولي تركزي على السياقة فقط كما لو لم يكن امتحان .

[نسيم الريح ش]

مكانش لي يفوت امتحان سياقة من اول مرة ينجح المرة الجاية تديه .دوك تدي البارمي وكلشي يبقى دكرى

[MonCEf NouFEl]

لالا روحي عقبي عادي وماكالاه تشوفي في هاظوك لي يسناو ديري روحك راكي قع وحدك

[صفيان 11]

حبك الله و الله ولا وليتي تصوقي غير و اش عندك الحياء و الحشمة غير يروحولك و اليمات بنتنا

[ZINEDINE_kaka8]

بالشوية برك اختي راهوا صح شوية يجيك الخوف لكن مع الوقت تتعلمي انا راني ديتوا في المرة الخامسة خخخخخخخخخخخخخخخخخخ