موضوع مميز واش طيبتي اليوم ؟الجزء الرابع - الصفحة 2

أم ياسين الزهراء · 2013-04-08, 07:41

ربي يفتحها عليك ام ماجذ ويجعلها عامرة اليوم اذا كتب ربي لابيري بالجاج

أم ياسين الزهراء · 2013-04-08, 07:47

هذي طريقة زهروان في عجينة الكورني اختي اوريسيا

الله يسلمك اختي ام ابراااهيم

شوفي هي من المفروض بالعجينةالمورقةولكن اناعملتها بهذه العجينة

القادير
-3 كيسان فرينة
-1/2كاس زيت
-3ملاعق سكر
-ملعقةخميرة عجين
- ملعقةخميرةكيميائية
-علبةياووغت طبيعة
-الملح

ولميها بالماء حتى تتحصلي على عجينة طرية ودخليها في ساشي ومباشرة في الثلاجة خليها ترتاح مدة1/2 ساعة

وبعدماترتاح قرصيها الىكويرات وخليهم يرتاحوشوية
ومن بعد حليها بالوراااق وقصيها الى شرائط ولفيها على لي كووورني
دهنيها بالبيض ورشي عليها جنجلان
ودخليها في الكوشة .

موفقةان شاء الله

YAKMISSOU · 2013-04-08, 07:58

صباح الخير عليكن جميعا مبرووك عليينا الكوزينة الجديدة ربي اقربنا لبعضانا اكثر واكثر
ام ماجد الكسكروت الجزائري امممممممم
ام كوثر واو مائدتك دائما تشهي

إلهام07 · 2013-04-08, 08:28

صباح الخير عليكم مبروك الكوزينة الجديدة
خونة تفتحوها بلا بيا وأنا قاعدة في الجزء 3 ماعلاباليش
رايحة اليوم نجرب لآخر مرة نفتح الكارت ميموار وإذا استحال ذلك رايحة نفورماتيها الله غالب
أنوشة أعطيني البرنامج اللي يسترجع الملفات راني نستنى
لازم نحطلكم طيابي و العرضة نتاع العرايس راهم جاو توالنا في الويكاند نحطو الصور فال الكوزينة الجديدة
كون نزيد نهار مانحطش طيابي نسخن وتطلع الحرارة 49

YAKMISSOU · 2013-04-08, 08:38

الهام ان شاء الله يرجعولك الصور وتمتعينا وشراهي اختك لباس

ساندي 28 · 2013-04-08, 08:48

صباح الخيرات والليرات عليكم كامل .صباح النور الهام ان شاء الله يرجعولك الصور

أم ماجد · 2013-04-08, 08:49

صباح الورد والفل والياسمين
الهام التحاليل مطمئنة اليك بعض الصور بلاك تعلقي عليها هههههههههه

عشاء خفيف داروه لبنات كنت عند أهلي

وهاذي في حديقة التسلية بسطيف

وهذا غذاء العاصمة حسيت بروحي بدوي في المدينة ههههههههههههه

حفيظ في سطيف يوم الجمعة

وراحت لي بعض الصور تاع العاصمة وتاع العرضة اللي درتها لسلافاتي

ام غزلان · 2013-04-08, 08:56

السلام عليكم يسرني الالتحاق بكوكبتكم النشيطة
رحبو بي عضوة جديدة بالمنتدى الي عجبني بزاف
ليوم نطيب كفتة وحريرة راني صايمة

إلهام07 · 2013-04-08, 09:02

اقتباس:

المشاركة الأصلية كتبت بواسطة yakmissou

الهام ان شاء الله يرجعولك الصور وتمتعينا وشراهي اختك لباس

الحمد لله راهي تقول لاباس ، بصح أنا لازم تشوف عيني باش نتهنى هاكي تعرفي

أم شيماءْ · 2013-04-08, 09:06

صباح الخير عليكم ومبروك علينا الكوزينة الجديدة
الهام وشراهي اختك انشاء الله سلامات عين وصابتكم
شكرا حبيبتي أم ياسين الزهراء
واهلا بيك معانا حبيبتي ام غزلان

أم ماجد · 2013-04-08, 09:06

اقتباس:

المشاركة الأصلية كتبت بواسطة ام غزلان

السلام عليكم يسرني الالتحاق بكوكبتكم النشيطة
رحبو بي عضوة جديدة بالمنتدى الي عجبني بزاف
ليوم نطيب كفتة وحريرة راني صايمة

صيامك في الجنة لكن صوريلنا الفطور باه ناكلو معاك وتدي أنت الأجر ههههههه

ام احمد وصال · 2013-04-08, 09:06

صباح الخير عليكم مبروك الكوزينة الجديدة بالربح ان شاء الله الهام الحمد لله على سلامة اختك ومشكورة على وصفة البدنجان ان شاء الله نديرها اليوم للعشاء ان شاء الله رايحة ندير الروز نتاعك حبيت نسقسيك واش هو لفاح تاع تونس انا معنديش وزيد حبةحلاوة قداه المقدار وقداه الوقت والروز وهو يفور ونديرولو الزيت ولا يفور بلا زيت

ام منيب · 2013-04-08, 09:08

مبروك الكوزينة الجديدة والله يطرح فيها البركة
انشاء الله نستفادو ونفيدو
ام كوثر طاجينك يهبل
ام خير الدين كل يوم تمتعينا باطباقك
......عندي رجاء يا الخواتات .....
اليوم راني عارضة ناس جاونا من فرانساوراني نوجدللعشا
..حريرة مرمز
..سلطة فلة
..كوكا تومات وجبن
..مطلوع الكوشة
لكن عندي الجاج وراني حاصلة في الطبق الرئيسي
..انتضر اقتراحاتكمعلى احر من الجمر....

ام احمد وصال · 2013-04-08, 09:08

اقتباس:

المشاركة الأصلية كتبت بواسطة ouricia

صباح الخير عليكم ومبروك علينا الكوزينة الجديدة
الهام وشراهي اختك انشاء الله سلامات عين وصابتكم
شكرا حبيبتي أم ياسين الزهراء
واهلا بيك معانا حبيبتي ام غزلان

صباح الخير حنونة واش راكي واش راهي العايلة الكريمة كاش اخبار على اختك النافس

أنوثة شرقية · 2013-04-08, 09:08

بسم الله والحمدلله.. ربنا بارك لنا في جمعتنا هذه واهدنا لما فيه خير لنا وارضى عنا انك السميع العليم
الف مبرووووك كوزينتنا الجديدة ويبارك لنا في عائلاتنا ويجعلنا من اللي يضيفو ويعلمو ويتعلمو ويشجعو ولازم لاتخلو جمعتنا هذي من ذكر الرحمان
ام ماجد وين قسمتي تاع التمر واللبن ههههه