عجيب امركم ايتها النسوة

[الصادع بالحق]

المشاركة الأصلية كتبت بواسطة toulay

السلام عليكم
شفتي يا اخي كاين امهات ربي يهديهم ميحبوش لاولادهم الخير وميحبوش يشوفوا ابنهم فرحان مع البنت لخيرها مفهمتش علاش واش العقلية هاذي راهم old-fashioned
حرام على بنات الناس حلال على بناتها
قمة الانانية
normalement الام تفرح مين تشوف ولدها فرحان ومهني مع البنت ليحب هي non تروح تنكد عليه وتولي كيما الوسواس الخناس ميخافوش ربي
ياسبحان الله تغير من بنها عجب تاع الصح ولازم كيما تقول هي مشات يالوكان غالطة
واش نقولك يا اخي علابالي بلي راهي امك بصح هاذيك لراهي مطايشة عند والديها راهي الزوجة تاعك امانة يلزم عليك تحافظ عليها وماتخلي حتى واحد يظلمها حتى اهلك
كل واحد في حدو
ربي يفرج عليك ان شاء الله
بالتوفيق

بارك الله فيك

انا هدرت مع مرتي قتلها هدي يما وربي وصانا على الوالدين

قتلها حتى ادا قالونا والديها اكفرو قالنا ربي رد عليهم بالحسنى قتلها مكاش اكبر من الكفر وربي وصانا نحسنولهم

ربي يهدي يما وخلاص ربي يصلح لحوال

[الصادع بالحق]

المشاركة الأصلية كتبت بواسطة hodayena

الحمد لله مزال كاين رجال ف بلادنا يشوفو بلي زاوجاتهم مظلمومين ويعرفو يتصرفو انا نقلك الي مافيه الخير في عايلتو امه وابوه وخياتو مافيهش الخير في مرتو وانت الخير تع اهلك بان في زوجتك انا نقولك ربي يدوم المحبة بينك وبين زوجتك وربي يهنيها بيك لانو الرجل الي يدعم مرتو في الحدود ويعرف واش صاري في دارو ويعرف الحق من الباطل انا نقول راك واعي لانو كاين في عمرك ومرتو لو تشتكي بالرغم من الظلم الي تشوفو يقولها انا يما وخياتي قبل كلش وووو
انا نقولك ادا مرتك مزال مرجعتش
انا نقولها من ولي للدارك ربي اعطاك راجل كالن ساكت لكن كانت عينو تشوفو وكان ينتظر الفرصة المناسبة الي يقدر يجب بيها حقك ولي رجال كيما انت قلال بزاف
ونقولك ليك ؤوح جيب مرتك وتصالحو وربي يهنيكم ويدوم عشرتكم

انا نقولك سبة المشاكل كامل في البيت انو كل واحد يدخل في شؤون غيرة كل واحد حاسب في روحو فاهم
بعض النسوة مرضى لازم النقص الي فيها تخبيه بتنغيص على مرت خوها
الزوجة قبل ما تخمم تتزوج لازم تروح تقرا علم النفس تولي طبيبة نفسية وتدير عملية توسيع للقلب تكبر في قلبها
وتعمل عملية تعطيل في نصف المخ باه الهدرة العيانة مستقبلهاش
انا نقول الانانة وصلتنا لهاد الشيء يحبو لبناتهم الهناء مي بنات الناس لالا بالرغم انو هي زوجتة ابنهم كيما كاين العكس كل واحد ينجم يعرف مرتو كيافه دايرة ادا كان راد البال ديالو لدارو
ربي يهنيك بيها وربي يهنيها بيك

بارك الله فيك

اولا مرتي منفرطش فيها ومنتخلاش عليها ونتحمل مسؤوليتي منهرب منتخبى انا راجل

ثانيا قلتي كلمة قسما بالله غير صحيحه مئة بالمئة

انا من جهة ستنيت قلت ربي يهديهم

وستنيت لفرصه لمناسبة

ربي جاب سبة كامل شافو بابا خاوتي شافو علمباشر هنا كانت نقطة لبداية تاع تدخل تاعي

خطرش كان عيطت ملول يقلك حرشاتو مرتو

وين تهدر يقلك هاه حرشاتو علينا ونسا يكدبو

اتخيلي نهار انفجرت الحاله مرتي انفجرت بلبكا ولعياط على ختي

ايماجينيو كي خرج يجري بابا وخويا يشوفو وش كاين

قاتلهم ختي كنت واقفه جات تعيط عليا ودفع فيا هههههههه قاتلهم مدرتلها والو وحدها راهي دير هكدا

مقاتلهمش بلي ممرتي سقمت كوزينة جات ختي مدارها نحات كامل وش دارت مرتي ورماتو قاتلهم مرتي وحدها راهي

تبكي وتعيط

[الصادع بالحق]

السلام عليكم

واش راكم لاباس كامل اتمنى بادن الله تكونوا كامل بخير وعلى خير

اكيد تشفاو على الموضوع لي كنت كتبتوا

والله مرت علي ايام لا اتمنى ان تعود ولا اتمنى ان تحدث مع اي احد

رجعت اليوم للكتابة في هد الموضوع باش نخبركم وش صرا معايا

ووين وصلت الامور معايا

اولا مرتي رجعتها بعد شهرين بشق الانفس

خليتها في دارهم شهرين تاع صيف باش تريح وتنسى شوية الامر لي صرا

حبيت نقلكم وش درت

اولا الامر لي مننساهش فشهرين لي مرتي راحت لدارهم ولا واحد من خياتي سقساني على مرتي ووليدي او اتصل بمرتي وقالها وكتاش ترجعي

بمعنى بسبتهم راحت مرتي وخلاوني حاصل وحدي وش هو الهدف تاعهم من هاد الامر ؟؟؟

كي شفت هكدا بلي الخاسر الوحيد هو انا شهرين بلا مرتي بلا وليدي زعفت زعفه تاع صح

كيما يقلك طارلي لقرمود

زدمت لعند ازواج خياتي حكمتهم هدرت معاهم صبتهم معبالهمش وش صرا

قتلهم وش صرا بلا متعمقت خلاصة القول قتلهم هاو وش صرالي بسبتهم وراني شهرين ونص وحدي لا مرتي لا وليدي وواحد فيهم محوس يصلح الامور يعني تفرت فيا وحدي بسبتهم

قتلهم مالا نعلمكم بامر

منا وجاي تزيد تغلط ختي لي هي مرتك مع مرتي منضربهمش عندي فدار

نزدملك لداركم ونوصل الامر لبعيد

خياتي مند تلك الحادثه الى يومنا هدا مزت رحتلهم لديورهم ومزت هدرت معاهم ربي يغفرلي حتى لعياد ومعيدت عليهم

راهم حابين كيفاش يرجعوا يتوالوا معايا حاوزتهم خطرش مراحليش زعاف الى يومنا هدا

مرتي رديتها مع وليدي مند حوالي شهر لحمد لله مصرالي حتى مشكل فدار وشنو حلفتلهم فدار يزيد وحد يغلط مع مرتي نهايتو على يدي ومنرحموش

غاضتني ببزاف مزوجين في ديورهم جاو لعندي لدار داربوا مع مرتي وراحت دارهم تلت شهور وحد محوس لا عليا لا على مرتي ووليدي

تسمى حصلوني وخلاوني حاصل وحد محوس عليا هدي مقدرتش ننساها ولا نسمح فيها

امر اخر ايضا لحق رجال خياتي وقفوا معايا ولاو يجيبو خياتي ويردوهم معاهم وحدروهم ووصاوني كاش ميصرا عيطلنا فلبلاص

بارك الله في جميع من واساني تلك الايام الصعبه والله منحبش حتى نتفكرها

[Hanan salim]

المسكن المستقل سبب من أسباب نجاح العلاقه الزوجيه لأن مهما كان أهل الزوج طيبين ومهما كانت الزوجه طيبه لازم يصير سوء تفاهم وراح يكبر يوم ورا يوم .. تقوى الله لازم يكون الانسان عندو تقوى الله عشان ما يسبب مشاكل بين الناس

[الصادع بالحق]

[QUOTE=Hanan salim;3997146682]المسكن المستقل سبب من أسباب نجاح العلاقه الزوجيه لأن مهما كان أهل الزوج طيبين ومهما كانت الزوجه طيبه لازم يصير سوء تفاهم وراح يكبر يوم ورا يوم .. تقوى الله لازم يكون الانسان عندو تقوى الله عشان ما يسبب مشاكل بين الناس[/QUO

بارك الله فيك

يا اخي وين راه المسكن الخاص ’؟؟؟؟؟؟ انا بابا من سنة 1989 وهو داير ملف سكن الى يومنا هدا معطاولوش

[Hanan salim]

[quote=الصادع بالحق;3997146696]

المشاركة الأصلية كتبت بواسطة hanan salim

المسكن المستقل سبب من أسباب نجاح العلاقه الزوجيه لأن مهما كان أهل الزوج طيبين ومهما كانت الزوجه طيبه لازم يصير سوء تفاهم وراح يكبر يوم ورا يوم .. تقوى الله لازم يكون الانسان عندو تقوى الله عشان ما يسبب مشاكل بين الناس[/quo

بارك الله فيك

يا اخي وين راه المسكن الخاص ’؟؟؟؟؟؟ انا بابا من سنة 1989 وهو داير ملف سكن الى يومنا هدا معطاولوش

الله يكون بعونكم .. بس ممكن الزوج يُحد من المشاكل والزوجة لما يتفاهمو انو ما يسمحو لأي حدا يدخل فيهم ولا يخرب بينهم شو ماكانت الأسباب

[الصادع بالحق]

[QUOTE=Hanan salim;3997146786]

المشاركة الأصلية كتبت بواسطة الصادع بالحق

الله يكون بعونكم .. بس ممكن الزوج يُحد من المشاكل والزوجة لما يتفاهمو انو ما يسمحو لأي حدا يدخل فيهم ولا يخرب بينهم شو ماكانت الأسباب

هادا هو الكلام

انا بعد ماصر معي خلاص صرت ما اتسامح مع اي واحد في البيت يقترب مني بمعنى اي واحد يدخل في اموري الخاصه اندمه انه تكلم او تدخل

[توحيد الجزائرية]

ما يقهر اي زوجة موقف الزوج من المشاكل
تقدر تتحمل اي شيء الا خنوع الزوج وصمته
ومشكلتك اخي مثلها في كل بيت ...لكن كاين من يبادر لحل جذري ويوقف كل شخص في حدو
وكاين اللي ينتهج سياسة الهروب نحو الامام يسكت ..
اي اخت زوج تحب تستعرض شطارتها في دار الوالدين ومع ناس البيت ماتقدر دير والو ومشي مقيمينها اصلا
يا اخي اخوات الزوج مشكل تديلهم وتمدلهم وتزورهم وتقولك بسيف عليك خويا
واذا مرض خوهم مكاش اللي تسقسي عليه
ربي يعينك..ويفرج عليك..والله هذي المشاكل تكره الحياة وتمرض .

[mohamed nadim]

من الخطأ التعميم

ليس دائما أخوات الزوج شريرات ......اللوسة سوسة
و ليست دائما الزوجة ملك نازل من السماء

أخيرا رجال وقتنا ماشي رجال

حاشا اللي ما يستهلهاش

[Samiramro]

لا حول و لا قوة الا بالله, الله يهدي الجميع يا رب

[الصادع بالحق]

المشاركة الأصلية كتبت بواسطة توحيد الجزائرية

ما يقهر اي زوجة موقف الزوج من المشاكل
تقدر تتحمل اي شيء الا خنوع الزوج وصمته
ومشكلتك اخي مثلها في كل بيت ...لكن كاين من يبادر لحل جذري ويوقف كل شخص في حدو
وكاين اللي ينتهج سياسة الهروب نحو الامام يسكت ..
اي اخت زوج تحب تستعرض شطارتها في دار الوالدين ومع ناس البيت ماتقدر دير والو ومشي مقيمينها اصلا
يا اخي اخوات الزوج مشكل تديلهم وتمدلهم وتزورهم وتقولك بسيف عليك خويا
واذا مرض خوهم مكاش اللي تسقسي عليه
ربي يعينك..ويفرج عليك..والله هذي المشاكل تكره الحياة وتمرض .

منكدبش عليك صح تخدعت نقلك علاش والله منعرف هاد لمشاكل تاع نسا منيش مخالط نسا في حياتي وماشي موالف ندخل فهاد لقسرات

وتاني درت نية بزاف

[الصادع بالحق]

المشاركة الأصلية كتبت بواسطة mohamed nadim

من الخطأ التعميم

ليس دائما أخوات الزوج شريرات ......اللوسة سوسة
و ليست دائما الزوجة ملك نازل من السماء

أخيرا رجال وقتنا ماشي رجال

حاشا اللي ما يستهلهاش

اخي تبع الموضوع الدي نتكلم فيه موضوع محدد اعرف انه ليس المشاكل دائما من طرف محدد

موضوعنا باين


وياخو كلمة رجال تاع ليوم ماشي رجال ماشي بلاصتها

[toulay]

السلام عليكم
الحمد الله لرجعت المياه الى مجاريها ورجعت الزوجة تاعك وابنك
وكيما يقولوا الشبح يجيب الربح
وانت درتي هدة كبيرة مين وصلتي الامر لازواج خياتك ودرتي مليح تاع الصح باش كل واحد يلزم حدوا وهكذا خياتك يولوا يديرولك الف حساب قبل مايقوموا باي خطوة
ونصيحة اذا يعني امورك المادية لباس بيها حاول تكري حتى يفرج ربي سبحانه وتعالى هكذا باش تتفادى المشاكل وتريح راسك
كيما يقول المثل اخسر وفارق
بالتوفيق

[لمسة ابداع]

المشاركة الأصلية كتبت بواسطة mohamed nadim

من الخطأ التعميم

ليس دائما أخوات الزوج شريرات ......اللوسة سوسة
و ليست دائما الزوجة ملك نازل من السماء

أخيرا رجال وقتنا ماشي رجال

حاشا اللي ما يستهلهاش

احسن رد يارك الله فيك

[mohamed nadim]

المشاركة الأصلية كتبت بواسطة الصادع بالحق

اخي تبع الموضوع الدي نتكلم فيه موضوع محدد اعرف انه ليس المشاكل دائما من طرف محدد

موضوعنا باين


وياخو كلمة رجال تاع ليوم ماشي رجال ماشي بلاصتها

يا أخي لا تنزعج . كان وقعها قاس لأنني قلتها بالعامية فظهر لك أنها ليست في مقامها
و هناك حديث شريف عن أخر الزمان من جملة ما يقول
** إذا فعلت أمتي خمس عشرة خصلة حل بها البلاء فقيل وما هن يا رسول الله قال إذا كان المغنم دولا والأمانة مغنما والزكاة مغرما وأطاع الرجل زوجته وعق أمه وبر صديقه وجفا أباه

هدا حديث شريف و لاشك اننا في اخر الزمان
و ما أؤكده لك أن الذي يعق أمه من أجل أن يطيع زوجته ليس رجلا و لو وصلت اللحية الى ركبتيه و لو كنت أنا

عافانا و عافكم الله تعالى
هدا بصفة عامة