وصفات من حراير مطبخ وش طيبتي اليوم

[idron0]

هريسة نوادكوكو rahma4
ندير ثلاث كيلات نوادكوكو وكيلة ناقصة سكر مغرف صغيرة لالوفاغ ونكثر زاست اليمون ولم بالبيض ونحطها في بلا ونقصها الشكل لي حبيت ونضع فوقها جوزة ونحطها فالفور الطيب وكي تخرج نشربها بالعسل
إضغط هنا لرؤية الصورة بحجمها الطبيعي.

[NNANNI]

المشاركة الأصلية كتبت بواسطة دائمة الحمد

اختي الكريمة قهوة الحبيبات راهي النيسكافي

شكـــــــــــــــــــــــــرااا حبيبتي

[بشرى2008]

كبدة مشرملة ليزابال


الكبدة نقطعها مكعبات بنفس الحجم تقريبا و ندير في مقلة شوية زيت يسخن ر نرمي عليه الكبدة و النار تكون اقل من المتوسطة و نقلب ،، نضيف الملح و الفلفل الأسود و الكمون و نزيد نقلب حتى نشوفها كامل رجعت بنفس اللون و الما تاعها نشف تماماً ،، نرابي عليها الثوم زوج سنات ولا ثلاثة حسب الكمية و نزيد نقلب على نار هادية حتى نشوف الثوم تخلط معاها مليح و تقلى ،، من بعد نرابي زوج حبات طماطم متوسطين و نضيفهم و نزيد م ص معمرة طماطم مصبرة و نخلط و نغطيها و نخليها تكمل الطياب فالما تاع الطماطم و نعطيك سر باش تجي لاصوص تومات بنينة نديرلها ربع م ص سكر عادي يعطيها بنة و يكسر لها الحموضة ممممممم و مين تقرب لاصوص تنشف نزيد عليها معدنوس مقطع و نخلط شوية و نطفي و ما تنسيش تذوقي الملح ،،،،،،،

[ام سراج وملاك]

معقودة لـ جومانة 09
المعقودة في طبق السيلكو ن واش رايكم ؟
4حبات بطاطا مغلية و مرحية - 2سنات ثوم - 6 بيض - بصلة مبشو ة - 4 فرماج - معدنوس - ملح

[ام سراج وملاك]

مقروط بشكل جديد جومانة09
المقادير:
العجينة:
- 3 كيلات سميد متوسط
-كيلة ليدام(سمن ذائب)مملوءة تماما
- فنجان شاي زيت
- قرصة ملح - حفنة لوز او كاوكاو حب
-3مغارف كبار فرينة
الماء +ماء الزهر-عسيلة

الحشو
3 كيلات لوز او كاوكاو مرحي
كاس سكر
قليل من القرفة
ماء الزهر
التحضير:
نخلط كل المقادير ماعدا الماء+ماء الزهر ونتركه ليلة كاملة حتى يجف ثم نقوم بعملية الفرك
ثم ناخذ ماء +ماء الزهر ونبلل الخليط حتى يصبح لين بالنسبة للحشو:
نجمع الكل بماء الزهر حتى تصبح طرية ناخذ قليلا من العجين ونضع الحشو بداخله بعدما نضع الحشو داخل العجين نقوم نتشكيلها كرية ووضعها داخل مول حديدي مثل مول الدزيريات ونقوم بنقشه ونضع في وسط كل كرة حبة لوز او كاوكاو وندخلهم للفرن مسخن مسبقا على درجة حرارة 180 ونتركه حتى ياخذ اللون الذهبي ونكون قد سخنا العسيلة (العسيلة ساخنة والمقروط كذلك) ومباشرة عندما نخرج المقروط من الفرن نسقيه بالعسيلة الساخنة
مقروط بشكل جديد المقادير: العجينة: - 3 كيلات سميد متوسط -كيلة ليدام(سمن ذائب)مملوءة تماما - فنجان شاي زيت - قرصة ملح - حفنة لوز او كاوكاو حب -3مغارف كبار فرينة الماء +ماء الزهر-عسيلة الحشو 3 كيلات لوز او كاوكاو مرحي كاس سكر قليل من القرفة ماء الزهر التحضير: نخلط كل المقادير ماعدا الماء+ماء الزهر ونتركه ليلة كاملة حتى يجف ثم نقوم بعملية الفرك ثم ناخذ ماء +ماء الزهر ونبلل الخليط حتى يصبح لين بالنسبة للحشو: نجمع الكل بماء الزهر حتى تصبح طرية ناخذ قليلا من العجين ونضع الحشو بداخله بعدما نضع الحشو داخل العجين نقوم نتشكيلها كرية ووضعها داخل مول حديدي مثل مول الدزيريات ونقوم بنقشه ونضع في وسط كل كرة حبة لوز او كاوكاو وندخلهم للفرن مسخن مسبقا على درجة حرارة 180 ونتركه حتى ياخذ اللون الذهبي ونكون قد سخنا العسيلة (العسيلة ساخنة والمقروط كذلك) ومباشرة عندما نخرج المقروط من الفرن نسقيه بالعسيلة الساخنة

[idron0]

زبدة الفول السوداني الهام 07


هذا رابط للتوضيح :
https://www.youtube.com/watch?v=qb6wKWJ9r3g

حوالي كاس فول سوداني نحمصو مليح ثم وهو سخون نحطو نرحيه في الروبو باش يعجن وحتى لو ماشي سخون ثاني تصلح عادي



ارحيه مليح حتان يرطاب ويبدى يعجن وكل شوية أفتحي هبطيه من الحواشي بمغرفة وعاودي أرحي حتان يرجع كيما عجينة يعني كيما حلوة الترك وزيدي أرحي يبدى يطلق في الزيت نتاعو ويرجع كيما عجينة جارية خلاص وأبقاي أفتحي حركيه بمغرفة وأرجعي أرحي حتان يرطاب كاين اللي يحب زبدة الفول السوداني ماشي رطبة خلاص هنا كيما تحبو
المهم هنا زيدو شوية زيت مقدار 1 م ك زيت ذرة او زيت زيتون ( كاين نوع يجي أبيض وشفاف وخفيف كيما الماء ماعندو حتى ريحة ) او أي نوع زيت صحي كيما زيت الكانولا وزيدو أرحيو مليح هنا كمية الزيت كيما تحبو يعني قد ماتحبوها جارية زيدو الزيت وعلى العموم هي ماجيش جارية بزاف جي كيما العجين الجارية
كي توجد نزيدو شوية عسل ( انا حطيت عسل حر ) العسل حسب الذوق أنا درت 4 م ك عسل حر (باش يجي صحي ) و2 م ك عسل أم أنس

كيما راكو تشوفو كيمة الزيت قليلة بزاف اللي زدناها يعني صحية جدا

مممممممممممم جات بنينة تقتل كي ديريها فوق الخبز يم يم يم

[idron0]

الطعام lyzzabel
لهونتي الحلوة تفضلي الطعام على طريقة ناس الغرب او بالأحرى على طريقتي هههههههه
هو من الأحسن يندار باللحم الغنمي ،، ديري فالكوكطة حبة بصل كبيرة مقطعة و اللحم و قلي على نار هادية و قلبي ضيفي زوج حبات طماطم كبار مقطعين ما يهمش الحجم و الشكل و زيدي قلي مليييييح و تبلي بالملح و الفلفل الأسود و عود قرفة و نصف م ص سكنجبير و شوووويييييييية زعفران ما تكثريش و زيدي قلي و مرقي بشوية تاع ماء ،، مين يبدأ يغلي ضيفي ملعقة كبيرة مملوءة طماطم مصبرة و كمشة حمص منفخ انا توجوغ نديره في كيس صغير نقي طبعا و نثقبه بالفرشيطة باش من بعد ما نبقاش نصيد فيه بالحبة ،، و نرمي فالمرق زرودية تكون شوية رقيقة و لا كانت طويلة نقسم الحبة على زوج بالعرض و لا كانت غليظة نقسم الحبة على زوج بالطول ،، و نضيف اللفت حبة ولا زوج انا ما يعجبنيش في مرقة الطعام يعجبني في مرقة الرقاق و نزيد نمرق للآخر و نغلق الكوكوطة و نخلي المرقة تطيب على نار متوسطة
في هذاك الوقت نشمخ الطعام و نفوره و نعاوده راني شارحة طريقتي في موضوع المدفون بالكسكس
بعد ساعة و نصف نفتح لاكوكوت و نشوف لاكان اللحم طاب ننحيه و لاكان ما طابش نخليه يكمل الطياب مع البطاطا و الكورجات بعد ما نقيتهم و قطعتهم ،، مين تكون الكورجات صغيرة ما نقطعهاش نخليها حبة حتى للتقديم ،، و نعاود نغلق عليهم و نخليهم يطيبو وحد نصف ساعة
مين يطيبو الخضر و اللحم ،، نصفي المرق و نحط الخضر و اللحم و الحمص فوق الطعام بعد ما نكون دهنته مليح و المرق نقدمه في سقاي ولا نسقي مباشرة قبل التقديم و بسسسسسس و شهية طيبة مممممم
ملاحظة صغيرة برك ،، لاكان درتيه بلحم الجاج زيديله شوية ملح و حمريه قبل التقديم باش يجي بنييييين D،،


إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

[*ام ادم*]

بارك الله فيكم و جزاكم الله خيرا فيما تقديمونه

[lyzzabel]

للغالية ام سهام

وصفة البينيي les beignets
500غ فرينة + 6 مك سكر + 1مص خميرة الخبز + 100غ مرغرين طرية او ½ كاس زيت + 2 مك حليب غبرة + فانيلا + ½ خميرة الحلوى + رشة ملح + و لمي بالماء الدافئ حتى تتحصلي على عجينة طرية + ديريها في كيس و خليها تخمر + كتخمر شكلي كويرات صغار كالحبة تع الجوزة + كتكمليهم حلي كل كرة بالحلال و بداي تقلي + افتحي كل حبة على جهة و حشيها بالمعجون و زينيها بالسكر
ملاحظة : اذا متوفرش عندك حليب غبرة لمي العجينة بالحليب السائل






حلوة الزبيب gateau aux raisins secs
المقادير : 4 بيض + 1كاس سكر عادي + 1كاس زبدة ذائبة + 2مك زيت + فانيلا + قشور الليمون + 1 خميرة حلوى + رشة ملح + فرينة
*خلطي كامل المقادير بالترتيب و لمي بالفرينة حتى تتحصلي على عجينة طرية . شكلي كريات و حشيهم بالزبيب يكون منقع في ماء دافئ و منشف و مقطع قطع صغيرة و ديريهم في الطابع تع المعمول او اطبعي بالطابع تع الصيار و الطياب كيما الصابلي
*تقدري تعوضي الزبيب بالكرموس او المشماش المجفف

[idron0]

السيقار lyzzabel
درت زوج حبات بيض و قرصة ملح و ضربتهم زدت اقل من نص كاس سكر عادي و لافاني و زاست الليمون اليوم ما درتش و نزيد نضرب و نضيف نص كاس زيت و زوج مغارف كبار حليب ساءل و نخلط و كيس خميرة الحلويات و نلم بالفرينة حتى تولي عندي عجينة طرية ،، نخليها ترتاح شوية و نسخن مقلة فيها الزيت و نبدأ نشكل لي سيقاغ و ننقص النار كامل و نقلي على الجهتين و نعسل و مرات نرمدهم فالسكر لرطب


إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[ام هاديل وياسين]

بارك الله فيكم اخواتي على الوصفات شكرااااا

[idron0]

خبيزات السلق rahma4
العجينة: انا تعتمد عجينة عشر دقائق في جميع المعجنات والحشو السلق ذبلتو مع التوابل شوي ثوم
طرحت العجينة رقتها مليح وحطيت الحشو على طرف العجين وروليت العجين راح نحطلك بعض الصور واذا كان استفسار اني هنا
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي. رتروليه كيما سويسرول
وقصيتو مربعات ودهنت باصفار بيضة وخليوتو اختمر
إضغط هنا لرؤية الصورة بحجمها الطبيعي. ومن بعد طيبتو
إضغط هنا لرؤية الصورة بحجمها الطبيعي.
وهذا من الداخل
إضغط هنا لرؤية الصورة بحجمها الطبيعي.

[nadjet45]

السلام عليكم لبنات واش راكم نتمنى تكونو كامل ملاح الله يخليكم حابة وصفة نتاع بطاطا في الكوكوط وكاش وصفات مليحة وبنان وجزاكم الله خيرا

[دائمة الحمد]

ادخلي هنا اختي الكريمة المشاركة الاخيرة

https://www.djelfa.info/vb/showthread...362108&page=76

[rahma2014]

شكرا على كل المحهود باه تسهلي علينا االبحث جعله الله في ميزان حسناتك