شوفي أختي أن معتمدة هاذ الوصفة لصنع الطرطات في بيتي
ما تخافي تنزل ما تخافي تتشقق تجي طالعة كاملة ولامعة
المقادير
1 فلان الذوق لي تحبيه أنا نفضل فاني
كأس زيت ماش معمر تقريبا نصف كاس زايد شوية
2 خميرة تاع القاطو
2 فاني
نصف كاس سكر
رشة ملح
نصف كأس نشاء
6 بيضات
فرينة تقريبا كأس
التحضير
تخلطي البيض مليح ، تضيفي الفلان و الفاني و السكر و الملح و تكملي تخفقي مليح
تضيفي الزيت تزيدي تخفق ، ثم تغربلي النشاء و الخميرة و تضيفيهم ، و أخيرا تكملي تشيحي بالفرينة
لازم تكون العجينة شوية سائلة
تدهني المول ولا الصينية زبدة و ترشيها بالفرينة و تصبي الخليط بشكل دائري باه ما تجيكش منتفخة من الوسط و هابطة من جهة
تدخليها فرن مسخن مليح و بعد 10 دقائق تنقصي الحرارة إلة 200 درجة
كي تشمي ريحتها يعني راهي نضجت ما تاخذ أكثر من 20 دقيقة
دخلي الكيردون لا خرج ناشف معناها راهي طابت مليح
لا مازال ما نشفش مليح زيدي رجعيها شوية
و زينيها كيما تحبي
ملاحظة
لا حبيتي ديريها زوج طبقات ديريها في صينية عريضة
لا حبيتي تعمليها عدة طبقات طيبيها في صينية دائرية صغيرة
أنا للطرطات نستعمل صينية ثقيلة نحطها فالجزء السفلي و نشعل من فوق و من تحت ، نطبخها من الجهتين في نفس الوقت من دون ما نخاف انها راح تتحرق من الأسفل
نتمنى نكون فدتك
و التزيين حسب الإمكانيات و الذوق و الموجود
( تقرير عن مشاركة سيئة )، و الموجودة أسفل كل مشاركة .
2012-09-07, 16:33
ساعدوني في باتيسري عيد ميلاد امي اليوم
العرض العادي
